Category: स्वास्थ्य

काठमाडौं । सरकारले २५ जनाभन्दा बढी भेला हुन नपाउने नियम ल्याएसँगै नेपालमा अधिकांश सार्वजनिक गतिविधि बन्द भएका छन् ।

संस्कृति, पर्यटन तथा नागरिक उड्डयन मन्त्रालयले देशभरका संग्रहालय बन्द गर्ने निर्णय गरेको छ । मन्दिरमा २५ जना भन्दा बढीको भीड हुन दिइने छैन ।

सार्वजनिक कार्यक्रममा प्रयोग हुने हलहरु बन्द भएका छन् । त्यहा निर्धारित कार्यक्रम स्थगित गरिएको छ । काठमाडौंस्थित एभिएशन म्यूजियम बन्द भएको छ ।

ललितपुरस्थित सदर चिडियाखाना बन्द भएको छ । यो बन्द चैत मसान्तसम्म लागू हेनछ । उता, मनकामना केवलकार समेत बन्द गर्ने निर्णय गरिएको छ ।

सार्वजनिक यातायातमा सीट भन्दा बढी यात्रु नचढ्न भनिएको छ । यससँगै अधिकांश मानिसले सडक प्रयोग गरेको पाइएको छ ।

सार्वजनिक यातायातमा कम मात्र मानिसले यात्रा गरेका थिए । बिहीबार काठमाडौं छाड्ने मानिसको घुइचो बढेको छ ।

किनकी बुधबारबाट धेरैजसो विद्यालको परीक्षा सकिएको छ । सरकारले एसईलगायत विद्याविद्यालयको परीक्षासमेत स्थगित गरेको छ ।

लोकसेवा आयोगको परीक्षा स्थगित भएको छ । सरकारले अत्यावश्यक काम नपरेसम्म बाहिर ननिस्कन सर्वसाधारणमा आग्रह गरेको छ ।

यससँगै नागरिकले समेत सचेतना अपनाउन थालेको पाइएको छ ।

काठमाडौं । सरकारले अतिआवश्यक काम नपरी घर बाहिर ननिस्कन नागरिकलाई आह्वान गरेको छ । बुधबार कोरोनाविरुद्ध उच्चस्तरीय समन्वय समितिले यस्तो आह्वान गरेको हो ।

अत्यावश्यक कामबाहेक बाहिर ननिस्कन र हिँडडुल नगर्न सरकारले सर्वसाधारणमा आग्रह गरेको हो । पार्टी प्यालेस, मठ मन्दिर, गुम्बा, मस्जिद, चर्चजस्ता धार्मिक र सार्वजनिक स्थलमा २५ जना भन्दा बढी भेला हुन समेत अब नपाइने भएको छ ।

यता, होटल र बसलाई संक्रमणरहित बनाउनुपर्ने नियम ल्याउँदै सरकारले क्षमता भन्दा बढी यात्रु बोक्न नपाउने बताएको छ ।

सर्वसाधारणसँग सरकारले समेत भीडभाड गरी यात्रा नगर्न आग्रह गरेको छ ।

समितिको बैठकले मानिसहरुको जमघट हुने सार्वजनिक महत्वको स्थलहरुमा स्थानीय तहहरुले दैनिक रुपमा सरसफाइ र डिसइन्फेक्सन गर्नुपर्ने निर्णय समेत गरेको हो । सरकारले चैत मसान्तसम्म विद्यालय तथा कलेज बन्द गर्ने निर्णय गरेको छ ।

बाल विकास केन्द्र तथा आधारभूत विद्यालय पनि बन्द गर्ने निर्णय भएको छ ।

सिनेमा हल, सांस्कृतिक केन्द्रहरू, रंगशाला, खेलस्थल, जीम, हेल्थ क्लब, म्युजियम, स्वीमिङ पुल, मनोरञ्जन स्थान, डान्स बार तथा क्लब आदिलाई ३० अप्रिल २०२० सम्म बन्द गर्ने निर्णय सरकारले गरेको छ ।

