काठमाडौं । चीनले कोरोना भाइरस प्रभावित क्षेत्रमा नेपालीहरु सुरक्षित रहेको बताएको छ ।
चीनमा रहेका नेपालीका सम्बन्धमा विभिन्न गुनासो बढ्दै गएपछि चिनियाँ दूतावासले एक विज्ञप्ती जारी गरेको छ ।
दूतावासका अनुसार नेपालीको जीवन रक्षा र स्वास्थ्य उपचारको ग्यारेन्टी चीनले गरेको छ ।
त्यसकारण नेपालीहरु सुरक्षित रहेको सम्न्बधमा आश्वस्त रहन दूतावासले आग्रह गरेको छ ।
‘विद्यार्थीहरुसहित केही नेपालीहरु अझै पनि वुहानमा छन् । उनीहरुको जीवन तथा स्वास्थ्य उपचारको ग्यारेन्टी गरिएको छ,’ चिनियाँ दूतावासद्धारा जारी विज्ञप्तीमा उल्लेख छ ।
चीनको वुहान भन्ने स्थानबाट कोरोना भाइरस फैलिएको थियो । त्यहाँ नेपाली विद्यार्थी रहेको र उनीहरु उद्दारको पर्खाइमा रहेका छन् ।
महामारी नियन्त्रण र विदेशीहरुसँग समन्वय गर्नका लागि आपतकालीन संयन्त्र स्थापना गरिएको समेत दूतावासले उल्लेख गरेको छ ।
‘हामी यस महामारी नियन्त्रणको लडाइँ जित्नेमा विश्वस्त र सक्षम छौं । चीन सरकारले अन्तर्राष्ट्रिय दायित्वको पालना निकै जिम्मेवारपूर्वक गर्ने छ,’ विज्ञप्तीमा भनिएको छ ।
नेपाली पक्षले कोरोना भाइरसको महामारी रोकथामका लागि विश्व स्वास्थ्य संगठन (डब्लुएचओ)सँग समन्वय गरेर चालेका कदमहरुको चीनले प्रशंसासमेत गरेको छ ।
प्रभात भट्टराई / न्यूयोर्क
अमेरिकी राष्ट्रपति डोनाल्ड ट्रम्पले मुस्लिम बहुल देशका लागि लगाएको ट्राभल ब्यान विस्तार गरेका छन् । नाइजेरिया सहित थप पाँच मुलुकका नागरिकले अमेरिकाको आप्रवासी भिषा नपाउने गरि उनले ट्राभल ब्यान विस्तार गरेका हुन् । ट्रम्पले एरिट्रेया, किगिस्तान, म्यानमारलगायत देशका नागरिकलाई पनि आप्रवासी भिषा जारी नगर्ने घाेषणा सहित ट्राभल ब्यान विस्तार गरेका हुन् ।
ट्रम्पले निर्वाचित हुने वित्तिकै मध्य पूर्वका मुस्लिम देशलाई ट्राभल ब्यान घाेषणा गरेका थिए । तल्लो तहका अदालतले उनको निर्णयलाई गैर कानूनी घौषित गरे पनि अन्त्यमा सर्बोच्च अदालतले बाटो खुलाइदिएको थियो ।
अदालतको सोही निर्णयकाे फाइदा उठाउँदै ट्रम्पले २०२० को चुनाव लक्षित गरि ट्राभल ब्यान विस्तार गरेका हुन् ।
अमेरिकी सर्बोच्च अदालतले अघिल्लाे साता मात्र ट्रम्प प्रशासनलाई आप्रवासी नीति थप अनुदार बनाउने अर्काे बाटो पनि खुला गरि दिएको थियौ । ट्रम्प प्रशासनले सरकारी सेवा सुविधा लिनेहरुलाई ग्रीन कार्ड नदिन माग गर्दै दायर रिटलाई सर्बोच्चले सदर गरि दिएको हो ।
अश्वेत मुलका आप्रवासीप्रति ट्रम्पले सुरु देखिनै चर्को असन्तोष देखाउँदै आएका थिए । सोही कारण यो या त्यो वहानामा आप्रवासी निरुत्साहनको नीतिलाई उनले प्रवद्र्धन गर्दै आए । उनको चुनावको मुख्य एजेन्डा नै मेक्सिकोको सिमाना पर्खाल लगाएर ‘अवैध आप्रवासी रोक्ने’, मुस्लिमलाई अमैरिका ट्राभल ब्यान लगायत थिए ।
एकातिर उनले कानूनी रुपले अमेरिका आउनेलाई आफुहरुले स्वागत गर्ने तर गैर कानूनी रुपमा आए पक्रेर फिर्ता पठाउने बताउँदै आएका छन् । अर्कोतिर कानूनी रुपले अमेरिका आउने बाटो पनि रोक्न हरसंभव प्रयास गरि रहेका छन् । उनले एक पटक दक्षिण अमेरिकी गरिब मुलुकको सट्टा नर्वेजस्ता देशबाट आप्रवासी बढाउनु पर्ने बताएका थिए ।
सोही कारण ट्रम्पको भित्री उद्देश्य अश्वेत आप्रवासी रोक्नु रहेको बुझ्न कठिन छैन । मुस्लिम, युद्द पिडित एवं गरिब मुलुकका नागरिकलाई अमेरिका प्रवेशमा कडाइ गर्नकै लागि उनले शरणार्थीलाई दिने भिषा बर्षेनी कटौती गर्दै आएका छन् । त्यस्तै तेस्रो मुलुकका नागरिकले चिट्ठाका आधारमा पाउँदै आएको डाइभर्सिटी भिसा (डिभी) रोक्न पनि उनले सम्भव प्रयास गरि रहेका छन् ।
ओबामा प्रशासनले सन् २०१७ मा एक लाख १० हजार शरणार्थी अमेरिकामा पुनर्वास गराउने लक्ष लिएको थियो । ट्रम्पले सपथ लगत्तै त्यसलाई ५० हजारमा झारे । सन् २०१८ मा यो संख्या ४५ हजारमा झारियो । अझ २०१९ मा अहिलेसम्मकै न्यून ३० हजारले मात्र अमेरिकामा शरणार्थीको रुपमा भित्रिन पाए ।
आप्रवासी कटौती अभियान अन्तर्गतनै अमेरिका आएर ग्रीन कार्ड पाउनु अघि कुनै सरकारी सुविधा लिएको स्थायी बसोबास अनुमति नदिने या प्रकृया लम्ब्याउने प्रकृया ट्रम्प प्रशासनले अघि बढाएको थियो । तर, डेमोक्र्याट, आप्रवासी अभियन्ता एवं उदार नीति पक्षधर उनीसँग सहमत थिएनन् । त्यसैले उनीहरुले न्यूर्योक, क्यालिफोर्निया, मेरिल्याण्ड लगायत स्थानका संघीय अदालतमा मुद्दा दायर गरे । अदालतले उक्त नीति कार्यान्वयन नगर्न सरकारलाई आदेश दियो । त्यसपछि आफ्नो नीतिको बचाउ गर्दै ट्रम्प प्रशासन सर्बोच्च अदालत पुग्यो । अदालतले बहुमतको आधारमा सरकारलाई उक्त नीति अख्तियारको अनुमति दिएको हो । सरकारी नीतिको पक्षमा पाँच र विपक्षमा चार न्यायाधिश उभिए ।
