Category: कानुनी कुरा

रौतहट । रौतहट बम काण्डका मूख्य आरोपी कांग्रेस सांसद अफताव आलममाथिको बयान बुधबारसमेत जारी रह्यो । बुधबार सम्पन्न नभएको बयान बिहीबारसम्म चल्नेछ ।

बुधबार उनलाई दुई दर्जन प्रश्न सोधिएको छ । बिहान १० बजेदेखि जिल्ला अदालत रौतहतमा बयान शुरु भएको थियो । न्यायाधीश दीपक ढकालको इजलाशमा आलमलाई प्रश्न सोधिएको थियो ।

प्रश्नको जवाफमा भने आलमले बम नै नपिड्एको बयान दिएका छन् । न्यायाधिसले घटनाको बारेमा सोधेका हरेक प्रश्नको उनले इन्कारी जवाफ दिएको बताइएको छ । आफूलाई फसाउन झुटो आरोप लगाइएको उनको भनाई रहेको छ ।

प्रहरीको अनुसन्धानबाट मिसिलमा समावेश गरिएका प्रमाण नै गलत भएको उनको दावि छ । आलममाथि कर्तव्य ज्यान मुद्दा, ज्यान मार्ने उद्योग र बम विस्फोटको गरी तीन वटा कसुरमा बयान जारी रहेको छ ।

आलमको तर्फबाट नेपालका हाइप्रोफाइल वकिलहरुले बहस गर्ने भएका छन् । यसको भने कालोचना शुरु भएको छ ।

रौतहट । इटा भट्टामा मान्छेलाई जिउँदै जलाउने जघन्य अपराधको अभियोगमा पक्राउ परेका सांसद मोहम्मद अफताब आलमविरूद्ध जिल्ला अदालत रौटहतमा अभियोग पत्र दर्ता भएको छ ।

जिल्ला सरकारी वकिलको कार्यालय रौतहटले रौटहत बमकाण्डका प्रमुख आरोपीआलमसहित १० जनाविरूद्ध अभियोग पत्र दर्ता गरेको हा । मूख्य आरोपी आलमसहित दस जनाविरुद्ध भिन्नाभिन्नै तीन कसूरमा अलग-अलग सजाय र एक जनालाई मतियार कायम गरी अदालतमा अभियोग पत्र दर्ता भएको हो ।

आरोपीहरुविरुद्ध कूल ३२ वर्ष सजायको माग गरिएको जिल्ला सरकारी वकिल कार्यालयले जानकारी दिएको छ । अभियोग पत्रमा उल्लेख अनुसार यी व्यक्तिहरुले एक दर्जन व्यक्तिलाई इँटाभट्टामा लगेर जिउँदै जलाएर मारेको उल्लेख छ ।

बम विस्फोटबाट घाइते तथा त्यसको विरोध गर्ने गाउँलेहरुलाई समेत जिँउदै इटा भट्टामा पोलेर मार्ने धन्दा गरेका सांसदलाई प्रहरीले पक्राउ गरेको छ । अन्य प्रतिवादी भने फरार छन् ।

रौतहट बमकाण्डको कसूरमा आलमसहित शेख भदई, मोबिन आलम, शेख सेराज, बद्री सहनी, शेख फजलेहक, सगिर आलम, शेख जुमइन् भन्ने शेख मलकार, गौरीशंकर साह र मुक्ति साहलाई प्रतिवादी बनाइएर अभियोग पत्र दर्ता भएको छ ।

अफताब कांग्रेसका सांसद हुन् । अन्य फरार प्रतिवादीहरुविरुद्ध पनि पक्राउ पूर्जी जारी भएको छ । अभियोग पत्र दर्ता भएसँगै मंगलबार थुनछेक बहस शुरु हुने भएको छ ।

२०६४ सालमा सम्पन्न पहिलो संविधानसभा निर्वाचन मूखमै रौतहटको तत्कालिन राजपुर गाविस, ४ फरहदवामा बम बिस्फोट गराइएको थियो ।

सोही घटनामा व्यक्तिहरुलाई जिउँदै इँटाभट्टामा जलाएको आरोप लागेको छ । यस क्रममा प्रहरीको समेत मिलेमतो देखिएको पिडितहरुले बताएका छन् ।