सपिङ मलमा स्यानिटाइजर अनिवार्य गर्न भनिएको छ । होटल, रेष्टुरेन्ट तथा सपिङ्ग मलको सञ्चालकले हात सफा गर्ने स्यानिटाइजर लगायत सफाइका सामग्रीको प्रबन्ध गर्न अनिवार्य गरिएको छ ।

टेबल, कुर्सी, बार–रेलिङ र शौचालय आदि स्थानमा नियमित रुपमा डिसइन्फेक्सन गर्नु पर्ने भएको छ । तापक्रम मापन गर्ने उपकरण तथा सामग्रीको व्यवस्था गरी ती स्थानहरुमा प्रवेश गर्ने व्यक्तिको स्वास्थ्य जाँच गर्ने पनि निर्णय गरिएको छ ।

काठमाडौं । आजबाट विद्यालय स्तरीय परीक्षा सकिएको छ । अब करीव ७० लाख विद्यार्थी सामुहिक रुपमा विद्यालयमा भेला हुनु पर्ने छैन ।

सरकारले विद्यालयहरुलाई तत्काल भर्ना नखोल्ने र कुनै पनि औपचारिक कार्यक्रम नगर्न भनेको छ । यसको मतलव कम्तिमा चैतभर विद्यालय खुल्ने छैनन् ।

यसले कोरोना विरुद्धको सचेतनामा ठूलो सहयोग गर्ने अपेक्षा गरिएको छ ।

शिक्षा मन्त्री गिरिराजमणी पोखरलेलले विद्यालय छुटटी भइसकेपछि कुनै पनि औपचारिक कार्यक्रम आयोजना नगर्न सबै विद्यालयलाई निर्देशन दिएका छन् ।

यससँगै करीव ७० लाख बालबालिका अब घरमै रहनेछन् । बिहीबारबाट एसइइ परीक्षासमेत संचालन हुँदैछ । एक सातापछि उक्त परीक्षा समेत सम्पन्न हुनेछ ।

त्यसपछि भने स्कूलहरु पूर्णतया बन्द हुनेछन् । तर, कलेजहरुको हकमा भने के गर्ने भन्ने सम्बन्धमा सरकारले अझै निर्णय गरेको छैन ।

कोरोनाको डरले नेपाललाई समेत नराम्रो प्रभाव पारेको छ । तर, नेपालमा भने संक्रमणको पुष्टी भइसकेको छैन ।

काठमाडौं । बिहीबारदेखि सुरु हुने माध्यमिक शिक्षा परीक्षा (एसईई)को तयारी पुरा भएको सरकारले जानकारी दिएको छ ।

शिक्षा, विज्ञान तथा प्रविधिमन्त्री गिरिराजमणि पोखरेलले सोमबार एक विज्ञप्तीमार्फत परीक्षा सञ्चालनको सबै तयारी पूरा भएको जानकारी गराएका हुन् ।

उनका अनुसार परीक्षा तोकिएकै समयमा सम्पन्न हुनेछ । त्यसो त बुधबारसम्म सबै विद्यालयलाई वार्षिक परीक्षा सकाउन सरकारले यसअघि नै निर्देशन दिएको थियो ।

बुधबारबाट कम्तिमा एक महिना विद्यालयहरु बन्द हुने भएका छन् । कोरोना संक्रमण फैलने डरले छिटो विद्यालयहरु बन्द गर्न सरकारमाथि दवाव रहेको छ ।

६ देखि १७ चैतसम्म हुने एसईई परीक्षामा भने देशभरका कुल ४ लाख ८२ हजार २१९ परीक्षार्थी सहभागी हुँदैछन् ।

देशभर १ हजार ९९५ परीक्षा केन्द्र तोकिएका छन् । मन्त्री पोखरेलका अनुसार हरेक परीक्षा केन्द्रमा स्वास्थ्य केन्द्र हुनेछन् ।

पर्याप्त सावधानीसहित परीक्षा सञ्चालन र व्यवस्थापन गर्न लागिएको छ ।

विद्यार्थीहरुलाई परीक्षा केन्द्रमा स्वास्थ्य सहायता प्रदान गर्न प्रत्येक परीक्षा केन्द्रहरुमा परीक्षा अवधिभर हेल्थ डेस्क राख्ने प्रबन्ध मिलाइएको छ ।

