Category: कानुनी कुरा

पोखरा । आफन्तबाटै ज्यान लिने जघन्य अपराध पुनः पोखरामा घटेको छ । पोखरा रामबजारका रमेश नेपालीले आफ्नै श्रीमतीको हत्या गरेको तथ्य प्रहरीले फेला परेको छ ।

श्रीमती लक्ष्मी परियारको हत्या गरेको उनले स्वीकार गरिसकेका छन् । उनले लक्ष्मीकी मामाकी छोरी (रमेशकी साली पर्ने) अनु परियारसँगको प्रेमपछि श्रीमतीको हत्या गरेको डरलाग्दो रहस्यसमेत प्रहरीले फेला पारेको छ ।

लक्ष्मी १ असारदेखि वेपत्ता थिइन् । रमेशले डेढ लाख रुपैयाँसहित श्रीमती गायब भएको भन्दै प्रहरीमा निवेदन दिएका थिए ।

प्रहरीले अनुसन्धानका क्रममा श्रीमानतर्फ नै शंका बढाएपछि तथ्यको नजिक पुगेको हो । किनकी उनको डेराबाट प्रहरीले श्रीमतीको मोवाइल, सिक्रिजस्ता घरायसी प्रयोजनका वस्तु फेला पारेको थियो ।

प्रहरीले रमेशलाई पक्राउ गरी हिरासतमा लिएर केरकोर गरेपछि भने उनले स्वयमःले श्रीमतीको हत्या गरी लास फालेको बयान दिएका हुन् ।

पोखरा, २२ स्थित कर्कले जंगलमा शव कुहिसकेको अवस्थामा भेटिएको प्रहरीले जानकारी दिएको छ । श्रीमान र बहिनीको झांगिदै गरेको प्रेमका सम्बन्धमा लक्ष्मीले पत्ता पाइसकेकी थिइन् ।

उनले मामा माइजुलाई समेत यसबारे सचेत गराएको प्रहरीले उल्लेख गरेको छ । प्रेममा पागल बनेका यी दुईले भने लक्ष्मीको हत्या गरे आफूहरुको बाटो खुल्ने सपना देखे र जघन्य हत्या गरेको प्रहरीले बुधबार जानकारी दिएको छ ।

रमेशलाई श्रीमतीको हत्या गर्न अनुले उक्साएको प्रहरीको भनाई छ । त्यसपछि पोखरामै मोबाइल पसल सञ्चालन र्ने सञ्जय शर्मासँग मिलेर हत्याको योजना बनाएका थिए ।

त्यसपछि भारतबाट पैसामा मान्छे मार्ने बोलाएर उसकै जिम्मामा त्यो काम सुम्पने र त्यसवापत पैसा दिने योजना बन्यो ।

प्रहरीका अनुसार ‘सर्लाही ईश्वरपुर ३ तिनघरिया स्थायी घर भई पोखरा ९ मा बस्ने चित्तरञ्जन साहलाई १० लाख दिएर भारतबाट मान्छे झिकाउने जिम्मा दिइएको थियो ।

शाहले भारतबाट पैसा लिएर मान्छे मार्ने पेशामा संलग्न ३ जना व्यक्तिलाई पोखरा झिकाएका थिए । त्यसपछि ३० जेठमा कर्कले जंगलमा ती हत्यारालाई लगिसकेपछि जंगलमा जडिबुटी खोज्ने बाहनामा श्रीमतीलाई लगेर हत्या गराएको रहस्यको पर्दाफास प्रहरीले गरेको छ ।

उनकी श्रीमतीको घाटी रेटेर हत्या भएको प्रहरीले बताएको छ ।

प्रहरीले लक्ष्मीको हत्यामा संलग्न चार जना अपराधीलाई पक्रेको छ ।

पक्राउ पर्नेमा मुख्य योजनाकार रमेश नेपाली, रमेशकी साली १९ वर्षीया अनु परियार, सर्लाही ईश्वरपुर ३ घर भई हाल पोखरा ८ पृथ्वीचोक बस्ने २६ वर्षीय चित्तरञ्जन कुमार साह, भोजपुर नपा ५ बैंकरोड घर भई हाल पोखरा ९ महेन्द्रपुल बस्ने ३२ वर्षीय सञ्जय शर्मा रहेका छन् ।

