Category: कानुनी कुरा

काठमाडौं । सरकारले प्रतिवन्धित नेत्रविप्लव चन्द नेतृत्वको समूहविरुद्ध धरपकड तथा कारवाही तिब्र बनाएको छ ।

बिहीबार सर्लाहीको लालबन्दीमा प्रहरीसँगको भिडन्तमा जिल्ला इञ्चार्ज कुमार पौडेल मारिएका छन् भने रोल्पाबाट ५ जना कार्यकर्तालाई प्रहरीले नियन्त्रणमा लिएको छ ।

बिहीबार लालबन्दी नगरपालिका–१, लखनदेवी जंगलबाट मोटरसाइकलमा सिन्धुलीतर्फ जाँदै गरेका ४ जनाले प्रहरीमाथि गोली चलाएको र जवाफी कारबाहीमा सर्लाहीका जिल्ला इञ्चार्ज कुमार पौडेलको ज्यान गएको नेपाल प्रहरीले जानकारी दिएको छ ।

अन्य तीन जना भने भाग्न सफल भएको थिए । पौडलको साथबाट प्रहरीलाई गोली हानिएको सिक्स एमएमको रिभल्भर बरामद भएको छ भने झोलामा थ्री नट थ्री राइफल, गोली, कटुवा पेस्तोल पनि भेटिएको बताइएको छ ।

उनका साथमा भेटिएको डायरीमा विभिन्न व्यवसायीको विवरण राखिएको र उनी पछिल्लो समय चन्दा आतंक फैलाएर रकम असुल गरिरहेको प्रहरीको दावि रहेको छ ।

प्रहरीले घटनास्थलबाट विप्लव कार्यकर्ताले प्रयोग गरेको ना २२ प ६४ नम्बरको एक र अनटेस्ट एफजेड मोटरसाइकल पनि बरामद गरिएको उल्लेख गरेको छ ।

बाग्मती नगरपालिका–२, धरहरा घर भएका ४७ वर्षीय कुमार पौडेल नेपाली कांग्रेस, नेकपा एमाले, माओवादी, वैद्य समूह हुँदै विप्लव समूहमा आइपुगेका थिए । उनी चुरे भावर पार्टीमा समते आवद्ध थिए ।

उता, जिल्ला प्रहरी कार्यालय रोल्पाले नेत्रबिक्रम चन्द ‘विप्लव’ नेतृत्वको नेकपाका ५ जना स्थानीय नेतालाई पक्राउ गरेको छ ।

प्रहरीले बिहीबार राति रोल्पाको माडी गाउँपालिका–२ पेदिखोलामा सुतिरहेका नेकपा गंगादेव गाउँपालिका इञ्चार्ज सन्दीप वली, माडी गाउँपालिका इञ्चार्ज स्याम बुढा, देबबहादुर वली ‘दिनेश’ र गणेश मगरलाई पक्राउ गरेको जानकारी दिएको छ ।

काठमाडौं । सरकारले ल्याएको गुठी विधेयकको विरुद्धमा बुधबार काठमाडौंमा भब्य सभा आयोजना भयो ।

माइतिघर मण्डलामा आयोजना गरिएको विरोधसभामा हजारौं मानिस ओर्लिएका थिए । काठमाडौंको विभिन्न चोकबाट निस्किएको जुलुस माइतिघर मण्डलामा भेला भएको थियो ।

नेपाली झण्डासहित उपस्थित हजारौं नागरिकले धर्म र आस्थामाथि खेलबाड नगर्न सरकारको ध्यानाकर्षण गराए ।

आन्दोलनका कारण काठमाडौंको छवि बिग्रिएको छ । उग्र आन्दोलन र झडप भइरहने भएकाले यहाँको आन्दोलन असुरक्षित हुने भए रहन्छ ।

तर, बुधबार काठमाडौं बासिले आफ्नो फरक स्वरुप प्रदर्शन गरे । हजारौं मानिस सहभागी भएपनि अप्रिय घटना भएन । एम्बुलेन्सलाई सजिलै बाटो दिइएको थियो भने सहयोगी तथा स्वयमसेवकले पानी वितरण गरे ।