अब कसैले ग्रीन कार्ड पाउनु अघि फुड स्टाम्प, मेडिकेड लगायतका सुविधा लिएको भए उनीहरुलाई सरकारले बसोबास अनुमति नदिन सक्ने व्यवस्था सरकारले लागु गर्नेछ । ‘पब्लिक चार्ज’ नाम दिइएका यस्ता सुविधा लिनेलाई ग्रीन कार्ड नदिने नीति पनि गरिब मुलुकका नागरिक लक्षित नै रहेको छ ।
ट्रम्प प्रशासनमा श्वेत राष्ट्रबाद (ह्वाइट सुप्रिमिष्ट)का अभियन्ता मानिएका ह्वाइट हाउसका बरिष्ट सल्लाहकार स्टेफेन मिलरको योजना अन्तर्गत यो नीति अख्तियार भएको अमेरिकी मिडियाले जनाएका छन् । उनले श्वेत राष्ट्रबाद प्रवद्र्धनका लागि घृणात्मक संदेशहरु प्रेषित गरेको इमेल नै केही समय अघि लिक भएको थियो । तर, ट्रम्पले उनको बचाउ नै गरे ।
गत अक्टुबरमा यो नीति कार्यान्वयनमा लैजाने ट्रम्प प्रशासनको तयारी थियो । तर, तल्लो तहका संघीय अदालतले रोक लगाएपछि लागु गर्न पाएको थिएन । आप्रवासी अधिकारको क्षेत्रमा काम गर्ने संघ संस्थाले यो नीति कार्यान्वयनसँगै विपन्न ‘इमिग्रान्ट’हरुमाथि ठूलो चोट पर्ने अनुमान गरेका छन् । केसर फेमिली फाउन्डेसन नामको गैर राजनीतिक संस्थाको अनुसन्धान अनुसार ४२ प्रतिशत वैध आप्रवासीको ग्रीन कार्ड आवेदन माथि नकारात्मक तवरको जाँच हुन सक्नेछ । साथै ९४ प्रतिशतले आवेदकले कम्तिमा एक मात्र ‘पब्लिक चार्ज’ लिएको भए पनि अतिरिक्त जाँच पड्ताल सहनु पर्ने जनाइएको छ ।
ट्रम्प निर्वाचित भएपछि गरिब आप्रवासीलाई ‘पब्लिक चार्ज’को आरोपमा यस अघिनै भिषा अश्विकार गर्न थालिएको थियो । गत बर्ष मात्र स्टेट डिपार्टमेन्टले यो आरोपमा १२ हजारको भिषा आवेदन अश्विकार गर्यो । सन् २०१६ मा ओबामा प्रशासनले हजार जनालाई मात्र यस्तो आरोप लगाएर भिषा दिएको थिएन । ट्रम्प प्रशासनको नीतिलाई सर्बोच्च अदालतले सदर गरेसँगै यसमा राजनीतिक टिप्पणी पनि सुरु भएको छ । न्यूयोर्कका महान्यायाधिवक्ता टिश जेम्सले अदालती आदेशलाई अझै पनि राज्यले नटेर्ने बताएका छन् । त्यस्तै न्युयोर्क १४ की हाउस अफ रिप्रिजेन्टेटिभ एलेक्जेन्द्रिया ओकाशियो कोर्टेजले अमेरिकाको पहिचान को कति छ भनेर जाँच्ने नभइ सबैलाई मानवियताका आधारमा स्विकार्ने भएको बताएकी छिन् । उनको यो भनाइले आगामी दिनमा यो मुद्दालाई डेमोक्र्याटले झनै ठूलो चुनावी विषय बनाउन सक्ने देखिएको छ ।
ट्रम्पले राष्ट्रपति निर्वाचित भएपछि सर्बोच्चमा दुई न्यायाधिश नियुक्त गर्ने अवसर पाए । त्यसले त्यहाँ अनुदार एवं रिपब्लिकन पक्षधर न्यायाधिशहरुको बहुमत पुग्यो । सोही कारण सर्बोच्चले ट्रम्पलाई रणनीतिक मुद्दामा विजयी बनाइ रहेको छ । यस अघि मुस्लिमलाई अमेरिका आउन लगाइएको रोकमा पनि सर्बोच्चले ट्रम्पलाई साथ दिएको थियो ।
गुगल फाईल फोटो
ट्रम्पको अनुदार आप्रवासी नीतिको कारण रिपब्लिकन बहुल राज्यहरुलाई थप अनुदार बन्न बल पुगेको छ । केही समय अघि टेक्सासका गभर्नर जर्ज आबोटले राज्यमा थप शरणार्थी पुनर्वास नगराउने घोषणा गरेका थिए ।
काठमाडौं । चालु आर्थिक वर्षको पहिलो ६ महिनामा समग्र वैदेशिक व्यापार सुधारोन्मुख देखिएको छ ।
भन्सार विभागले सार्वजनिक गरेको तथ्यांक अनुसार ६ महिनासम्म आइपुग्दा आयात घटेको छ ।
निर्यातले उच्च दरमा वृद्धिको बाटो पहिलाएको छ । यसले समग्र व्यापार घाटा घटाउन महत्वपूर्ण भूमिका खेलेको छ ।
यस आव पहिलो महिनाबाटै व्यापार घाटा कम हुन थालेको हो । आयात व्यापार र बढेको निर्यात व्यापार छैटौँ महिनासम्म निरन्तर रह्यो ।
तथ्यांक अनुसार ६ महिनामा ६ खर्ब ९४ अर्ब ६९ करोड रुपैयाँको सामान आयात भएको छ। अघिल्लो वर्ष गत सोही अवधिमा सात खर्ब २३ अर्ब रुपैयाँको आयात भएको थियो । आयात घट्दा निर्यातसमेत बढेको छ।
यसले व्यापार घाटा घटाउन भूमिका खेलेको हो । निर्यात वृद्धिदर गत वर्षको तुलनामा २६ प्रतिशतले बढेको छ।
६ महिनाको अवधिमा ५७ अर्ब २७ करोडको निर्यात भएको छ। गत वर्ष सोही अवधिमा ४५ अर्ब ४१ करोड रुपैयाँको वस्तु निर्यात भएको थियो ।
आयात घट्नु र निर्यात बढ्नुबाट व्यापार घाटा ६ प्रतिशतले कम भएको छ ।
गत वर्ष ६ महिनामा ६ खर्ब ७८ अर्ब रुपैयाँको व्यापार घाटा रहेकोमा चालु आर्थिक वर्षको ६ महिनाको अवधिमा ६ खर्ब ३७ अर्ब रुपैयाँ मात्रै सिमित छ ।