भाडामा मान्छे मार्ने भारतीयहरु भने फरार रहेको प्रहरीले उल्लेख गरेको छ ।

काठमाडौं । सक्रिय कार्यक्रतासँग लेवि उठाउने विषय समेटिएको कांग्रेसको नियमावली विवादमा परेको छ ।

काठमाडौंमा बसेको काग्रेस केन्द्रिय समिति बैठकमा सक्रिय कार्यक्रतासँग लेवी उठाउने उठाउने विषय र अनुशासनको कारवाही कडा गराउने विषय बढी आलोचित बनेका छन् ।

नेताहरुबीच यी दुई विषयमा अलगअलग धारणा आएका कारण निष्कर्ष ननिस्किएको हो । लेवि उठाउने प्रथा कम्यूनिष्टको भएको भन्दै यसले ल्याउन जोखिमतर्फ सचेत हुन नेताहरुले नेतृत्वको ध्यानाकर्षण समेत गराएका छन् ।

शुक्रबार बसेको पछिल्लो बैठकमा बोल्ने बहुमत सदस्यले लेविको बिरोध गरिरहेका छन् । तर, सभापति देउवा निकट नेताहरु भने लेवीको बचाउमा छन् ।

समिति बैठक आइतबार पनि जारी रहनेछन । शुक्रबार १९ जना नेताले आफ्नो धारणा राखेका थिए । कांग्रेस केन्द्रिय समिति बैठकमा भातृ संगठनहरुमा नेतृत्वले गर्ने हस्तक्षेपबारे पनि कडा आलोचना भइरहेको छ ।

अनावश्यक हस्तक्षेपले संगठनहरु बलियो नहुने भन्दै नेताहरुले असन्तुष्टी देखाएका हुन् ।

भोजपुर । बुधबार बिहानै भोजपुर सदरमुकाम मै नेत्रविक्रम चन्द (विप्लव) समूहका कार्यकर्ता र प्रहरीबीचको गोली हानाहानमा दुई जनाको ज्यान गएसँगै सर्वसाधारणमा त्रास फैलिएको छ ।

मुलुक शान्ती प्रक्रिया टुंग्याएर राजनीतिक स्थायित्वतर्फ अगाडी बढ्दै जाँदा सरकारले विप्लव समूहलाई प्रतिवन्धित समूह घोषणा गरेको छ ।

यसको प्रतिवादस्वरुप विप्लव समूहले गतिविधि बढाएसँगै देशभर त्रासको वातावरण शुरु भएको छ ।

भोजपुर सदरमुकामस्थित हाट बजार लाग्ने क्षेत्रमा बुधबार भएको गोली हानाहानमा प्रहरी जवान सन्जीव राई र विप्लव समूहका कार्यकर्ता निरकुमार राईको मृत्यु भएको भोजपुर प्रहरीले पुष्टी गरेका छ ।

घटनामा प्रहरी जवान सोम भट्टराई घाइते छन् । सरकारले विप्लव समूहविरुद्ध आक्रामक रवैया अपनाएको छ । प्रहरीले उनीहरुविरुद्ध लिएको आक्रामक नीतिको विरुद्धमा यो समूहले पनि सरकार लक्षित गरी आक्रमण थालेको छ ।

घटनामा मारिने विप्लव कार्यक्रता निरकुमार विप्लव समूहका ओखलढुंगा इञ्चार्ज भएको बताइएको छ । घटनास्थलबाट प्रहरीले एक थान चाइनिज पेस्तोल र चार राउन्ड गोली बरामद गरेको बताएको छ ।

प्रहरी जवान राई सादा पोशाकमा रहेको बेला विप्लव समूहको आक्रमणमा परेका प्रहरीको भनाई छ । त्यसपछि गस्तीमा पुगेको प्रहरीले उनीहरुमाथि गोली चलाएको बताईएको छ ।

काठमाडौं । निर्वाचन आयोग उपनिर्वाचनको तयारीमा जुटेको छ । देशभर रिक्त रहेका विभिन्न पदमा उपनिर्वाचनमार्फत पदपूर्ति गर्नुपर्ने छ ।