रौतहट बम काण्डमा रुक्सना खातुन र श्रीनारायणसिंह राजपुतले आलमसहितका व्यक्तिमाथि किटानी जाहेरी दिएपछि उनीहरु पक्राउ परेका हुन् ।

प्रहरीले प्रत्यक्षदर्शी र पीडकसमेतको बयान संलग्न गराई मानिसहरुलाई इँटाभट्टामा जलाएर मारेको देखिएको अनुसन्धान प्रतिवेदन सरकारी वकिलको कार्यालयमा बुझाएको थियो ।

सोही प्रतिवेदनका आधारमा कार्यालयले अदालतमा मुद्दा दायर गरेको हो । आलमले भने बम नै विस्फोट नभएको बताउँदै आएका छन् । तर, पिडितहरुको बयान अनुसार निकै दर्दनाक तरिकाबाट मानिसहरुलाई मारिएको थियो ।

काठमाडौं । आफ्नै सचिवालयकी कर्मचारी रोशनी शाहीमाथि बलात्कार प्रयासको आरोपमा लागेका पूर्वसभामुख कृष्णबहादुर महरालाई जिल्ला अदालत काठमाडौंले पुर्पक्षका लागि थुनामा पठाउन आदेश दिएको छ ।

यससँगै महराको सांसद पदसमेत गुमेको छ । अब उनी अन्तिम फैसला नआएसम्म कारागार चलान भएका छन् । सोमबार थुनछेक बहस सकिएपछि न्यायाधीश सुदर्शनराज पाण्डेको इजलासले महरालाई थुनामा राख्न आदेश दिएको थियो ।

आदेश आफूले सोचे विपरित आएपछि महरा निकै भावुक बनेका थिए । उनीमाथि आरोप लगाउने रोशनीले भने पटक पटक बयान फेर्दै महरा निर्दोष रहेको बताउँदै आएकी छिन् ।

तर, अदालतले भने घटना विवरण कागजात, जाहेरी दरखास्त, मौकामा कागज गर्नेहरुको बयान र तत्काल प्राप्त प्रमाणको आधारमा महरा कसूरदार होइन भन्न नसकिने भन्दै उनलाई पुर्पक्षका लागि थुनामा पठाउने आदेश दिएको हो ।

अब मुद्धाको अन्तिम टुंगो लागेपछि निर्दोष सावित भए उनी घर फर्कन पाउने छन् नभए जेल सजाय भोग्नु पर्ने छ । प्रहरीले महरालाई डिल्लीबजार कारागार लगेको छ ।

उनी पक्राउ पछि रोशनीले भने महराले आफूमाथि कुनै अपराध नगरेको बताउँदै आएकी छिन् । सोमबार पनि इजलासमा बोल्न खोजेकी उनलाई न्यायाधिसले बोल्ने अनुमति दिएनन् ।

उनले घटना भएको राती नै सांसदहरुलाई एसएसएस गरेपछि यो घटना सार्वजनिक भएको थियो । त्यसलगत्तै एक संचरमाध्यमबाट उनको भिडियो सार्वजनिक भयो ।

तर, लगत्तै उनले बयान फेर्दै महरा निर्दोष रहेको बताएकी थिइन् । तर, प्रहरीले अन्य प्रमाणका आधारमा महराबाट अपराध भएको निष्कर्षमा पुगी प्रतिवेदन बनाएको थियो ।

काठमाडौं । बलात्कारको प्रयास गरेको आरोपमा प्रहरी हिरासतमा रहेका पूर्वसभामूख कृष्ण बहादुर महराको शुक्रबार अदालतले बयान लिएको छ ।

बयानमा उनले आफूमाथि लागेको आरोपको खण्डन गर्दै आफ्नो पुराना सामान बटुलेर फसाउन खोजिएको आरोप लगाएका छन् । महराले बलत्कार प्रयासको आरोप लगाउने महिलालाई २०४७ सालदेखि चिन्ने र उनी आफ्नो विद्यार्थीजस्तै भएको बयान दिएका छन् ।

उनको विवाहमा समेत आफूले अविभावकत्व निभाएको उल्लेख गर्दै उनले त्यसपछि भने पछिल्लो तीन वर्षयता मात्र उनीसँग भेट भएको उल्लेख गरेका छन् ।