क्यानबेरा । आगोलागी नियन्त्रणमा आउन नसकेपछि अष्ट्रेलिय सरकारले राजधानी क्यानबेरामा आपतकालिन अवस्था घोषणा गरेको छ । यहाँ लामो समयदेखिको डढेलोले ठूलो धनजनको क्षति भइसकेको छ ।
वनस्पति र वन्यजन्तुको अथाहा क्षति भइसकेको छ । तर, पनि आगलागी नियन्त्रणमा नआएपछि सरकारले राजधानी र यस आसपासको क्षेत्रमा आपतकाल घोषणा गरेको हो ।
शुक्रबार अस्ट्रेलियाका अधिकारीहरूले राजधानी सहर क्यानबेरा र वरपरका क्षेत्रमा डढेलो नियन्त्रण बाहिर गएको उल्लेख गरेका छन् ।
यस्तो आपतकालीन अवस्था ७२ घण्टासम्म लागू हुने भएको छ ।
सरकारी अधिकारीलाई सहर खाली गर्न, सडक बन्द गर्न अधिकार दिइएको छ ।
सेप्टेम्बरदेखि अस्ट्रेलियाको इष्ट कोस्टसम्म डडेलो फैलिसकेको छ । डढेलोले ३३ को ज्यान गइसकेको छ । ५० करोडभन्दा बढी पशुपंक्षीको ज्यान भएको तथ्यांक छ ।
काठमाडौं । बालुवाटारस्थित ललिता निवास जग्गा प्रकरणमा नेतालाई जोगाइएको छ ।
ललितानिवासमा ११४ रोपनी जग्गा हिनामिना प्रकरणमा प्रहरीले पूर्वमुख्य सचिव लीलामणि पौडेलसहित ४० जनाभन्दा बढीलाई दोषि सावित गरेको छ ।
यस प्रकरणमा अधिकांश कर्मारीलाई मुछेर राजनीतिक दलका नेताहरुलाई भने सफाई दिइएको बताइएको छ ।
मन्त्रिपरिषदले कार्यदेश दिएपछि प्रहरीको केन्द्रीय अनुसन्धान ब्युरोले अनुसन्धान थालेको थियो ।
कीर्ते गरेर नक्कली मोही खडा गरी सरकारी सम्पत्तिमा हानी पुर्याएको निष्कर्ष प्रहरीले निकालेको छ । स्रोतका अनुसार यस प्रकरणमा प्रहरीले नेतालाई भने दोषि देखेको छैन ।
जग्गा प्रकरणमा पूर्वप्रधानमन्त्री माधव कुमार नेपालदेखि नेकपाका महासचिव विष्णु पौडेसम्मको नाम जोडिएको थियो ।
गृह मन्त्रालय स्रोतका अनुसार ब्युरोको प्रतिवेदन प्रहरी महानिरीक्षक सर्वेन्द्र खनालले मन्त्रालयमा बुझाएका हुन् ।
प्रतिवेदनमा निर्णय प्रक्रियामा संलग्न कर्मचारी, राणा परिवार, मोहीसहितका व्यक्तिमाथि कारवाहीको सिफारिस भएके छ ।
यसबाहेक डा. शोभाकान्त ढकाल, रामकुमार सुवेदी, भाटभटेनी सुपर मार्केटका संचलक मीनबहादुर गुरुङसहितका व्यक्तिमाथि पनि कारवाहीको सिफारिस भएको छ । ढकाल यस काण्डका मूख्य योजनाकार मानिएका थिए ।
जनकपुरधाम । अब प्रदेश दुईबाट रोजगारीका लागि विदेश जाने यूवाले बैंकबाट ऋण पाउने भएका छन् । व्यक्तिगत रुपमा गाउँका साहुहरुले चर्को व्याजमा ऋण लिँदा धेरै घरपरिवार समस्यामा पर्ने गरेका छन् ।
यसैसन्दर्भमा प्रदेश सरकारको पहलमा बैंकले यूवालाई विदेश जाने प्रयोजनका लागि ऋण दिन थालेका हुन ।
प्रदेश २ बाट वैदेशिक रोजगारीमा जाने युवाले विनाधितो सहुलियत ऋण पाउने कार्यक्रम कार्यान्वयनमा आएको हो ।
यसमा प्रदेश सरकारले समन्वय गरेको छ । बिहीबार प्रभु बैंकले युवालाई कर्जा दिएर यसको शुरुवात गरेको छ ।
जनकपुरमा एक कार्यक्रम आयोजना गरी मुख्यमन्त्री लालबाबु राउतले प्रभु बैंकको वैदेशिक रोजगार कर्जाको शुभारम्भ गरे ।
यस अभियानबाट अब साहुबाट ऋण लिएर वैदेशिक रोजगारीमा जाने बाध्यता हट्ने मूख्यमन्त्री राउतको भनाई छ ।
मुख्यमन्त्री राउतले सीप सिकेर मात्र वैदेशिक रोजगारीमा जान युवालाई सुझाव समेत दिए।
अर्धदक्ष र दक्ष युवाले विदेशमा राम्रो आम्दानी गर्न सक्नै भन्दै आफू सक्षम भएर मात्र वैदेशिक रोजगारीमा जान आग्रह गरे ।
प्रदेश सरकार, सीप परियोजना, प्रभु बैक र एसबिआई बैंकबीच साउनमा वैदेशिक रोजागरीमा जाने युवालाई सहुलियत दरमा ऋण उपलब्ध गराउने सम्बन्धी सम्झौता भएको थियो।
उक्त सम्झौता कार्यान्वयनमा आएको हो । अब बैंकले विनाधितो सहुलियत ऋण दिनेछन् । सम्झौता अनुसार प्रभु बैकले सप्तरी, सर्लाही, रौतहट, बारा र पर्सामा यस्तो सेवा दिनेछ ।
एसबिआई बैंकले सिरहा, धनुषा र महोत्तरीमा सेवा दिनेछ । युवाले विनाधितो ऋण लिन पासपोर्ट बनाउने बित्तिकै बैंकमा नागरिकता, पासपोर्ट र ४ प्रति फोटो सहित निवेदन दिन सक्ने भएका छन् ।
बैंकले वैदेशिक रोजगारमा जाने व्यक्तिको नाममा बचत खाता खोल्नेछ । भिसा लागेपछि, भिसा, श्रम सम्झौता बैकमा जम्मा गरेपछि पाँच दिनभित्र कर्जा उपलब्ध हुने गरी कार्यविधि बनाइएको छ ।
काठमाडौं । नेपालमा गाँजाको खेती तथा सेवन प्रतिवन्धित छ । यसको किनबेच पनि गैरकानूनी हो । तर, केही व्यक्ति र संस्था भने यसको वैधानिकताको पक्षमा उभिएका छन् ।
उनीहरुलाई पछिल्लो समय केही सांसदले समेत साथ दिएका छन् । सत्तारूढ नेकपाका ४६ सांसदले प्रतिनिधि सभामा सार्वजनिक महत्वको प्रस्ताव दर्ता गरेका छन् ।
उनीहरुले गाँजाको प्रतिवन्ध हटाएर वैधानिकता दिनु पर्ने तर्क गरेका छन् ।