आयोगका अनुसार अहिलेसम्म संघ, प्रदेश र स्थानीय तहका ४७ स्थानमा उपनिर्वाचन गर्नुपर्ने भएको छ । २०७४ सालमा सम्पन्न प्रतिनिधिसभा, प्रदेशसभा र स्थानीय तहमध्ये ती स्थानमा पद खाली छ ।

आयोगका अनुसार प्रतिनिधिसभा सदस्य १, प्रदेश सभा सदस्य ३, स्थानीय तहअन्तर्गत गाउँपालिकाका अध्यक्ष उपाध्यक्ष ४, नगरपालिकाका प्रमुख १ र नगरपालिका तथा गाउँपालिकाका वडा अध्यक्ष ३८ गरी कूल ४७ पद रिक्त अवस्थामा छन् ।

पर्यटन मन्त्री रवीन्द्र अधिकारीको हेलिकोप्टर दूर्घटनामा परी निधन भएपछि प्रतिनिधिसभातर्फ कास्कीमा एक स्थान रिक्त भएको हो ।

आयोगले पद रिक्त रहेका स्थानका मतदातालाई मतदाता नामावलीमा नाम लेखाउन आग्रह गरेको छ । योग्यता पुगेर पनि नाम नभएकाहरुका लागि नाम लेख्न आयोगले आग्रह गरेको हो ।

जिल्लास्थित जिल्ला निर्वाचन कार्यालय, जिल्ला प्रशासन कार्यालय र मतदाता दर्ता कार्य सञ्चालन भइरहेको इलाका प्रशासन कार्यालयमा पुगेर मतदाता नामावलीमा नाम लेखाउन सकिने आयोगले उल्लेख गरेको छ ।

काठमाडौं । सरकारले शान्तिपूर्ण प्रक्रियामा नआए विप्लव समूहको अस्तित्व नरहने चेतावनी दिएको छ ।

सरकारका प्रवक्ता एवम् सञ्चार तथा सूचना प्रविधि मन्त्री गोकुल बास्कोटाले विप्लव समूह राजनीतिक नभएर संगठित आतंककारी समूह भएको भन्दै शान्तीपूर्ण राजनीतिमा आउन आग्रह गरे ।

बिहीबार मन्त्रीपरिषद् बैठकका निर्णय सुनाउन मन्त्रालयमा आयोजित पत्रकार सम्मेलनमा मन्त्री बास्कोटाले सरकार विप्लव समूहविरुद्ध कडा रणनीति रहेको संकेत गरेका हुन ।

विप्लव समूह मार्क्सवादी नरहेको र उनीहरु कुनै पनि वाद, विचार र दर्शनबाट पनि सञ्चालना नरहेको उनले बताए ।

उक्त समूहलाई अराजकतावादी, धनकमाउवाला र उपयोगभावी समूहको संज्ञासमेत उनले दिए । मिहेनत गरेर नभई लुटेर खाने प्रवृत्तिका कारण समूह संगठित आतंकवादतिर अघि बढेको उनको भनाई थियो ।

सरकारले विप्लवसँग वार्ताको प्रयास गरेको भए पनि समूह वार्ताका लागि इच्छुक नदेखिएको उनले उल्लेख गरे ।

कानून विपरितका काम गर्नेलाई नियन्त्रणमा लिई त्यस्ता गतिविधि निस्तेज पार्ने दायित्व सरकारको हुने भन्दै उनले कसैविरुद्ध पनि सरकारले बल प्रयोग नगरेको बताए ।

नेपाली जनताले आपैले लडेर ल्याएको परिवर्तनलाई आत्मसाथ गरी शान्तिपूर्ण बाटोमा आउने उनले समूहलाई आग्रह गरे । उक्त समूहले अहिले लिएको मार्गले अन्ततः सत्यनास निम्याउने उनको भनाई थियो ।

पछिल्लो समय यस समूहविरुद्ध सरकारले धरपकड बढाएको छ । विभिन्न स्थानमा प्रहरी कारवाहीमा विप्लवका कार्यक्रतामाथि गोली समेत चलेको छ ।

कार्यक्रममा मन्त्री बास्कोटाले आइफा अवार्ड रोक्न निर्देशन दिने संसदीय समिति प्रति व्यंग्य गरे ।

विषयवस्तुको गाम्भीरता नबुझी हचुवाको भरमा निर्णय गरेको संकेत गर्दै उनले संसदीय समितिले आइफामा थेसिस गरेको होला भन्दै ठट्टा गरे ।