आफू अस्वस्थ रहेको भन्दै संसद संसद सचिवालयमा काजमा जागिर मिलाइदिन आग्रह गरेको सन्दर्भ उल्लेख गर्दै त्यसपछि भने दुई परिवारका बीचमा पटक पटक भेटघाट हुने गरेको बताएका छन् ।

घटना भएको दिन रोशनी आफ्नो अफिसमा आई समयोजनको बारेमा मिलाउन आग्रह गर्दै आक्रोसित हुँदै बाहिरिएको उनले उल्लेख गरेका छन् ।

त्यसपछि आफूले सम्बन्धित निकायमा समेत भनिदिएको उनले स्वीकार गरेका छन् । अफिसबाट आक्रोसित मुद्रामा निस्किएको र उनी आक्रोसित भएपछि स्वास्थ्य अवस्था बिग्रने समस्या रहेको आफूलाई थाहा भएको उनले बताएका छन् ।

सोहीकारण एक पटक सम्झाउनु पर्यो भनी आफू छोराले प्रयोग गर्ने गाडी लिएर रोशनीको कोठातर्फ लागेको उनले बताएका छन् । तर, रोशनीको फोन नलागेपछि र उनका श्रीमानसँग समेत सम्पर्क हुन नसकेपछि आफू कोठामा नपुगी घर फर्किएको बयान उनले अदालतसमक्ष दिएका छन् ।

रोशनीको कोठामा भेटिएको चस्मा, जुत्ताको तलुवा आफूलाई सफाउन नियोजित तरिकाले लगिएको भन्दै उनले कोठामा नपुगेपछि कुटपिट गर्ने सन्दर्भ नै नउठ्ने बताएका छन् ।

उक्त दिन रेकर्ड भई बाहिरिएको भिडियो पनि सुनियोजित घटना भएको बयान महराले दिएका छन् । शुक्रबार जिल्ला अदालत, काठमाडौंका न्यायाधीश सुदर्शनराज पाण्डेको बन्द इजलासभित्र महराको थुनछेक बयान भएको थियो ।

बयान सकिएको छ । बयान सकिएपनि शुक्रबार थुनछेक बहस हुन भने सकेन । आइतबार बिहान १० बजेबाट थुनछेक बयान शुरु हुने भएको छ ।

थुनछेक बहसपछि अदालतले पुर्पक्षका लागि थुनामा पठाउने वा धरौटीमा छाड्ने वा साधारण तारेखमा रिहा गर्ने मध्ये एक आदेश दिन सक्ने प्रावधान रहेको छ ।

काठमाडौं । बलत्कारको आरोपमा पक्राउ पूर्वसभामुख कृष्णबहादुर महराविरुद्ध जिल्ला अदालत काठमाडौंमा मुद्दा दर्ता भएको छ । सरकारी वकिलको कार्यालयले जबर्जस्ती करणी उद्योगको कसुरमा उनीविरुद्ध बिहीबार मुद्दा दर्ता गरेको हो।

महरामाथि आफ्नै सचिवालयकी कर्मचारीमाथि बलात्कारको प्रयास गरेको र नमानेपछि कुटपिट गरेको आरोप लागेको छ । आरोप लाग्नासाथ उनले पदबाट भने राजिनामा गरी अनुसन्धानलाई सघाएका थिए ।

उनलाई आरोप लगाउने कर्मचारी रोशनी शाहीले पहिलो बयानपछि पटक पटक बयान फेर्दै उनी निर्दोष रहेको बताएपनि प्रहरीले अनुसन्धान रोकेको थिएन ।

मुद्दा दर्ता भएपछि उनलाई बिहीबार हिरासतमै फर्काइएको काठमाडौं जिल्ला अदालतले जानकारी दिएको छ । अब शुक्रबारबाट थुनछेक बयान र बहस शुरु हुनेछ ।

धरौटीमा रिहा गर्ने वा पुर्पक्षको लागि थुनामा राख्ने निर्णय अदालतले नै फैसला गर्छ । प्रहरीले महरामाथि अनुसन्धानपछि कैद तथा जरिवाना हुनुपर्ने निष्कर्षसहितको प्रतिवेदन तयार पारेको छ ।

२० दिनभन्दा लामो अनुसन्धानले महराबाट संसद सचिवालयकी कर्मचारी रोशनी शाहीमाथि जबरजस्ती करणी उद्योग गरेको पुष्टि हुने निष्कर्षमा प्रहरी पुगेको हो ।