नेकपा सांसद विरोध खतिवडासहितको टोलीले गाँजामा वैधानिकता खोजेका छन् ।
उनीहरुको तर्क सन् १९७० ताका गाँजा र भाङलाई लागु औषधमा समावेश गरेका अमेरिका, क्यानडा, जर्मनीजस्ता देशले वैधानिकता दिएको भन्दै नेपालमा पनि बैभानिक हुनुपर्ने माग गरेको छ ।
विश्वका ६५ मुलुकले यसलाई खुला गरेपनि धेरै मुलुकमा यो प्रतिवन्धमा रहेको छ ।
खतिवडाको प्रस्तावमा ४५ सांसदले समर्थन गरेको बताइएको छ । गाँजालाई बहुमुल्य जडिबुटी भन्दै सांसदहरु यसको पक्षमा उभिएका हुन् ।
तर, नेपालमा गाँजाका कारण धेै यूवाले अकालमा ज्यान गुमाइरहेका छन् ।
निरन्तर गाँजा सेवन गर्न थालेपछि लागू औषधको लत बस्ने र त्यसले जीवन नै वर्वाद गर्दै यूवामा विकृति फैलिएको समयमा केही व्यक्ति र संस्थाको प्रभावमा सांसदहरु यसको समर्थनमा खुलेका हुन् ।
धेरै नेपाली परिवारले गाँजालाई पारिवारिक समस्याको मूख् जड मान्न थालिसकेका छन् ।
काठमाडौं । विश्व स्वास्थय संगठन (डब्यूएचओ)ले विश्वव्यापी स्वास्थ्य आपतकाल घोषणा गरेको छ ।
चीनबाट फैलिएको कोरोनाले विश्वव्यापी रुपमा प्रभाव फैलाउन थालेसँगै विश्वव्यापी स्वास्थ्य आपतकाल निम्त्याएको डब्लूएचओको भनाई छ ।
खासगरी चीन र चीन बाहिर यस रोगले पार्न थालेको प्रभावलाई दृष्टिकोण गरी आपतकाल घोषणा गर्नुपरेको डब्लूएचओका प्रमुख टेड्रोस एड्हानोमले बताएका छन् ।
उनका अनुसार बिभिन्न भाइरसका संक्रमणले विश्वव्यापी संकट निम्ताएको निष्कर्षमा डम्बलुएचओ पुगेको हो ।
डब्लूएचओले कोरोना भाइरसबाट विश्व समुदाय सतर्क रहनु पर्नेमा समेत सचेत गराएको छ ।
खासगरी कमजोर स्वास्थ्य प्रणाली रहेका मुलुकमा कोरोना भाइरसले छिटो आक्रमण गर्न सक्ने भन्दै सचेत रहन आग्रह गरेको छ ।
विश्व स्वास्थ्य संगठनको तथ्यांक अनुसार कोरोना संक्रमणबाट चीनमा मात्र २१३ जनाले ज्यान गुमाइसकेका छन् चीनसहित १८ मुलुकमो यसको संक्रमण भेटएको छ । चीन बाहिर भने मानिसको ज्यान गएको छैन ।
काठमाडौं । पर्वतमा नेपालका सबैभन्दा अग्लो र संसारकै दोस्रो अग्लो बन्जीस्पट तयार भएको छ ।
पर्वतको सदरमुकाम कुस्माबजार नजिक कालीगण्डकी नदीमाथि विश्वकै अग्लो बञ्जीजम्पको सफल परीक्षण गरिएको हो ।
बिहीबार श्रीपञ्चमीको दिन पारी यो शाहसिक पर्यटकीय प्रडक्टको परीक्षण भएको हो ।
पर्वतको सदरमुकाम कुश्माबजारदेखि छिमेकी जिल्ला बागलुङको बागलुङ नगरपालिकास्थित बलेवा जोड्ने गरी कालीगण्डकीमाथि पुल बनाइएको छ ।
सोही पुलबाट २२८ मिटर अग्लो बञ्जीजम्प बनाइएको छ ।
द क्लिफ नेपाल प्रालिले बज्जीजम्प संचालनमा ल्याँउदैछ । यसअघि यहाँ ड्रमलाई छाडेर बन्जीको परीक्षण गरिएको थियो ।
तर, बिहीबार भने बञ्जीका सञ्चालक राजु कार्की आफैले बञ्जीमा हाम फालेका हुन् । कार्की भोटेकोशी बञ्जी जम्पमा काम गरेर अनुभवी बोकेका प्राविधिक पनि हुन् ।
अग्लो स्थान र फराकिलो क्षेत्र भएका कारण कालीगण्डकीमा रोमान्चक अनुभव भएको बताए ।
उनका अनुसार व्यावसायिक रुपमा बञ्जीजम्प आगामी नयाँ वर्षबाट शुरु हुने भएको छ ।
मकाउमा दुई वटा घरका बीचमा गरिने बञ्जीलाई विश्वकै अग्लो कृतिम बन्जी जम्प मानिएको छ ।
नेपालको प्राकृतिक बन्जीमध्ये सबैभन्दा अग्लो बन्जी जम्प हो । यहाँ कालीगण्डकी माथि ५२० मिटर लामो र २२८ मिटर उचाइको सिङ्गल स्पान झोङ्गगे पुलमा बन्जी निर्माण भएको हो ।
यो पुल विश्वकै अग्लो र साहसिक पैदलयात्री पुल पनि हो ।
यहाँ सबैभन्दा अग्लो बञ्जीजम्प, विश्वकै अग्लो लठ्ठामा खेलिने पिङ्ग (स्विङ्ग), विश्वकै अग्लो र नेपालकै एकमात्र तारमा खेलिने (स्काई साइक्लिङ) सञ्चालन गरिने भएको छ ।
यसबाहेक कालीगण्डकी पारी बलेवामा सुविधा सम्पन्न रिर्सोट समेत बनिरहेको छ ।
काठमाडौं । एकसाता अगाडी काठमाडौंमा बंगलादेशी नागरिक मुहिउद्दिन अहमद परवेजको हत्या भयो ।
हत्याको जानकारी एक साता अगाडी नै आएको भएपनि प्रहरीले भने बुधबार मात्र घटना सार्वजनिक गरेको थियो ।
यस घटनामा संलग्न रहेको आरोपमा झापाको काकडभिट्टाबाट दुला मियाँलाई प्रहरीले प्रक्राउ गरी बिहीबार सार्वजनिक गरेको छ ।
प्रहरीका अनुसार काठमाडौंबाट विदेश उडाउने प्रलोभन देखाएर लिएको पैसाका कारण साथीको हत्या भएको देखिएको छ ।
उनलाई मियाँले रक्सीको बोतलले टाउकोमा हानी हत्या गरेका हुन् । काठमाडौं प्रहरी परिसर, टेकुका अनुसार मृतकले मियाँलाई लेवनान पठाउने भनेर ३ लाख टाँका (नेपाली ४ लाख ३ हजार) लिएका थिए ।
तर, काठमाडौंबाट लेवनानको भिषा लागेन । सोहीकारण उत्पन्न भएको विवादमा अहमदको हत्या भएको प्रहरीलृ जानकारी दियो ।