काठमाडौं । त्रिभुवन विश्वविद्यालय सेवा आयोगका अध्यक्ष सहितका पदाधिकारी नम्बर थप गरेर विद्यार्थी उत्तीर्ण गराउने काममा संलग्न रहेको पुष्टी भएको छ ।

अख्तियार दूरुपयोग अनुसन्धान आयोगले बुधबार शिक्षा आयोगका अध्यक्ष चैतन्यप्रसाद शर्मासहित १० जनाविरुद्ध विशेष अदालतमा मुद्दा दायर गरेको हो ।

अख्तियारले त्रिवि सेवा आयोगका अध्यक्ष चैतन्य प्रसाद शर्मा, सदस्य चिन्तामणी पोखरेल, प्रशासन प्रमुख परशुराम कोइराला, मुख्य कार्यालय सहायक बच्चुराम पाण्डे, कर्मचारी ईन्दिरा तिवारीविरुद्ध मुद्दा हालेको छ ।

साथै त्रिभुवन विश्वविद्यालयका प्राध्यापक टेकनाथ ढकाल, प्राध्यापक गोविन्द ढकाल, सह-प्राध्यापक राजेश्वर न्यौपाने, सह-प्राध्यापक तारा प्रकाश पौडेल र राम बहादुर पाण्डे क्षेत्रीविरुद्ध पनि मुद्दा दायर भएको छ ।

त्रिवि सेवा आयोगले विभिन्न पदमा मागेको विज्ञापनमा विद्यार्थी उत्र्तीण गराउने क्रममा आफन्तहरुलाई पास गराउन आयोगका पदाधिकारीकै संलग्नतामा नम्बर थप गरेको अभियोगमा अख्तियारले मुद्दा दायर गरेको हो ।

आयोगले प्राविधिक र प्रशासनका विभिन्न १६ पदका लागि कर्मचारी भर्ना खुलाएको थियो ।

ति पदमध्ये शाखा अधिकृत, लेखा अधिकृत, सहायक कानुनी सल्लाहकार, मुख्य लेखा सहायक, मुख्य कार्यालय सहायक र कार्यालय सहायक पदमा लिखित परीक्षाका ३५ थान उत्तरपुस्तिकाको नम्बर थपघट भएको अख्तियारद्धारा बुधबार जारी विज्ञप्तीमा उल्लेख छ ।

यसरी उत्तीर्ण गराइएका व्यक्ति आयोग अध्यक्ष शर्माका आफन्त, प्रशासन प्रमुख परशुराम कोइरालाकी छोरीदेखि कर्मचारी तथा नेताका श्रीमती, बहिनी, सालीलगायत थिए ।

उनीहरुको यस हर्कतबाट नेपालमा नीतिगत अनियमितताको डरलाग्दो पाटो समेत खुलासा भएको हो ।

अख्तियारका प्रवक्ता प्रदीप कोइरालाका अनुसार २४ शाखा अधिकृतका लागि भएको परीक्षामा सहभागीमध्ये ६ जनाको उत्तर पुस्तिकामा शंकास्पद तरिकाबाट केरमेट गरी अङ्क थपघट गरिएको थियो ।

त्दुई जनालाई क्रमशः ३३ र ४ अंक थप गरेर पास गराएको रदुई जनालाई क्रमशः १४ र ६ अंक थपेर मेरिट लिस्टमा ल्याइएको छ ।

पास हुनुपर्ने एक परीक्षार्थीको भने नाम छुटाएर तथा अर्काको १४ अंक घटाएर अनुतीर्ण गराएको भेटिएको हो ।

२४ लेखा अधिकृतका लागि भएको परीक्षामा ७ उत्तरपुस्तिककामा केरमेट भटिएको छ । जसमध्ये ५ जनाको उत्तर पुस्तिकामा क्रमशः ९, १०, ३, ७, २ अंक थपेर मेरिट लिस्टमा पारिएको छ भने अर्को परीक्षार्थीको ९ अङ्क घटाई मेरिटमा तल पारिएको छ ।

एक परीक्षार्थीको उत्तर पुस्तिकामा भने ३ अंक थप गरेको पाइएको छ । सहायक कानुनी सल्लाहकारको परीक्षामा भने ३ जनाको उत्तर पुस्तिकामा केरमेट गरेर अङ्क थपघट गरी परीक्षाको परिणाम फेरबदल गरिएको अख्तियारले उल्लेख गरेको छ ।