स्वयमसेवकले सुरक्षामा खटिएकर्मीलाई पानी खुवाएको दृष्य हेर्न लायक थियो । आन्दोलनकारीले बुधबार अपरान्ह आफैले फोहोर टिपे र माइतिघर मण्डलालाई सफा पारी छाडे ।

केही दिन अगाडी गुठी विधेयककै विरोधमा माइतिघर मण्डलामा भेला भएका आन्दोलनकारीलाई प्रहरीले पानीको फोहोरा फालेर धपाएको थियो ।

सरकारले निजी र सार्वजनिक गुठीलाई प्राधिकरण बनाएर नियमन गर्ने गरी गुठी विधेयक ल्याएपछि देशभर आन्दोलन चर्किएको छ ।

खासगरी गुठीमा काठमाडौं बासीको बढी चासो छ । यहाँको नेवारी समूदायको परम्परासँग जोडिएको गुठीमा सरकारले आँखा लगाएको भन्दै यहाँका नागरिक आन्दोलनमा उत्रिएका हुन् ।

व्यापक विरोध भएपछि सरकारले गुठी विधेयक फिर्ता लिने निर्णय गरेको छ । तर, काठमाडौं बासीको माग विधेयक खारेज नै हुनुपर्ने रहेको छ ।

काठमाडौं । कार्यबाहक प्रधानमन्त्री इश्वर पोखरेलले बिहीबार विभिन्न संचारमाध्यमका सम्पादकलाई छलफलका लागि बोलाएर सरकार र मिडियाबीच औपचारिक संवाद शुरु गरेका छन् ।

अहिले सरकार र संचार जगतबीचको सम्बन्ध चिसिएको छ । सरकारले ल्याएको प्रेस काउन्सिल विधेयकविरुद्ध मिडिया अहिले आन्दोलनमा छ ।

प्रधानमन्त्री केपि शर्मा ओली र संचारमन्त्री गोकुल बास्कोटाले यस आन्दोलनलाई वेवास्ता गर्दै आएका छन् । यसैबीच, कार्यबाहक प्रधानमन्त्री पोखरेलले सम्पादकहरुलाई बोलाएर औपचारिक संवादको शुरुवात गरेका हुन् ।

विधेयक आइसकेपछि नेपाल पत्रकार महासंघले आन्दोलन घोषणा गरेको छ । यसमा सम्पूर्ण पत्रकारहरुले समर्थन गरिरहेका छन् ।

बिहीबारको छलफल पछि उपप्रधान तथा रक्षामन्त्री इश्वर पोखरेलले छलफलका निष्कर्षलाई प्रधानमन्त्री समक्ष राखी ठोस निष्कर्षमा पुग्ने आश्वासन दिएको इश्वर निकट स्रोतले जानकारी दिएको छ ।

काठमाडौं । सरकारले अध्ययनका लागि विदेश जाने विद्यार्थीका लागि दिने गरेको स्वीकृति पत्र (नो अब्जेक्सन लेटर)को प्रावधान परिवर्तन गरेको छ ।

नयाँ प्रावधान अनुसार अब कक्षा १२ सम्म नेपालमै अनिवार्य शिक्षा लिनुपर्ने प्रावधान ल्याइएको छ । नेपालमा कक्षा १२ पास गरेपछि मात्र विद्यार्थीले विदेश अध्ययन गर्न सरकारको स्वीकृति पाउने भएका छन् ।

पछिल्लो समय कक्षा १० सम्म मात्र हुने एसईइ उत्तीर्ण गर्नासाथ विदेशिने किशोर किशोरीको संख्या बढ्न थालेपछि सरकारले विदेश पढ्न जाने स्वीकृतिको प्रावधान परिवर्तन गरेको शिक्षा, विज्ञान तथा प्रविधि मन्त्रालयको भनाई छ ।

नयाँ प्रावधान अनुसार ‘१२ कक्षा उत्तिर्ण भएपछि मात्र ‘ए लेवल पढ्न अनुमति दिइने भएको छ । सरकारले अब १२ कक्षासम्मको शिक्षालाई माध्यमिक शिक्षा घोषणा गरिसकेको छ ।

