Category: फिचर

काठमाडौं । पछिल्लो २४ घण्टामा ७ हजार २११ जनामा कोरोना भाइरस संक्रमण पुष्टी भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको १६ हजार १४७ नमुना परीक्षणमा ७१३७ जनामा संक्रमण पुष्टि भएको हो ।

त्यस्तै ६२३ जनाको एन्टिजेन परीक्षण गर्दा ७४ जनामा कोरोना संक्रमण पुष्टी भएको हो ।

यो सहित नेपालमा कोरोना संक्रमितको संख्या ३ लाख ३६ हजार ३० जना पुगेको छ । पछिल्लो २४ घण्टामा १६१२ जना कोरोना संक्रमणमुक्त भएका छन् ।

यो सहित संक्रमण मुक्त हुनेको संख्या २ लाख ८३ हजार ९९४ जना पुगेको छ । २७ जना संक्रमितको मृत्यु भएको छ । कुल मृतकको संख्या ३ हजार ३२५ पुगेको छ । संक्रम संक्रमितको संख्या ४८ हजार ७११ रहेको छ ।

काठमाडौं । लुम्बिनी प्रदेशको मुख्यमन्त्रीमा शंकर पोखरेल नियुक्त भएका छन् ।

प्रदेश प्रमुख धर्मनाथ यादवज्यूले नेपाल कम्युनिष्ट पार्टी (एमाले), लुम्बिनी प्रदेश संसदीय दलका नेता शंकर पोखरेललाई नेपालको संविधानको धारा १६८ को उपधारा (१) बमोजिम प्रदेश मुख्यमन्त्री पदमा नियुक्त गरेका हुन्।

पोखरेलले आइतबार विहान मात्र राजीनामा दिएका थिए । राजीनामा दिएलगतै उनले बहुमत सदस्यको हस्ताक्षरसहित दाबी पेश गरेको प्रदेश प्रमुखको कार्यालयले जनाएको छ ।

यसअघि शंकर पोखरेलले एकल बहुमतको आधारमा सरकार गठन गर्ने तयारी गरिरहेको भन्दै प्रदेशसभाका ४० सांसदले प्रदेश प्रमुखलाई भेटेर सपथ रोक्न लिखित निवेदन दिएका थिए।

काठमाडौं । लुम्बिनी प्रदेशका मुख्यमन्त्री शंकर पोखरेलको बहुमत गुमेको छ । नेकपा एमालेकी प्रदेशसभा सदस्य विमला वली माओवादी केन्द्रमा प्रवेश गरेपछि मुख्यमन्त्री पोखरेलको बहुमत गुमेको हो ।

सांसद वली उपनिर्वाचनमा नेपाल कम्युनिष्ट पार्टीबाट निर्वाचित भएकी थिईन । प्रदेशसभामा बहुमत रहेको उनको पक्षमा ४० जना सांसद मात्र भएका छन् । सरकार निर्माण गर्न वा टिकाउनका लागि ४१ जना सांसदको आवश्यकता पर्दछ ।

काठमाडौं । लुम्बिनी प्रदेश मुख्यमन्त्री शंकर पोखरेलले पदबाट राजीनामा दिएका छन्।

पोखरेलले लुम्बिनी प्रदेश प्रमुख धर्मनाथप्रसाद यादव समक्ष आइतबार राजीनामा पेश गरेका हुन् ।

मुख्यमन्त्री शंकर पोखरेलविरूद्ध नेपाली कांग्रेस, नेकपा माओवादी केन्द्रलगायतका दलहरुले पेश गरेको अविश्वास प्रस्तावमा प्रदेश सभामा आजबाट छलफल सुरू हुँदै थियो।

प्रदेश सरकार गठन हुँदाको अहिलेको कानूनी परिस्थिती फरक भएकोले नयाँ सरकार गठन गर्न मार्ग प्रशस्त गर्ने उद्देश्यले पोखरेलले राजीनामा दिएको बताइएको छ।

अविश्वास प्रस्तावको सामना गरिरहेका पोखरेलले संविधानको धारा १६८ को उपधारा १ अनुसार वहुमत प्राप्त संसदीय दलको नेताको हैसियतले पुनः सरकार बनाउन राजीनामा दिएका स्रोतको दाबी छ ।

दाङ क्षेत्र नम्बर २ (क)बाट प्रदेशसभा निर्वाचनमा विजयी पोखरेल २०७४ फागुनमा मुख्यमन्त्री बनेका थिए ।

तुलसीपुर । दाङको तुलसीपुर उपमहानगरपालिका–६ मा भारतीय कार भित्र तीन नेपाली बालकको शव फेला परेको छ । करीव तीन महिना अगाडी देखि रोकि राखेको कार भित्र शव रहेको शनिबार मात्र खुलेको थियो । आरजे ०१ सीसी ०८८५ नम्बरको भारतीय नम्बर प्लेटको कारमा मृत भेटिएका तीन बालकको पहिचान भएको प्रहरीले जनाएको छ ।

तुलसीपुर उपमहानगरपालिका–६ गाइडर बस्ने भीमबहादुर परियारका १० वर्षीय छोरा सन्देश, सन्तोष परियारका ७ वर्षीय छोरा सुवर्ण र किरण परियारका ७ वर्षीय छोरा करण रहेको प्रहरीलाई उदृत गर्दै संचारमाध्यमले जनाएका छन् । तीन जना बालक बैशाख १६ गतेबाट हराएको भन्दै १७ गते इलाका प्रहरी कार्यालय तुलसीपुरमा निवेदन परेको पाइएको छ ।

सोहीकारण कार लामो समयदेखि रोकिएको भएपनि बालकहरुको हत्या भने हालै भएको देखिएको छ । इप्रका तुलसीपुरका अनुसार घटना गम्भीर भएको भन्दै नेपालगन्जबाट तालिमप्राप्त कुकुरसहित प्रहरीको विशेषज्ञ टोली मगाइएको छ । मृतक बालकका आफन्तले आफ्ना सन्तानको हत्या भएको दावी गरेका छन् ।

भारतीय गाडी तुलसीपुर–६ का ३३ वर्षीय यादव गैरेले ल्याएको चालक पदम बस्नेत भएको बताइएको छ । उनीहरुलाई अनुसन्धानका सिलसिलामा पक्राउ गरिएको छ ।

काठमाडौं । पछिल्लो २४ घण्टामा ५७६३ जनामा कोरोना भाइरस संक्रमण पुष्टी भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको १४ हजार ९६९ नमुना परीक्षणमा ५७६३ जनामा संक्रमण पुष्टि भएको हो ।

१४ हजार ४०३ जनाको पीसीआर विधिबाट गरिएको नमूना परीक्षणमा ५७०६ र ५६६ जनाको एन्टिजेन परीक्षण गर्दा ५७ जनामा कोरोना संक्रमण पुष्टी भएको हो ।

यो सहित नेपालमा कोरोना संक्रमितको संख्या ३ लाख २८ हजार ८९१ जना पुगेको छ । पछिल्लो २४ घण्टामा १२८७ जना कोरोना संक्रमणमुक्त भएका छन् ।

यो सहित संक्रमण मुक्त हुनेको संख्या २ लाख ८२ हजार ३८२ जना पुगेको छ । १९ जना संक्रमितको मृत्यु भएको छ । कुल मृतकको संख्या ३ हजार २९८पुगेको छ ।

काठमाडौं । काठमाडौं उपत्यकामा २४९५ कोरोना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा १९३२, भक्तपुरमा २०८ र ललितपुरमा ३५५ गरी २४९५ कोरोना संक्रमित थपिएका हुन्।