प्रहरीले बुझाएको प्रतिवेदन अध्ययन गरेपछि सरकारी वकिलको कार्यालयले मुद्दा दायर गर्ने प्रक्रिया रहेको छ । महरामाथि लागेको आरोप पुष्टी भए उनीमाथि अदालतबाट सात वर्षदेखि दस वर्षसम्म कैद सजाय हुने सक्ने व्यवस्था रहेको छ।

प्रहरीले रोशनीको कोठाबाट बरामद गरेको चस्मा र जुत्ताको तलुवा, उनले दिएको भिडियो बयानलगायतका आधारमा महरालाई दोषि सवित गरेको छ ।

कपिलवस्तु । बिहीबार कपिलवस्तुको कृष्णनगरमा हिंसा भड्किएको छ । बुधबारदेखि शुरु भएको विवादले उग्ररुप लिएपछि प्रहरीले गोली चलाउनु परेको छ ।

घटनामा प्रहरीको गोली लागि सुरजकुमार पाण्डेको मृत्यु भएको प्रहरीले पुष्टी गरेको छ । उनी कृष्णनगर नगरपालिका मडाहा गाउँमा बस्ने भारतीय नागरिक भएको खुलेको छ ।

कपिलवस्तुको कृष्णनगरमा लक्ष्मी पूजाको मूर्ति विसर्जन गर्ने विषयलाई लिएर स्थानीय दुई पक्षबीच विवाद भएको थियो । स्थानीय प्रशासनले बुधबार रातीबाटै कर्फ्यू आदेश जारी गरेको थियो।

त्यसपछि पनि दुई सम्प्रदायबीचको हिंसा कम नभएपछि झडपको स्थिति सिर्जना भएको हो । हिन्दु र मुस्लिम समुदायबीचमा विवाद उत्पन्न भएको हो ।

मृतक पाण्डेले ठेलामा चिया पसल चलाएर गुजारा चलाउँदै आएका थिए । हिन्दु समुदायले लक्ष्मीपूजामा स्थापना गरेको मुर्ति विसर्जन गर्न लैजाने रुटको विषयमा मुश्लिम समुदायसँग विवाद भएको प्रहरीले जनाएको छ ।

तराईका कतिपय स्थानमा बडादशैं र तिहारको लागि हिन्दु समुदायले स्थापना गरेका दुर्गा र लक्ष्मीका मुर्ति स्थानीय नदी तथा तलाउमा विसर्जन गर्ने प्रचलन रहेको छ । सोही क्रममा फरक फरक समूदायबीचमा विवाद हुने गरेको छ ।

यस स्थानमा गत वर्ष पनि यस्तै विवादमा प्रहरीले लाठिचार्ज गरी घटनालाई साम्य पारेको थियो । यस वर्ष भने प्रहरीले गोली नै चलाउनु परेको हो ।

यसैबीच राष्ट्रिय मानवाधिकार आयोगले घटनाप्रति चासो राख्दै सामाजिक सद्भाव कायम राख्न र शान्ति सुव्यवस्था कायम गर्ने सन्दर्भमा संयमित हुन सरकारलाई आग्रह गरेको छ ।

काठमाडौं । प्रहरीले चाडपर्व लक्षित गर्दै नयाँ सुरक्षा योजना सार्वजनिक गरेको छ । योजना अनुसार चाडपर्व अवधिभर सादा पोशाकमा प्रहरी खटिने छन् भने मोटरसाइकलबाट चुस्त गस्तीलाई प्राथमिकता दिइने भएको छ ।

नाकाहरुमा तालीमप्राप्त कुकुरसहितका प्रहरीले कडा चेकजाँच गर्ने भएका छन् । प्रहरीले दशैं, तिहार तथा छठ पर्वलाई लक्षित गरि तयार पारेको विशेष सुरक्षा योजना लागू गरेको जानकारी गराएको हो ।

यस अवधिमा सुरक्षाकर्मीको प्रभावकारी परिचालन, दुरुस्त कारबाही, शीघ्र र सहज सेवा पहुँचको व्यवस्था मिलाइने आइतबार राजधानीमा आयोजित कार्यक्रममा जानकारी गराइयो ।

