काठमाडौं । नेपाल र चीनले संयुक्त खोज अपरेशन गरेर पक्राउ परेका १२२ जना चिनियाँ नागरिकलाई देश निकाला गरिने भएको छ ।
सोही क्रममा उनीहरुलाई प्रहरीले अध्यागमन विभागको जिम्मा लगाएको छ । प्रहरीले पक्राउ परेका चिनियाँ नागरिकलाई आइतबार अध्यागमन विभागको जिम्मा लगाएको हो ।
त्यसअघि जिल्ला प्रशासन कार्यालय काठमाडौंले आइतबार नै अभद्र व्यवहार सम्बन्धी कसुरमा एक हजार रुपैयाँ धरौटी तिरेर उनीहरुलाई छाड्न प्रहरीलाई आदेश दिएको थियो ।
त्यसपछि काठमाडौं प्रहरी परिसर टेकुले उनीहरुलाई अध्यागमनको जिम्मा लगाएको हो । बीना पासपोर्ट नै नेपालमा बसिरहेका उनीहरुलाई अध्यागमनले थप अध्ययन गर्नेछ ।
त्यसपछि कारवाही गरी देश निकाला गरिनेछ । उनीहरुलाई बाँकि कारवाही सम्बन्धित मुलुककै कानून अनुसार हुन्छ ।
पर्यटक भिषामा आएका व्यक्तिले नेपालमा अन्य गतिविधि गर्दा समेत त्यो गैरकानूनी मानिन्छ । उनीहरुलाई पक्राउ गर्न चीन सरकारले समेत सहयोग गरेको बताइएको छ ।