यसको व्यवस्थापन ७५३ वटै स्थानीय तहले मिलाउने छन् । मन्त्रालयले विद्यार्थीहरुलाई साबुनपानी प्रयोग गरेर हात धुन, मास्क प्रयोग गर्न, अरुसँग हात नमिलाउन र सकभर भीडभाडमा नजान आह्वान गरेको छ ।

कक्षा १ देखि ९ सम्मको वार्षिक परीक्षा सकिएपछि विद्यालय बन्द हुनेछन् ।

परीक्षा सकिएपछि करीब ७० लाख बालबालिका घर परिवारमा हुनेछन् ।

शिक्षा मन्त्रालयले मुलुकको विशेष परिस्थितिलाई ध्यानमा राखेर विद्यालयमा सांस्कृतिक कार्यक्रम, बार्षिक अभिभावक दिवस, नतिजा सार्वजनिकीकरण, प्रवेश परीक्षा वा भर्नाका नाममा भीडभाड वा आम भेला नगर्न विद्यालयहरुलाई आग्रह गरेको छ ।

काठमाडौं । संसारका १५७ मुलुकमा फैलिसकेको कोरोना भाइरसको संक्रमणबाट चीनको छिमेकी मुलुक नेपाल भने अझै पनि मुक्त छ ।

संसारका विकसित र गुणस्तरीय स्वास्थ्य संरचना भएका मुलुकमा नराम्रोसँग मानिसहरु मरिरहँदा तुलनात्मक रुपमा कमजोर स्वास्थ्य प्रणाली भएको नेपालमा कोरोनाको संक्रमण नदेखिनुले धेरैलाई आश्चर्यचकित पारेको छ ।

कतै नेपालको परिक्षण प्रभावकारी नभएर नदेखिएको हो की भन्ने आंशका समेत यस भाइरससँग मिल्दोजुल्दो लक्षणका कारण मानिसहरु बाहिरिएका छैनन् ।

सोहीकारण सोमबार साँझसम्म नेपाल कोरोनामुक्त मुलुक नै रहेको स्वास्थ्य तथा जनसंख्या मन्त्रालयले जानकारी दिएको छ ।

स्वास्थ्य मन्त्रालय अन्तर्गतको राष्ट्रिय जनस्वास्थ्य प्रयोगशालाका अनुसार दुई महिनाअघि गरिएको परीक्षणका क्रममा एकजनामा कोरोना संक्रमण देखिएको थियो।

तर ती व्यक्ति निको भएर घर फर्किसकेका छन् । नेपालमा अहिलेसम्म ४ सय ७८ को परीक्षण भएको छ । उनीहरु सबैमा कोरोना भाइरस नेभेटिभ देखिएको हो ।

अहिले काठमाडौंलगायत विभिन्‍न अस्पतालबाट ६ जना शंकास्पद बिरामीको ल्याब परीक्षणका लागि नमुना ल्याइएको छ। उनीहरुको रिपोर्ट आउन बाँकि रहेको छ ।

यस रोगले संसारभर ६ हजार ६८ जनाले ज्यान गुमाइसकेका छन् । चीनबाट आएका एक नेपाली विद्यार्थीमा कोरोना संक्रमणको आंशकामा नमुना संकलन गरी परीक्षणका लागि १३ जनवरीमा हङकङ पठाइएको थियो ।

त्यसको १० दिनपछि उनमा संक्रमण देखिएको पुष्टि भएको थियो । त्यसयता नेपालमा कुनै पनि मानिसमा कोरोना देखिएको छैन । पछिल्ला दिनमा भने सरकारले विदेशी नागरिकलाई नेपाल प्रवेशमा समेत कडाई गरिसकेको छ ।

सोमबार सरकारले सचेतना अपनाउन नागरिकसँग भने आह्वान गरेको छ । संक्रमण भित्रिहालेमा त्यसको रोकथाम गर्न सरकार तयार रहेको भन्दै मन्त्रालयले तर सचेत रहन भने आह्वान गरिएको छ ।

काठमाडौं । सरकारको काठमाडौं उपत्यका र बाहिर गरी कूल २ सय २० आइसीयू बेड थप्ने भएको छ । उपत्यकामा १ सय २० र बाहिर १ सय आईसीयू बेड थप्ने निर्णय सरकारले गरेको छ ।