काठमाडौं प्रहरी प्रमुख एसएसपी उत्तमराज सुवेदीका अनुसार चाडपर्वको बेला कुटपिट, चोरी, डकैती, पाकेटमारी, स्न्याचिङ, लुटपाट, जुवा, अवैध मदिरा विक्री वितरण, आगजनी, विष्फोटन, तस्करी, चोरी निकासी, ट्राफिक दुर्घटना, ठगी, ट्राफिक नियम उल्लंघन जस्ता अपराध बढी हुने गर्छन् ।

यस्तो समयमा पेशेवर आपराधिक क्रियाकलापभन्दा पनि आकस्मिक उत्पन्न हुने घटनाबाट बढी अपराध हुने गरेको प्रहरीको भनाई छ ।

प्रहरीले सुरक्षा चेकजाँक कडा बनाएको बताएको छ । काठमाडौंमा घर भएका घरबेटीले घर रित्तो बनाएर जाने भए प्रहरी वा छिमेकीलाई जानकारी गराएर मात्र निस्क्न आग्रह गरेको छ ।

चाडपर्वमा बढी अपराध हुने सक्ने स्थान छनोट गरी त्यहा सुरक्षा व्यवस्था कडा पारिएको प्रहरीले उल्लेख गरेको छ ।

बढी भीडभाड हुने क्षेत्रमा बढी नै संख्यामा सुरक्षाकर्मी परिचालन हुने भएका छन् ।

प्रहरीले चाडबाडमा काठमाडौं मात्र मात्र ६० वटा पैदल गस्ती समूह खटाउने भएको छ ।

६७ वटा स्थायी पिकेट, २५ वटा साइकल गस्ती टोली, ५३ वटा मोटरसाइकल गस्ती टोली र ४३ सीआरभी, ४८ मोबाइल गस्ती टोली परिचालन हुने प्रहरीको भनाई छ ।

सादा पोशाकमा ७० जना प्रहरीसमेत काठमाडौंमा खटिएका छन् ।

काठमाडौं । प्रधानमन्त्री केपी शर्मा ओलीले देश विकासको सपना निद्रामा देख्नुको कुनै औचित्य नहुने बताएका छन् । आफ्नो दल र सरकारले देखेका सपना ब्यूझेकै अवस्थामा देखेको भन्दै उनले यी सपना केवल सपना मात्र सिमित नहुने बताएका हुन ।

संविधान दिवसको अवसर पारेर मूल समारोह समितिद्धारा शुक्रबार राजधानीमा आयोजित कार्यक्रममा प्रधानमन्त्री ओलीले आफू र आफ्नो दलले विकासको सपना निद्रामा नदेखेको बताएका हुन् ।

जताजतै नकारात्मकताले मात्र छाएको बेला जनतामा अब केही हुन्छ है भन्ने विश्वासको जागरण ल्याउनु समेत आवश्यक रहेको उनले बताए ।

सकियो, भत्कियो, अक केही हुन्न भन्ने मनस्थिति फेर्न र अब केही हुन्छ भन्ने आभास दिलाउन जनतामा आशाको सञ्चार गराएको उनको दावि छ ।

दलको यसै विश्वासलाई जनताले पनि साथ दिएको उनको भनाई थियो । सरकारले विकासको जग बसालिसकेको भन्दै अब नतिजा देखिदै जाने उल्लेख गरे ।

आलोचनाका लागि त तत्काल रेल, पानीजहाज र जलमार्ग खोज्ने गरिएपनि त्यसको जग बसाल्नु पनि मह्तपूर्ण काम भएको प्रधानमन्त्रीको भनाई छ ।

उनले भने ‘म बिनम्रताका साथ स्वीकार्छु । हो, मैले मुर्छित सपनामाथि पानी छम्केकै हुँ । मैले भनेको हुँ, निदाएको बेलामा देख्ने सपना हैन, ब्युँझिएको बेलाको सपना देखौं ।’

नेपालले शुक्रबार देश तथा विदेशमा विभिन्न कार्यक्रम गरी संविधान दिवस मनाएको छ ।

काठमाडौं । ४ वर्ष अगाडी संविधानसभाबाट जारी भएको संविधानको उत्सवमा आज चौथौ संविधान दिवस मनाइदैछ । सरकारले यस दिनको अवसर पारी सार्वजनिक बिदा दिएको छ ।