७ माघमा सोल्टीमोडस्थित होटल ग्राण्ड भिलाको कोठा नं. ११४ मा अहमदको शव भेटिएको थियो । तर, प्रहरीले भने यो घटना सार्वजनिक गरेको थिएन् ।
६ माघमा हिमालय एयरलाइन्स चढेर काठमाडौं ओर्लिएका दुबै जना होटेलमा बसेका थिए । तर, विवाद भएपछि बोटलले टाउकोमा हानेर हत्या भएको हो ।
प्रहरीका अनुसार अहमद हत्याको जिम्मेवारी मियाँले लिइसकेका छन् ।
बंगलादेशले भिसा नदिने भएकाले उनीहरु काठमाडौंबाट लेवनान जाने सेटिंगमा थिए । तर, त्यो सफल नभएपछि विवाद उत्पन्न भएको हो ।
प्रहरीका अनुसार घटनाका सम्बन्धमा प्रहरीले नै ढिला पत्ता पायो । त्यतिन्जेल उनी भागेर सीमापारि पुगिसकेका थिए ।
भागेर बंगलादेश जाँदा हत्यारा प्रमाणित हुँदा फाँसीको सजाय पाइन्छ । त्यसको डरले उनी पुनः नेपाल फर्किने तयारीमा रहँदा प्रहरीले पक्राउ गरेको हो ।
काठमाडौं । आज शहिद दिवस मनाइदैछ । राणा शासन विरुद्ध आवाज उठाउने क्रममा मारिएका चार सहिद र त्यसपछिको परिवर्तनका लागि लडेका शहिदको सम्झनामा यो दिवस मनाउन लागिएको हो ।
जहानियाँ राणा शासनविरुद्धको सङ्घर्षका क्रममा विसं १९९७ सालमा शुक्रराज शास्त्री, दशरथ चन्द, धर्मभक्त माथेमा र गङ्गालाल श्रेष्ठलाई मृत्युदण्ड दिइएको थियो ।
उनीहरुको यसै बलिदानलाई सम्झना गर्दै शहीद सप्ताहका रुपमा मनाउन लागिएको हो ।
शहिले देखाएको सोही बाटोकै कारण २००७ सालमा एक सय चार वर्षे लामो जहानियाँ राणा शासनको अन्त्य भएको थियो।
यस दिनका अवसरमा प्रधानमन्त्री केपी शर्मा ओलीले विकास र समृद्धिको राष्ट्रिय आकाङ्क्षा तथा जनताको सुखी जीवन नै चार अमर शहीदले देखाएको मार्गदर्शन भएको बताएका छन् ।
उनले शुभकामना सन्देश जारी गर्दै अमर शहीदप्रति भावपूर्ण श्रद्धाञ्जलि समेत व्यक्त गरेका छन् ।
काठमाडौं । हिमालय एयरलाइन्सले चीनका सबै उडान स्थगित गरेको छ । चीनमा कोरोना भाइरसको संक्रमण फैलिएसँगै हिमालयले चीनका लागि उडान रोकेको जनाएको छ ।
नेपालबाट चिनियाँ शहरमा हिमालयले मात्र नियमित उडान गरिरहेको थियो । चीनको बेइजिंगलाई नेपालबाट हिमालयले जोडेको छ ।
तर, चीनमा तीन साताअगाडीबाट फैलिएको कोरोना भाइरसका कारण हिमालयको उडान प्रभावित भएको हो ।
चीनका विभिन्न ५ गन्तब्यमा हिमालयले उडान गरिरहेको छ । चीनबाट भने नेपालमा ५ वटा कम्पनीले उडान गरिरहेका छन् ।
उता, बेलायतको बिट्रिस एयरवेजले समेत चीनको उडान बन्द गरेको छ ।
पछिल्लो समय चीन आफैले नै धेरै गन्तब्यबाट पर्यटकहरुलाई प्रवेशमा रोक लगाएको छ । जसले गर्दा चीनबाट अन्य मुलुकमा यो रोगको संक्रमण नहोस भन्ने लक्ष्य राखिएको छ ।
काठमाडौं । सत्तारूढ दल नेपाल कम्युनिष्ट पार्टी (नेकपा)को केन्द्रिय समिति बैठक शुरु भएको छ । बैठकमा राजनीतिक प्रतिवेदन पेश भएको छ ।
प्रधानमन्त्री केपी शर्मा ओलीले सम्बोधन गरी उद्घाटन गरेको बैठकमा प्रधानमन्त्रीे सरकारका कामको बचाउ गरे ।
उनले एमसीसी, यति समूहसँगको सरकारको सम्बन्धजस्ता विषयमा सरकारको तर्फबाट स्पष्टिकरण दिएका हुन् ।
बुधबार नै नेकपाको राजनीतिक प्रतिवेदन बैठकमा प्रस्तुत गरियो । प्रतिवेदनमा प्रमुख प्रतिपक्ष दल नेपाली कांग्रेसलाई ढुलमुले र सम्झौतापरस्त पार्टीका रुपमा चित्रण गरिएको छ ।
दुई अध्यक्षले राजनीतिक प्रतिवेदन पेश गरेका हुन् । देशमा रहेका साना क्षेत्रीय पार्टी र साना वामपन्थी पार्टीहरूसँग आलोचना सहकार्य तथा एकताको नीति अनुसार उनीहरूलाई आर्थिक सामाजिक रुपान्तरणमा सहभागी गराउन जोड लगाउनुपर्ने अध्यक्षको प्रस्तावमा उल्लेख छ ।
राजनीतिक प्रतिवेदनमा नेकपालाई देशभक्त पार्टीका रुपमा परिभाषित गरिएको छ ।
बुधबार नै महासचिव विष्णु पौडेलले विधान संशोधनको प्रस्ताव राखेका थिए । नेकपाका सबै तहका कमिटीले बढीमा १० प्रतिशत सदस्य मनोनयन गर्न पाउने गरी विधान संशोधनको प्रस्ताव गरिएको छ ।
काठमाडौं उपत्यकामा मजदूर, युवा विद्यार्थी, उद्योगी व्यवसायी र पेशागत क्षेत्रको पार्टी कामलाई नेतृत्व प्रदान गर्न अधिवेशनबाट निर्वाचित उपत्यका विशेष कमिटी रहने प्रस्ताव समेत गरिएको छ ।
जमैका । ल्याटिन अमेरिकी क्षेत्रमा शक्तिशाली भूकम्प गएको छ ।
जमैकाको समुद्री तट र पूर्वी क्युबाको सीमामा रहेको क्यारेबियन सागरमा मङ्गलबार साँझ ७ दशमलव ७ म्याग्निच्युडको शक्तिशाली भूकम्प भएको हो ।
यसको झड्का ल्याटिन अमेरिकी भेगका धेरै मूलुकमा गरिएको थियो ।