पाँचौं नम्बरमा रहेकालाई १५ अङ्क थपेर मेरिट लिस्टको पहिलो नम्बरमा ल्याइएको छ भने पहिले नम्बरमा परेकाको ८ अंक घटाएर दोस्रोमा झारेर बदमासी गरेको अख्तियारको विज्ञप्तीमा उल्लेख छ ।

अर्का एक परीक्षार्थीको उत्तरपुस्तिकामा भने २ अंक घटाएर मेरिट लिस्टको चौथो नम्बरमा झारिएको छ ।

२४ जना मुख्य लेखा सहायक पदका लागि लिइएक लिखित परीक्षामा सहभागी मध्ये दुई जनाको उत्तर पुस्तिकामा नम्बर थप गरेको तथा ५ जनाको उत्तरपुस्तिकामा ६ देखि १५ अङ्क सम्म थपघट गरिएको छ ।

तीन परीक्षार्थीको उत्तरपुस्तिकामा क्रमशः २८ १३, र १० अंक थप गरिएको छ । तीन परीक्षार्थीको उत्तरपुस्तिकामा क्रमशः ६, १४ र १४ अंक घटाएर फेल गराइएको छ ।

१२ मुख्य कार्यालय सहायकका लागि लिएको परीक्षामा ९ जनाको उत्तर पुस्तिकामा अंक थपिएको छ । फेल भएका एक परीक्षार्थीले पाएको अंकमा ५ पटकसम्म केरमेट गरी उत्तिर्ण गराएको भेटिएको अख्तियारले उल्लेख गरेको छ ।

एक परीक्षार्थीले पाएको अंकमा भने १० घटाएर मेरिटमा नपारेको पाइएको छ । यस्तै १४ कार्यालय सहायकका लागि लिएको परीक्षामा भने खुलामा नआएका दुई जनालाई अंक थपेर मेरिटमा पारेको पाइएको छ ।

यसरी अंक थपघट गर्ने क्रममा अधिकांश उत्तरपुस्तिकामा शुरुमा दिएको अङ्क नबुझिने गरी केरिएको, परीक्षकको दस्तखत नभएको, उत्तरपुस्तिकाको भित्र दिएको अङ्क र बाहिर उतारिएको अङ्क फरक परेको, अङ्क फेरबदल भएकोमा सबै ठाउँमा अक्षरमा नलेखिएको जस्ता त्रुटि भेटिएको अख्तियारले उल्लेख गरेको छ ।

काठमाडौं । नागरिक अगुवाहरुले वर्तमान सरकारले ल्याएका विभिन्न कानून तथा विधेयकका सम्बन्धमा पहिलो पटक मुख खोलेका छन् ।

उनीहरुले शनिबार एक संयुक्त अपिल सार्वजनिक गर्दै नागरिकलाई रैती बनाउन खोज्ने सरकारी रबैयाको विरोध गरेका हुन् । अपिलमा भनिएको छ, “हामी रैती बन्न इन्कार गर्छौं ।”

सूचना, ज्ञान, न्याय र मानवाधिकार वर्जित गर्ने गरी सरकारले एक पछि अर्को कदम चालिरहेको र यसले नागरिकलाई रैतीमा परिणत गर्न खोजिएको भन्दै नागरिक अगुवाहरुले त्यस कदमको विरोध गरेका हुन् ।

संचार सम्बन्धी विधेयकले बोल्न र लेख्न पाउने नागरिकको अधिकार बन्चित गर्ने उनीहरुको भनाई रहेको छ ।

मानवाधिकार आयोग सम्बन्धी विधेयकले उक्त आयोगलाई नेताभक्त वकिलको जागिरे अड्डामा परिणत हुने नागरिक अगुवाको चिन्ता छ ।

राज्यले जति मानवाधिकार हनन् गरेपनि आयोग निकम्मा हुने गरी कानून आउन लागेको उनीहरुले उल्लेख गरेका छन् । पुस्तकमाथि लगाइएको अविवेकपूर्ण कर ज्ञानको उद्यम धरासायी बनाउने कुचेष्टा भएको अपिलमा उल्लेख छ ।