सम्पूर्ण सरकारी कार्यालयहरुले बिहानै कर्मचारीलाई कार्यालयमा उपस्थित हुन उर्दी जारी गरेका छन् । नेपालको झण्डा बोकेर विविध कार्यक्रममा कर्मचारीलाई सरिक बनाउने योजना सरकारको छ ।

घरघरमा दिपावली गर्न र विदेशस्थित नियोगमा समेत धुमधामका साथ संविधान दिवस मनाउने घोषणा सरकारले गरेको छ ।

यस दिनको अवसरमा राजधानीमा मूल समारोह आयोजक समितिले एक विशेष कार्यक्रम गर्दैछ ।

कार्यक्रममा राष्ट्रपति, उपराष्ट्रपति, प्रधानमन्त्रीसहित सबै उच्च पदस्थ व्यक्तिहरु सहभागी हुँदैछन् ।

जनतको आन्दोलनले ल्याएको गणतन्त्र र उक्त गणतन्त्रलाई संस्थागत गर्न ल्याइएको संविधानले सबै तहको माग आंकक्षा भने पुरा गर्न सकेको छैन ।

कतिपय समूह यो संविधान नमान्ने भन्दै अझै पनि आन्दोलनमा रहेका छन् । सरकारलाई यस दिनलाई राष्ट्रिय दिवसका रुपमा मनाउने गरी अन्य दिनको बिदा कटौती गरेको हो ।

काठमाडौं । नेपाल तरुण दलको विवाद छताछुल्ल भएको छ । शनिबार अध्यक्ष जीतजंग बस्नेत र महासचिव भुपेन्द्रजंग शाहीले एक अर्कालाई कारवाही गरेको विज्ञप्ती सार्वजनिक गरेसँगै तरुण दल भित्रको विवाद सतहमा आएको हो ।

दुबै नेताले शनिबार एकले अर्कालाई पदबाट बर्खास्त गरेको वक्तव्य सार्वजनिक गरेका छन् । अध्यक्ष बस्नेतले शाहीलाई महासचिवसहित कुनै पनि सदस्य नरहने गरी हटाएको पत्र पठाएका थिए ।

उनले उक्त पत्रको बोधार्थ कांग्रेस सभापति शेरबहादुर देउवालाई समेत पठाएको छन् । उक्त पत्रमा शाहीमाथि अनशासनको कारवाही गरेको उल्लेख छ ।

शाहीले अनुशासनहिन कारम गरेका कारण हटाइएको अध्यक्ष बस्नेतको दावि रहेको छ । उक्त पत्र सार्वजनिक भएलगत्तै शाहीले महासचिवको हैसियतमा वक्तव्य जारी गरे ।

उनले वक्तब्यमा अध्यक्ष बस्नेतलाई तरुण दलको साधारण सदस्य समेत नरहने गरी एक वर्षका लागि निस्कासन गरिएको उल्लेख गरे ।

उनले बस्नेतमाथि अख्तियार घेराउ कार्यक्रम रोकेको, केन्द्रीय समिति विस्तार नगरेको, बाढी पीडितको नाममा संकलन गरेको राहतमा घोटाला गरेको जस्ता संघीन आरोप समेत लगाएका छन् ।

दुई नेताबीचको वक्तब्य बाजीसँगै अब तरुण दलको विवाद कांग्रेसले कसरी मिलाउँछ, त्यो भने महत्वपूर्ण विषय हो ।

काठमाडौं । प्रहरीले गुण्डानाइके समिरमान सिंह बस्न्यातका सहयोगी साजन गुरुङलाई गोली प्रहार गरी पक्राउ गरेको छ ।

शुक्रबार काठमाडौंको गोलढुंगामा प्रहरीले गोली हानेर गुरुङलाई पक्राउ गरेको हो । नकोज भनिने गुरुङले जेल भित्र रहेका नाइके बस्न्यातका लागि काम गर्ने गरेको प्रहरीको दावि रहेको छ ।

बस्न्यातसँगको साँठगाँठ रहेको आरोपमा गृहमन्त्री राम बहादुर थापा बादलका भाई नै प्रहरीबाट समातिएपछि उक्त समूहविरुद्ध प्रहरी आक्रामक भएको छ ।