अमेरिकाको भूवैज्ञानिक सर्वेक्षण (यूएसजीएस) का अनुसार भूकम्पका कारण मेक्सिकोदेखि फ्लोरिडा तथा मोन्टेगो खाडी, जमैकाको १४० किलोमिटर उत्तर–पूर्वी क्षेत्र, निक्वैरो, क्युबाको १४० किलोमिटर पश्चिम–दक्षिण धक्का महसुस भएको छ ।
उद्दपी भूकम्पको क्षति भने आइसकेको छ । भूकम्प गएपछि अमेरिकी वैज्ञानिकले समुद्री तटीय क्षेत्रमा सुनामीको चेतावनी दिएका छन् ।
प्रशान्त सुनामी चेतावनी केन्द्रका अनुसार जमैकाको तटीय इलाकामा सुनामीको सम्भावना रहेको छ ।
सुनामीले जमैका, बेलिज, क्युबा, होन्डुरस, मेक्सिको र केमैन द्वीपमा समेत प्रभवित बनाउन सक्ने संचारमाध्यमले उल्लेख गरेका छन् ।
काठमाडौं । नेपाल विद्युत प्राधिकरणले अब उपभोक्तालाई धेरै बिजुली खपतमा प्रोत्साहित गर्ने भएको छ ।
स्वदेशमा क्रमशः बिजुलीको उत्पादन बढिरहेको सन्दर्भमा अब बिजुली खपत बढाउनु पर्ने बाध्यता प्राधिकरणसँग छ ।
यसबाहेक निर्यातको बाटो खोल्नेतर्फ समेत प्राधिकरणले काम गरिरहेको छ । प्राधिकरणका अनुसार बढी विद्युत् खपत बढाउन प्रोत्साहन गर्ने भन्दै नयाँ महशुलदर प्रस्ताव गरिएको छ ।
अब थ्रि फेज र सामुदायिक खानेपानी आयोजनाको विद्युत महशुलदर समेत घट्ने छ ।
अहिले प्राधिकरणले ५, १५, ३० र ६० मएम्पियरमा ग्राहकलाई विभाजन गरेको छ । त्यसमा ७ वटा स्ल्याब राखी प्राधिकरणले महशुल उठाइरहेको छ ।
अहिलेको प्रावधान अनुसार जति बढी विजुली खपत गर्यो त्यति नै दर बढ्दै जान्छ ।
तर, आगामी दिनमा भने रणनीतिक रुपमा परिवर्तन गर्न लागिएको हो ।
आगामी दिनमा हिटर, एसी, इन्डक्सनजस्ता विद्यूतीय उपकरणको प्रयोग गरी विद्यूत खपत बढाउन सकिने विश्वास प्राधिकरणको रहेको छ ।
आन्तरिक उत्पादनका रुपमा विद्यूतको खपत बढाउन सके त्यसले अनाधिकृत रुपमा विदेश जाने रकम स्वदेशमै बच्ने र देशको उत्पादकत्व बढ्नेछ ।
प्राधिकरणका अनुसार अब ५ एम्पिएर अन्तर्गत लाइन राख्नेले १० युनिटसम्म विद्युत उपयोग गर्दा महिनामा ३० रुपैयाँमात्र शुल्क राखे पुग्छ ।
नेपाल विद्युत प्राधिकरण सञ्चालक समितिका अनुसार १० युनिटसम्म खपत गर्ने ग्राहकसँग भने महशुलमा ‘इनर्जी चार्ज’ लिइने छैन ।
कम विद्यूत खपत गर्ने ग्राहकको संख्या अधिक रहेको छ । निकट भविश्वमा उत्पादन बढ्ने तर त्यस अनुसार खपत हुन नसकेपछि प्राधिकरण खपत बढाउने योजनामा जुटेको हो ।
काठमाडौं । अब नयाँ पत्रकारले परिक्षा पास गरी लाइसेन्स लिनुपर्ला ? मिडिया काउन्सिल विधेयकमा यस्तो प्रावधान राखिएको छ ।
पत्रकारिता पेशामा आउनेका लागि लाइसेन्स परीक्षा पास गर्नुपर्ने प्रावधान राखिएको हो ।
सोमबार राष्ट्रियसभाको विधायन व्यवस्थापन समितिले यस्तो प्रावधानसहित नेपाल मिडिया काउन्सिलसम्बन्धी कानुनलाई संशोधन गर्न र एकीकरण गर्न बनेको विधेयक पारित गरेको छ ।
समिति सभापति परशुराम मेघी गुरुङका अनुसार अहिले पत्रकारिता पेशामा आवद्ध भइसकेका व्यक्तिलाई भने यो प्रावधानले कुनै प्रभाव पार्ने छैन ।
नयाँ आउन चाहानेका लागि मात्र यो प्रावधान लागु हुने भएको हो । काउन्सिलले पाठ्यक्रम बनाएर परीक्षा लिने व्यवस्था गरिएको हो ।
पछिल्लो समय पत्रकारिता पेशाप्रति उत्पन्न नकारात्मक भावना हटाउन यो प्रावधान सहयोगी हुने अपेक्षा रहेको छ ।
काठमाडौं । अब चीनबाट आएका जहाजलाई छु्ट्टै राखेर यात्रुको व्यवस्थापन गरिने भएको छ ।
नेपालको छिमेकी मित्रराष्ट चीनमा फैलिएको कोरोना भाइरसका सम्बन्धमा सोमबार पर्यटन मन्त्रालयले सरोकारवालासँग छलफल गरेको हो ।
छलफलपछि पर्यटन मन्त्री योगेश भट्टराईले त्रिभुवन विमानस्थलमा चीनबाट आउने जहाजका लागि छुट्टै व्यवस्थापन गर्न निर्देशन दिए ।
नेपालभित्र यसको प्रभाव पर्न नदिन प्रधानमन्त्रीज्यूको समुपस्थितिमा आइतबार छलफल भएको थियो ।
प्रधानमन्त्रीले उच्च सतकर्ता अपनाउन आग्रह गरेका थिए । सोहीबमोजिम पर्यटन मन्त्रालयले सोमबार सरोकारवालासँग छलफल गरेको हो ।
नेपाल भ्रमण वर्ष, २०२० को सन्दर्भमा नेपालको पर्यटन क्षेत्र र जनस्वास्थ्यमा यसको नकारात्मक प्रभाव पर्न नदिन अपनाउनु पर्ने पूर्व सतर्कता, जनचेतना र समन्वयका सम्बन्धमा छलफल गरिएको मन्त्रालयका सहसचिव रुद्रसिंह तामांगले जानकारी दिए ।
बैठकमा मन्त्री भट्टराईले सरोकारवालालाई दिएका निर्देशन
मूलुकको अन्तर्राष्ट्रिय हवाई प्रवेश विन्दुको रुपमा रहेको त्रिभुवन अन्तर्राष्ट्रिय विमानस्थलमाहेल्थ डेस्कका लागि आवश्यक पर्याप्त स्थान उपलब्ध गराउने, समन्वय एवम् सहजीकरण गर्ने