सार्वजनिक जग्गामा सरकारले आफ्ना दलालहरुलाई पोषिरहको उनीहरुले उल्लेख गरेका छन् ।

न्यायबाट वन्चित गरिएका निर्मला पन्त, अजित मिजा र कृष्ण विकका आफन्तको कहर समेत सरकारले नसुनेको भन्दै उनीहरुले कडा शब्दमा सरकारको आलोचना गरेका छन् ।

जनतालाई अधिकारबाट वच्चित गराएर विगतमा भएका क्रान्तीको नेतृत्व गरेका र अनेकन आन्दोलनमा संलग्न भएका मानिस नै संलग्न सरकारले आफ्नै इतिहासमाथि घात गरिरहेको नागरिक अगुवाहरुको भनाई छ ।

सरकार बेलैमा सचेत नभए ठूलो मूल्य चुकाउनु पर्ने भन्दै उनीहरुले जनताको चेतनालाई चानचुन नठान्न समेत सत्ताधारीलाई आग्रह गरेका छन् ।

स्वनाम साथी, सुन्दरमणि दीक्षित, गौरी प्रधान, विजय कर्ण, लोकनारायण शर्मा, उज्ज्वल प्रसाई, खगेन्द्र संग्रौला लगायतले संयुक्त अपीलमा हस्ताक्षर गरेका छन् ।

काठमाडौं । वैदेशिक राजेगारीको अवसर खुलेसँगै अहिले करीव ४० लाख हाराहारी नेपाली यूवा वैदेशिक रोजगारीमा रहेको बताइन्छ । यसमध्ये विविध अपराधमा संलग्न करीव साढे ५ सय नेपाली बिभिन्न देशको जेलमा कैदि जीवन बिताइरहेका छन् ।

वैदेशिक रोजगार बोर्डका अनुसार अहिले खाडीका विभिन्न देशमा ५ सय ४५ जना नेपाली कैदी बन्दी रहेका छन् ।

मलेसिया, कुवेत, यूएई, ओमान, साउदी अरब, कतार र बहराइनमा धेरै नेपाली कैदि जीवन बिताइरहेको बोर्डको तथ्यांक छ । यस मध्ये १९ जना महिला पनि समावेश छन् । जेलमा रहेका मध्ये २ सय ९३ जनाको सजाय तोकिएको छैन ।

बोर्डको चैत मसान्तको तथ्यांक अनुसार २५ जना नेपालीलाई मृत्युदण्डको सजाय सुनाइएको छ, ७ जना आजीवन काराबासको सजाय भोगिरहेका छन् । जरिवाना तोकिएर जेलम बसिरहेका नेपाली १८ जना छन् ।

मृत्युदण्ड सुनाइएका मध्ये मलेसियामा सबैभन्दा धेरै रहेको बोर्डको तथ्यांक छ । मलेसियामा दुई महिला सहित २ सय ५ नेपाली जेलमा छन् । त्यसमध्ये १६ जनालाई मृत्युदण्डको सजाय सुनाइएको छ ।

१ सय ९० जनाको भने अझै सजाय तोकिएको छैन । यूएईमा १२ महिला र १ सय ७३ पुरुष गरी १ सय ८५ नेपाली कामदार कारागारको जीवन बिताइरहेका छन् । त्यसमध्ये एकजनालाई मृत्युदण्ड र ४ जनाले आजीवन काराबासको सजाय भोगिरहेका छन् ।

कुवेतमा ३ महिलासहित ५८ जना नेपाली कामदार जेलमा रहेकोमा ३ जनालाई मृत्युदण्ड र ९ जनालाई आजीवन काराबासको सजाय तोकिएको छ ।
खाडीका धेरै देशमा रक्सी तथा लागुपदार्थ प्रतिवन्धित छ । तर, नेपालीले यही सेवन तथा बेचबिखन गर्छन् पक्राउ पर्छन् । भिसा अवधि सकिएपछि पनि देश नछाड्ने प्रवृत्ति पनि नेपालीमा छ ।

स्थानीय कानून नमान्दै निषेधित क्षेत्रमा छिर्ने, जथाभावी फोहोर गर्ने कारणमा पनि नेपाली जे पर्छन् । ज्यान मारेको केशमा पनि नेपाली जेल पुग्ने गरेका छन् ।