सोहीकारण कम्तिमा पनि स्वदेशमा विद्यालय शिक्षासम्मको अध्ययन सकेर उच्च शिक्षा पढ्न चाहने विद्यार्थीलाई मात्रै अध्ययन स्वीकृति दिइने मन्त्रालयले उल्लेख गरेको छ ।

पहिले एसएलसी वा सो सरह पास गरेपछि कक्षा ११ र १२ लाई पनि उच्च शिक्षा मान्ने प्रचलन थियो । अहिले भने कक्षा ११ र १२ लाई पनि माध्यामिक शिक्षा मानिछ ।

विदेश पढ्न जाने विद्यार्थीलाई अध्ययन स्वीकृति र विदेशी मुद्रा सटही सुविधाका लागि शिक्षा मन्त्रालयले दिने नो अब्जेक्सन लेटर अनिवार्य छ ।

विदेशमा परिवार भएका र जानै पर्ने बाध्यता भएका विद्यार्थीले कारणसहित परराष्ट्र मन्त्रालय वा राजदूतावासको सिफारिस लिएरआएमा एसईई पढेका विद्यार्थीले पनि नो अब्जेक्सन लेटर पाउनेछन् ।

तर, यसको औचित्य पुष्टि हुनुपर्छ । नेपालबाट वार्षिक ७० हजार हाराहारी विद्यार्थी विभिन्न मुलुकमा अध्ययनका लागि जाने गरेको आंकडा छ ।

नेपालबाट अध्ययनका लागि जाने धेरै विद्यार्थी विदेश पुगेपछि भने पढाई भन्दा कडा परिश्रम गरी काम गरिरहेको भेटिन्छन् ।

काठमाडौं । मंगलबार मध्यान्ह सार्वजनिक बलात्कारको एक घटनाले धेरैलाई आक्रोशित बनायो । नेपाल सरकारका एक उपसचिव आफ्नै छोरीलाई बलात्कार गरेको आरोपमा आफ्नै निवासबाट पक्राउ परे ।

छोरीको परिचय गोप्य राख्न प्रहरीले उनको नाम पनि गोप्य राखेको छ । ४५ वर्षिय ती उपसचिवले आफ्नै १८ वर्षिय छोरीलाई बलात्कार गर्ने गरेको उजुरी परेपछि उनलाई पक्राउ गरिएको प्रशरीले जानकारी दिएको छ ।

अझ मानिसलाई आक्रोशित बनाउने तथ्य के छ भने उनले विदेशमा बाबुछोरीबीच शारीरिक सम्बन्ध हुने गरेको भन्दै छोरीलाई जबर्जस्ती करणी गर्थे ।

घरको इज्ज्यतका लागि भन्दै परिवारले यो घटना लुकाएको भएपनि ती उपसचिव नसुध्रिएपछि बाध्य भएर उजुरी गरेको परिवार स्रोतलाई उदृत गर्दै प्रहरीले जानकारी दिएको छ । पक्राउ उपसचिवमाथि थप अनुसन्धान भइरहेको प्रहरीको भनाई छ ।

उता राष्ट्रिय अनुसन्धान विभागका पूर्वप्रहरी राजु (भुवन) खरेललाई घरमा काम गर्ने महिलाकी ७ वर्षे छोरी बलात्कार गरेको आरोपमा जिल्ला अदालत काठमाडौंले पुर्पक्षका लागि थुनामा राख्न आदेश दिएको छ । खरेलविरुद्ध गत वैशाख १८ मा किटानी जाहेरी परेपछि उनी पक्राउ परेका थिए ।

अर्कोतर्फ बालयौन दूराचारसम्बन्धी आरोपमा पक्राउ परेका संयुक्त राष्ट्र संघका पूर्व कर्मचारी जोन पिटर डाल्गिसलाई जिल्ला अदालत काभ्रेले दोषि ठहर गरेको छ ।

उनी पनि जेल चलान भएका छन् । क्यानेडेली नागरिक उनी सन् २००२ मा राष्ट्रसंघको बाल श्रमविरुद्धको कार्यक्रमका प्रमुख प्राविधिक सल्लाहकार थिए ।

बालबालिकाको क्षेत्रका काम गर्ने भन्दै उनले तीनै बालबालिकामाथि यौन दूराचार गर्ने गरेको अदालतको ठहर छ ।