काठमाडौं । डा. बाबुराम भट्टराई तथा उपेन्द्र यादवको पार्टी समाजवादी नेपालले सरकार छाडेको छ । संविधान संशोधन प्रस्तावलाई मन्त्रिपरिषदमा पेश गर्न नपाएपछि समाजवादीले सरकार छाडेको हो ।
सोमबारको बैठकमा प्रधानमन्त्रीले कानून मन्त्री यादवद्धारा प्रस्तुत गर्न लागेको संशोधन प्रस्तावलाई ठाडो आदेशमा रोकेका थिए ।
उनले रोकेको भोलीपल्टै पार्टी सरकार छाड्ने निर्णयमा पुगेको हो । मंगलबार उपप्रधानमन्त्री तथा कानूनमन्त्री उपेन्द्र यादव र सहरी विकासमन्त्री मोहम्मद इस्तियाक राइले पदबाट राजीनामा दिए ।
समाजवादी पार्टीका अध्यक्षसमेत रहेका यादवले प्रधानमन्त्रीलाई सम्बोधन गर्दै लेखेको राजीनामा पत्रमा संविधान संशोधन प्रस्ताव अस्वीकार गरेर सरकार दुई बुँदे सहमतिबाट पछि हटेको उल्लेख छ ।
सहमतिलाई एकतर्फी रुपमा तोडेको प्रष्ट भएकाले नैतिकताको आधारमा सरकारमा बसिरहन औचित्य नभएको निष्कर्षमा उक्त पार्टी पुगेको हो ।
सोमबारको बैठकमा यादवले संविधान संशोधनको प्रस्ताव टेवल गर्न खोज्दा प्रधानमन्त्रीले त्यसलाई अगाडी नै बढाउन दिएका थिएनन् ।
संशोधन प्रस्ताव नै अगाडी बढ्न नपाएपछि पार्टीले सरकारको समर्थन फिर्ता लिँदै सरकारबाट बाहिरिने निर्णय लिएको हो ।
न्यूयोर्कमा कार्यरत एटोर्नी एट ल शिब खनाल भन्छन्, लिगल स्टाटसको डरले पनि कतिपय महिलाहरु हिंसा सहेर बस्न वाध्य छन् । ‘पुलिसलाई भन्दा मलाई डिपोर्ट गर्ने हो कि भन्ने डरले सहन नसक्ने अवस्थामा आइपुग्दा पनि भन्न चाहादैनन् । तर, इमिग्रेसनको समस्या संग हिंसाको कुनै सम्बन्ध हुँदैन । जस्तो सुकै इमिग्रेसन स्टाटसमा भएका महिलाले पनि आफुलाई अफ्ठेरो परे पुलिस रिपोर्ट गर्न सक्छन्’ खनाल भन्छन् ।