विशेष गरी छिमेकी मित्रराष्ट्र चीनबाट आएका पर्यटकमा यस भाइरसको संक्रमणको अनुमान गर्न सकिने कुनैपनि लक्षण देखिएमा होटल, ट्राभलरट्रेकिङ्ग एजेन्सी लगायतका सरोकारवालाबाट यथाशिघ्र तोकिएको स्वास्थ्य संस्थामा पुर्याउने व्यवस्था मिलाउने
नेपाल आउने हवाईजहाजहरु अवतरण गर्नुपूर्व यात्रुहरुलाई हेल्थ डेस्क गई आधारभूत जाँच गराउन गर्ने व्यवस्था तथा विश्व स्वास्थ्य संगठनले तोकिदिएको मापदण्ड बमोजिम अवतरणको समयमा छुट्टै स्थानमा राख्ने व्यवस्था त्रिभुवन अन्तर्राष्ट्रिय विमानस्थल नागरिक उड्डयन कार्यालयले तत्काल मिलाउने
पर्यटकलाई सेवा दिने निजी क्षेत्रका सवै संस्थाहरुले यस भाइरसको बारेमा अवलम्बन गर्नुपर्ने सजगता एवम् पूर्व सावधानी सम्बन्धमा आफ्ना कर्मचारीलाई तत्काल सु-सूचित गर्ने गराउने
कुनैपनि स्वास्थ्य सम्बन्धी उल्लेखित भाइरसबाट आउन सक्ने समस्याका सम्बन्धमा स्वास्थ्य तथा जनसंख्या मन्त्रालयले उपलब्ध गराएका सूचना एवम् गर्नुपर्ने आवश्यक सहयोगमा पूर्ण सक्रियताका साथ कार्य गर्ने गराउने
नेपालमा स्थलमार्गबाट समेत पर्यटक प्रवेश गर्ने स्थानहरु खासगरी रसुवा, यारीनाका लगायत उत्तरी सिमानाकाहरु समेतमा उल्लेखित सतर्कता र पूर्वसावधानीहरु अपनाउने
उल्लेखित भाइरसको सम्भावना भएका बिरामीलाई तत्काल निगरानीमा राख्नुपर्ने भएकोले यस सम्बन्धमा सबैले पूर्व सावधानी एवम् सजगताका साथ कार्य गर्ने गराउने
विमानस्थलमा कार्यरत कर्मचारीहरुले कार्यस्थलमा मास्क, पञ्जा र आवश्यकतानुसारका अन्य स्वास्थ्य सावधानीका उपायहरु अवलम्बन गर्ने
चिनीयाँ पर्यटकको बढी उपस्थिति हुने जस्तै काठमाण्डौ, पोखरा, चितवन, लुम्बिनी जस्ता स्थानहरुमा यस सम्बन्धमा विशेष पूर्व सावधानी अवलम्बन गर्ने गराउने
कोरोना भाइरसबाट बच्ने र बचाउने उपायका सम्बन्धमा जनचेतना बृद्धि गर्ने किसिमका क्रियाकलापहरु सबैले गर्ने गराउने ।
मानिसहरुको धेरै आवतजावत हुने धार्मिक, साँस्कृतिक स्थानहरुमा सचेतनामूलक प्रचार प्रसार कार्य संचालन गर्ने
कोरोना भाइरस सम्बन्धी स्वास्थ्य तथा जनसंख्या मन्त्रालयले तयार गरेका पोष्टर, पम्पलेट, सूचना मूलक अन्य प्रचार सामाग्री पर्यटन विभाग र नेपाल पर्यटन बोर्डको समन्वयमा प्राप्त गरी प्रमुख होटल तथा ट्राभलरट्रेकिङ्ग कम्पनीका कार्यस्थलमा पर्यटकले देख्नेगरी राख्ने व्यवस्था मिलाउने
काठमाडौं । विदेशमा रोजगारीको सिलसिलामा पुगेका नेपालीमध्ये सबैभन्दा धेरै खाडी मुलुकबाट रेमिट्यान्स आउने गरेको छ ।
नेपाल राष्ट्र बैंकको तथ्यांक अनुसार यूरोप, अमेरिकालगायत विकसित मुलुकबाट आउने रेमिट्यान्स बढ्न थालेको छ ।
तर, धेरै रेमिट्यान्स भने खाडी मुलुकबाट प्राप्त भएको छ ।
नेपाल राष्ट्र बैंकले सार्वजनिक गरेको चालु आर्थिक वर्षको चार महिनाको तथ्यांक अनुसार खाडी मुलुकबाट आउने विप्रेषण नै कुल विप्रेषणको ५०.३ प्रतिशत हिस्सा ओगटेको छ ।
राष्ट्र बैंकले अनुसन्धान विभागका प्रमुख डा. गुणाकर भट्टको संयोजकत्वमा अनुसन्धान गरेको थियो । अध्ययन अनुसार कतारबाट नेपालमा सबैभन्दा बढी १७.७ प्रतिशत विप्रेषण आउँछ ।
संयुक्त अरब इमिरेट्स (यूएई) बाट मात्र १३.४ प्रतिशत र साउदी अरेबियाबाट १२.५ प्रतिशत विप्रेषण आउने गरेको छ । यस वर्ष मलेसियाबाट आएको विप्रेषणमा केही कमी आएको छ ।
यस वर्षको पहिलो चार महिनामा विप्रेषणको हिस्सा ९.७ प्रतिशत मात्र रहेको छ ।
तथ्यांकअनुसार चालु आवको पहिलो चार महिनामा कतारबाट ५३ अर्ब ९३ करोड र भारतबाट ४३ अर्ब १६ करोड रुपैयाँ रेमिट्यान्स भित्रिएको छ ।
चार महिनामा कुल ३ खर्ब ४ अर्ब ९७ करोड रुपैयाँ रेमिट्यान्स भित्रिएको तथ्यांक रहेको छ । युएईबाट ४० अर्ब ८७ करोड रुपैयाँ रेमिट्यान्स भित्रिएको छ । मलेसियाबाट २९ अर्ब ६६ करोड भित्रिएको छ ।
राम्रो काम गर्न उमेरले छेक्दैन । अहिलेका प्रख्यात बाल कलाकार ८ बर्षीय प्रिन्स प्रसिद सिंह थापा समाजसेवामा लागेका छन् । उनीबिभिन्न कार्यक्रमहरुमा मोडलिङ्, प्रस्तोता तथा नृत्य गरेर स्वआर्जन गर्छन् । बहुमुखी प्रतिभाका धनी उनले आफ्नो कमाईबाट आएकोपैसा अनि आफ्नो पकेट मनी बचाएरअसहाय तथा निम्नआय भएका बालबालिकाहरुलाई न्यानो लुगा बितरण गरेका छन् । मनकारीथापाले अभियानको रुपमा नेपालका पूर्वी पहाडी जिल्ला ओखलढुङगामा १८ जना बालबालिकाहरुलाई जाडोको लागि न्यानो कपडा, टोपी, हाइनेक, ज्याकेट बाँडेका छन् । केही असक्त बालबालिकाहरुको लागि नगद सहयोग पनि गरेका छन ।