उप्रधानमन्त्री तथा रक्षामन्त्री इश्वर पोखरेल नेतृत्वको उच्चस्तरीय समन्वय संयन्त्रले काठमाडौंमा आइसीयू बेड थप्न अस्पताल समेत तोकेको छ ।

कोरोना भाइरस फैलिएमा त्यसको रोकथामका लागि यस्तो निर्णय गरिएको हो । कोरोना संक्रमण, रोकथाम तथा नियन्त्रणसम्बन्धी उच्चस्तरीय समन्वय समितिको बैठक सोमबार बसेको थियो ।

सरकारले टेकुस्थित शुक्रराज ट्रपिकल तथा सरुवा रोग अस्पताल, कीर्तिपुर आयुर्वेद अस्पताल, नेपाली सेनाको अस्पताल, सशस्त्र प्रहरी अस्पताल, वीर अस्पताल र पाटन अस्पतालमा २०\२० वटा आईसीयू वेड थप गर्ने भएको छ ।

प्रदेश तथा स्थानीय तहसँग समन्वय गरेर उपत्यका बाहिर १०० आईसीयू बेड तयारी निर्णय सरकारले गरेको छ ।

बैठकले उपत्यकामा १ हजारसम्म आइसोलेटेड बेड बनाउने निर्णय गरेको छ ।

जसअनुसार कीर्तिपुर आयुर्वेदिक अस्पतालमा २००, खरीपाटीस्थित नेपाल विद्युत प्राधिकरणको तालिम केन्द्रमा २२०, टेकु अस्पतालमा १००, पाटन अस्पतालमा ७० र नेपाल प्रहरी र सशस्त्र प्रहरीको अस्पतालमा १००\१०० आइसोलेटेड बेड तयार हुने भएको छ ।

भक्तपुरको तेलकोटस्थित खानेपानी कार्यालयमा ६० र इचंगुनाराणस्थित सुकुम्बासी आवासमा २८० वटा आइसोलेटेड बेड बनाउने निर्णय समेत गरेको छ ।

बैठकले कोरोनाको चेकजाँचमा खटिएका स्वास्थ्यकर्मीको भत्ता बढाउने निर्णय समेत गरेको छ । बैठकले २० हजार थान सेफ्टी किट, १० हजार डाइग्नोस्टिक किट र एक हजार थान थर्मल गन खरिदको निर्णय समेत गरेको हो ।

त्रिभुवन अन्तर्राष्ट्रिय विमानस्थल र आन्तरिक उडान हुने विमानस्थलमा प्रस्थान गर्ने यात्रुको स्क्यान गरिने भएको छ । भारतसँगको सीमा नाकामा कडाई गर्ने निर्णय समेत सरकारले गरेको छ ।

काठमाडौं । सरकारले कोरोना भाइरसको सम्भावित संक्रमणको जोखिमलाई ध्यानमा राख्दै तयारी तिब्र बनाएको छ ।

उक्त भाइरसका कारण मानिस संक्रमित भएमा तत्काल उपचारको व्यवस्था गर्न सरकारले २३५ आईसीयू बेड तयार पार्ने घोषणा समेत गरेको छ ।

कोरोना लागि हालेमा काठमाडौं उपत्यकामा तीन वटा अस्पतालमा उपचार हुने गरी छुट्याइएको छ ।

आजबाट नेपाल आउने सबै मानिसलाई अनिवार्य क्वारेन्टाइनमा बस्नुपर्ने नीति लागु गरेको सरकारले विदेशबाट नेपाल आउन समेत कडाई गरिसकेको छ ।

तर, सम्भावित जोखिमसँग लड्न तयारीको काम समेत उत्तिकै भइरहेको स्वास्थ्य मन्त्रालयको भनाई छ ।

चीनको बुहानबाट सुरु भएको कोरोना भाइरस अहिले १२० देशमा पुगेको छ । तर, चीनको छिमेकी मुलुक नेपालमा भने एक जनामा मात्र संक्रमण पुष्टी भएको थियो ।