यसबीचमा प्रहरीले बस्न्यातका तीन जना सहयोगीलाई पक्राउ गरिसकेको छ ।

बस्न्यात तिनै अपराधी हुन, जसले मोटो रकम मागेपछि नपाउँदा निर्माण व्यवसायी महासंघका अध्यक्ष शरदकुमार गौचनको गोली हानी हत्या गरेका थिए ।

उनी अहिले केन्द्रीय कारागार सुन्धारामा कैद जीवन बिताइरहका छन् । तर, उनले जेल भित्रैबाट अपराध कर्म संचालन गरिरहेको प्रहरीको भनाई रहेको छ ।

उक्त हत्याको मूख्य योजनाकारका रुपमा उनलाई प्रहरीले दोषि सावित गरी पक्राउ गरेको हो । घटनापछि भारतमा भागेका उनलाई प्रहरीले गत मंसिरमा पक्राउ गरेको थियो ।

प्रहरीका अनुसार शुक्रबार गोली प्रहार गरी पक्राउ परेका गुरुङ तिनै समरमाका लागि काम गर्ने सहयोगी हुन ।

उनलाई नियन्त्रणमा लिने क्रममा प्रहरीलाई नै आक्रमण गर्न खोजेपछि प्रहरीले खुट्टामा गोली हानेको बताइएको छ ।

उनको ट्रमा सेन्टरमा उपचार भइरहेको छ । गुरुङको साथबाट कटुवा पेस्तोल र त्यसमा लाग्ने दुई राउण्ड गोलीसमेत बरामद भएको प्रहरीले पुष्टी गरेको छ ।

गुरुङले विभिन्न व्यवसायीलाई ज्यान मार्ने धम्की दिने गरेको थिए । प्रहरीका अनुसार उनले प्रहरीका उच्च अधिकारीहरुलाई समेत मार्ने धम्की दिने गरेका थिए ।

काठमाडौं । पत्रकार शालिकराम पुडासैनी आत्महत्या प्रकरणमा मुछिएका टिभि प्रस्तोता रवि लामिछानेलाई धरौटीमा छाड्न अदालतले  आदेश दिएको छ ।

अदालतले लामिछानेलाई ५ लाख, पत्रकार युवराज कँडेललाई ३ लाख रुपैयाँ धरौटीमा छाड्न आदेश दिएको छ ।

आत्महत्या प्रकरणमा मुछिएकी अर्की अभियुक्त रुकु कार्कीलाई भने साधारण तारेखमा छाड्न जिल्ला अदालतले आदेश दिएको हो ।

सोमबार जिल्ला अदालत, चितवनका न्यायधीश हेमन्तप्रकाश रावलको इजलासले आत्महत्या दुरुत्साहन गरेको कसूरमा धरौटीमा छाड्न आदेश दिएको हो ।

आदेश लगत्तै उनीहरु अदालतले तोकेको धरौटी रकम बुझाएर रिहा भए । उनीहरु धरौटीमा छूटे पनि कानूनि प्रक्रियाका थप कदममा भने उनीहरु सहभागी हुनुपर्छ ।

प्रहरीले १० दिनसम्म अनुसन्धान गरी पत्रकार पुडासैनीको आत्महत्या तीन जनालाई दोषि दावि गरिएको थियो ।

अनुसन्धान सम्पन्न गरी प्रहरीले आइतबार जिल्ला अदालत, चितवनमा आत्महत्या दुत्साहन गरेको मुद्दा दर्ता गरेको थियो । पत्रकार पुडासैनी २० साउनमा चितवनस्थित एक होटलमा झुण्डिएको अवस्थामा भेटिएका थिए ।

आत्महत्यापूर्व पुडासैनीले भिडियो बनाएर लामिछाने, कँडेल र कार्कीले दिएको टर्चर सहन नसकेर आफूले आत्महत्या गरेको उल्लेख गरेका छन् ।

भिडियो सार्वजनिक भएसँगै प्रहरीले ३० साउनमा उनीहरुलाई पक्राउ गरेको थियो । रवि लामिछाने पक्राउ भएसँगै हरेक दिन उनको समर्थनमा चर्को आन्दोलन भइरहेको थियो ।

रवि धरौटीमा छूटे पनि उनी यस मुद्दाका सम्बन्धमा केही बोल्न र लेख्न भने नपाउने भएका छन् । उनको बैंक खाता रोक्का गर्ने प्रक्रियासमेत शुरु भइसकेको छ ।