बिभिन्न म्युजिक भिडियो, बिज्ञापन अनि “भोक” जस्तो लघुसिनेमाबाट ख्याती कमाएका यी ८ बर्षीय बालक सडक बालबालिका, अनाथ बालबालिका रआवाजविहिन बालबालिकाहरुको आवाज बन्न चाहन्छन । यी बालकले केही बर्ष अघिदेखि सहयोग गर्दै आएका छन । सामाजिककार्यमा अग्रज प्रिन्स यो भन्दा अगाडि पनि सडक बालबालिकाहरु र निम्न आय भएका बालबालिकाहरुलाई सहयोग गर्दै आएका छन् ।यो भन्दा अगाडिको जिल्ला भ्रमणको क्रममा अति नै बिपन्न सुचीमा रहेका बालबालिकाहरु देखेर यो पटकको जाडोको लागि न्यानो लुगाबितरण अभियान पुर्वको पहाडी जिल्लाहरुमा न्यानो लुगा बितरण गरेको बताउँछन् । उनी भन्छन्; “यो त मेरो सुरुवात मात्रै हो । विपन्नपरिवारका बालबालिकालाई अझै पनि धरै सहयोग गरिरहने छु ।”
तँपाईले के, कसरी प्रेरणा पाउनु भयो ? भन्ने हाम्रो प्रश्नमा भन्छन् “केही दिन अगाडि यस क्षेत्रमा घुम्न आउंदा यहाँको अधिकांसबालबालिकाहरुमा न्यानो लुगाको अभाव दु:ख कष्ट देखेकोले सोही अवस्थाले मलाई आफुले सक्ने सहयोग गर्न पर्छ भन्ने भावना आयो, सोहीबाट म प्रेरित भएको हुं । सानो उमेरमा नै अरुको आँसु, दुख, पिडा देख्न्न नसक्ने प्रिन्स अहिलेको हाम्रो समाजको लागि प्रेरणाकास्रोत हुन् । आफ्ना छोराछोरीहरुले न्यानो कपडा पाएपछि लाभान्वित भएका अभिभाबकहरुको अनुहारमा धेरै खुसी देखिएको थियो ।उनको यो पुण्य कार्यको लागि सलाम ।
जनकपुर । प्रदेश नं दुईको स्थायी राजधानी जनकपुर हुने भएको छ । अहिले अस्थायी राजधानी रहेकै जनकपुरधामलाई स्थायी राजधानी बनाउने सम्बन्धमा सहमति जुटेको हो ।
प्रदेश दुईको नामाकरण र राजधानी टुङ्गो लगाउने विषयमा सभामुख सरोजकुमार यादवको संयोजकत्वमा संसदीय विशेष समिति गठन भएको हो । यस समितिमा जनकपुरधामलाई नै स्थायी राजधानी तोक्ने सहमति भएको हो ।
अब जनकपुरधाम स्थायी राजधानी हुने निश्चित बनेको छ । समितिले प्रदेश राजधानीको सीमामा समेत टुंगो लगाएको हो ।
समितिले टुंगो लगाएको राजधानी जनकपुरधामको विषय प्रदेशसभाको दुई तिहाई बहुमतले पारित गरेपछि औपचारिकता पाउने छ ।
प्रदेशको राजधानीको विषयमा विशेष समितिमा टुंगो लागेपनि नामको विषयमा भने सहमति भइसकेको छ्रैन । यद्दपी छलफल भने जारी रहेको छ ।
काठमाडौं । आइतबार नेपाल आइ पुगेका एक अमेरिकी नागरिकमा कोरोना भाइरसको संक्रमण रहेको आशंका गरिएको छ ।
त्रिभुवन अन्तराष्ट्रिय विमानस्थलस्थित हेल्थ डेस्कले चीनबाट नेपाल आएका उनलाई टेकुस्थित शुक्रराज ट्रपिकल सेन्टर तथा सरुवा रोग अस्पतालमा स्वास्थ्य परिक्षणका लागि पठाएको छ ।
उनी चीन ट्रान्जिट बनाएर नेपाल आएका थिए । विमानस्थलस्थित हेल्थ डेस्क स्रोतका अनुसार नेपाल आउँदाआउँदै उनलाई जहाजमै ज्वरो फूटेको थियो ।
चीनमा तीन घण्टा मात्रै बिताएको जानकारी उनले विमानस्थलमा गराएका थिए । त्रिभुवन अन्तराष्ट्रिय विमानस्थलमा संचालनमा आएको हेल्थ डेस्कमा थर्मल स्क्यानर मेसिन जडान गरिएको छ ।
यहाँ ज्वरो आएको भेटिएमा अस्पतालमा पठाउने गरिन्छ । नेपालमा एक जनामा संक्रमण भेटिएको पुष्टी भएको छ ।
थप दुई नेपालीमा समेत संक्रमणको आंशका रहेको छ ।
उनीहरुलाई आइतबार शुक्रराज ट्रपिकल तथा सरुवा रोग अस्पतालमा उपचारका लागि लगिएको छ । उनीहरु चीनबाट फर्किएका र एक जना नेपाली तथा एक जना महिला रहेको बताइएको छ ।
कास्की । कास्की जिल्ला फुटबल संघका अध्यक्ष मिलन गुरुङलाई झापड हानेर पक्राउ परेका प्रदेशसभा सदस्य दीपक मनाङ्गे रिहा भएका छन् । उनी ६ हजार रुपैयाँ धरौटीमा रिहा भएका हुन् ।
मनाङेले झापड हानेका मिलन प्रहरी हिरासतमै रहेका छन् । मूख्यमन्त्री कप फुटबल प्रतियोगिताका विषयमा भएको विवादमा सांसद मनाङ्गेले मिलनलाई गत ७ माघमा झापड हानेका थिए ।
त्यसपछि मिलनले अभद्र व्यवहार भएको भन्दै प्रहरीलाई उजुरी दिएका थिए । मनाङ्गेलाई प्रहरीले बिहीबार पक्राउ गरेको हो ।
आइतबार जिल्ला प्रशासन कार्यालयले जिल्ला सरकारी वकिलको कार्यालयमार्फत अभद्र व्यवहारको मुद्दा पेश गरेको थियो ।
यो कसुरमा दोषि सावित भएमा १ वर्षसम्म कैद सजाय र १० हजार रुपैयाँ जरिवाना वा दुवै सजाय हुने व्यवस्था रहेको छ ।
सात दिनसम्म खेलाडीसँगै बसेर ट्रेनिङ गरेको आफूलाई हिरासतमा सुत्न पाएको तथा आराम मिलेको प्रतिक्रिया मनांगेले दिएका छन् ।
उनीले अब रक्सी खाने योजना बनाएको समेत प्रतिक्रिया दिएका छन् । मनाङ्गेविरुद्ध उजुरी दिएको भोलिपल्ट मिलनविरुद्ध पनि उजुरी गरेको थियो । उनीविरुद्ध ठगी गरेको आरोप रहेको छ ।
बैंकिङ कसुर समेत लागेका उनलाई भने अनुसन्धानका लागि ७ दिन थुनामा राख्न प्रहरीले अनुमति पाएको छ ।