उनी पनि निको भएर फर्किएका छन् । त्यसपछि नेपाल अहिले कोरोनामुक्त छ । स्वास्थ्य मन्त्री भानुभक्त ढकालले कोरोना रोकथाम बारे भएका प्रयासबारे आइतबार राष्ट्रियसभालाई जानकारी दिए ।

उनले कोरोनाको संक्रमण नै नेपाल प्रवेश नहोस भन्नेमा सरकार सचेत रहेको उल्लेख गरे । उनका अनुसार टेकुस्थित शुक्रराज ट्रपिकल तथा सरुवा रोग, पाटन अस्पताल र कीर्तिपुर अस्पतालमा कोरोनाको मात्र उपचार हुने गरी व्यवस्थापन मिलाइएको छ ।

वीर अस्पतालको नयाँ भवनलाई पनि कोरोनाको मात्र उपचार गर्ने अस्पतालका रुपमा विकास गरिने भएको छ । उनले नडराइकन सचेतना अपनाउन सर्वसाधारणमा आग्रह गरे ।

रोगको संक्रमण भइहालेमा सरकारले निशुल्क उपचार गर्ने समेत उनले जानकारी गराए ।

नेपालमा अहिलेसम्म ४ सय ६४ जनामा कोरोना परिक्षण भएको छ । सबैको रिपोर्ट नेगेटिभ आएकोछ ।

कोरोनाको सम्भावित जोखिमका आधारमा सरकारले उपत्यकाभित्र थप १२० र बाहिर ११५ आईसीयू वेड तयार गर्ने उनले बताए । अहिले काठमाडौं उपत्यका भित्र सबै अस्पतालमा गरी १७० वटा आईसीयू बेड रहेका छन् ।

काठमाडौं । आजबाट नेपाल आउने स्वदेशी तथा विदेशी सबैले क्वारेन्टाइनमा बस्नुपर्छ ।

अध्यागमन विभागले यसअघि नै यसको सूचना जारी गरिसकेको छ । १५ मार्चदेखि ३० अप्रिलसम्म नेपाल आउने स्वदेशी, विदेशी तथा गैरआवासीय नेपाली सबैले क्वारेन्टाइनमा बस्नु पर्ने भएको हो ।

कोरोना भाइरसको संक्रमण फैलिने जोखिम बढेपछि नेपाल भित्रने स्वदेशी तथा विदेशी नागरिकले सेल्फ क्वारेन्टाइनमा बस्नुपर्ने नियम लागु गरिएको हो ।

अब त्रिभुवन अन्तराष्ट्रिय बिमानस्थल झर्ना साथ क्वारेन्टाइनमा बस्नका लागि एक फारम भर्नुपर्छ । विभागका अनुसार नेपाली नागरिकलाई घरमा नै क्वारेन्टाइनमा बस्नु पर्ने भएको छ । विदेशी नागरिकले क्वारेन्टाइनमा बस्ने स्थानको व्यवस्था स्वयमले मिलाउनु पर्छ ।

क्वारेन्टानमा बसे वा नबसेको अनुगमन हुनेछ । नेपालमा तेस्रो मुलुकबाट आउने नागरिकको अनअराइभल भिसा बन्द गरिएको छ ।

उनीहरुले दूतावासमा गएर निरोगिताको प्रमाणपत्र देखाएमात्र नेपाल आउन पाँछन् । त्यसरी आएकालाई समेत क्वारेन्टाइनमा राख्न लागिएको हो ।

त्यसो त तेस्रो मुलुकका नागरिकले अब नेपाल आउन त्रिभुवन अन्तर्राष्ट्रिय विमानस्थलमात्र प्रयोग गर्न पाउँछन् ।

आफैंले आफैंलाई अन्य मानिसहरूको सम्पर्कबाट पर राखी संक्रमणबाट जोगिने प्रक्रिया सेल्फ क्वारेन्टाइन हो ।

यसलाई चिकित्सकीय उपचारमा जानु भन्दा पनि सचेतनाको एक प्रक्रिया मानिन्छ । रोग लागेको भेटिएमा मात्र अस्पतालमा जानुपर्छ । क्वारेन्टाइनमा बसको अवधीमा समेत स्वास्थ्य जाँच भने गराउनु पर्छ ।