Category: विश्व

काठमाडौं । पराष्ट्रमन्त्री डा. नारायण खड्का बन्ने भएका छन् । उनी कांग्रेस नेता हुन् । उनलाई बुधबार नै मन्त्रीका रुपमा नियुक्र गरि सपथ ग्रहण गराउने कार्यक्रम रहेको छ । सत्तारुढ दलको मंगलबार बसेको बैठकले यस्तो निर्णय गरेको हो । शपथ ग्रहण गरेर कार्यभार सम्हालेलगत्तै डा. नारायण खड्का न्यूयोर्क जाने भएका छन् । संयुक्त राष्ट्रसंघको ७६ औं महासभा न्यूयोर्कमा जारी छ ।

खड्का नेतृत्वको नेपाली प्रतिनिधिमण्डल न्यूयोर्क प्रस्थान गर्ने तयारी रहेको छ । उनले महासभालाई नेपालको तर्फबाट सम्बोधन गर्ने छन् । परराष्ट्र मन्त्री नै नभएका कारण नेपालको अन्तर्राष्ट्रिय छवि बिग्रिएको भन्दै गठबन्धन भित्रै आलोचना भएको थियो । प्रधानमन्त्री शेरबहादुर देउवाले सरकार सम्हालेको डेढ महिनासम्म पनि मन्त्रिपरिषद् बिस्तार हुन सकेको छैन ।

न्यूयोर्क । तालिबानले अमेरिकाको न्यूयोर्कमा जारी राष्ट्रसङ्घीय महासभामा बोल्न पाउनु पर्ने माग गरेको छ । महासभामार्फत विश्वभरका नेतालाई सम्बोधन गर्न सकिन्छ । तालिबानका विदेशमन्त्री आमिर खान मुताकीले सोमवार त्यस्तो अनुरोध सहितको पत्र संयुक्त राष्ट्रसङ्घमा पठाएको बीबीसीले लेखेको छ । अब संयुक्त राष्ट्र संघको एक समितिले त्यसबारे टुङ्गो लगाउनेछ। तालिबानले दोहामा रहेका आफ्ना प्रवक्ता सुहेल शाहीनलाई राष्ट्रसङ्घका लागि आफ्ना राजदूत नियुक्त समेत गरेको समाचारमा उल्लेख छ ।

गतमहिना अफगानिस्तानलाई नियन्त्रणमा लिएको उक्त समूहले पछिल्लो सरकारका पालामा राष्ट्रसङ्घ पठाइएका राजदूतले यतिखेर आफ्नो सरकारको प्रतिनिधित्व नगर्ने जनाएको छ। उच्चस्तरीय त्यस्तो राष्ट्रसङ्घीय बहसमा सहभागी हुन गरिएको अनुरोधलाई उक्त निकायको क्रेडिन्सियल कमिटीले विचार गरिरहेको बताइएको छ। जसमा अमेरिका, चीन र रुस सहितका नौ देशहरू छन्।

तर उनीहरू आउँदो सोमवार महासभा अन्त्य हुनुअघि जुट्ने सम्भावना नरहेको बीबीसीले लेखेको छ । यतिखेर राष्ट्रसङ्घका लागि अफ्गान राजदूतमा गुलाम इसाकजाई कार्यरत छन् । राष्ट्रसङ्घको नियम अनुसार त्यसबेलासम्म उक्त विश्व निकायका लागि अफगान राजदूतमा गुलाम इसाकजाई नै कायम रहनेछन्। महासभाको अन्तिम दिन अर्थात २७ सेप्टेम्बरमा उनले मन्तव्य दिने ठानिएको छ।

वासिंटन डिसी । अमेरिकी राष्ट्रपति जो बाइडेनले अमेरिकी सेना अफगानिस्तानमा बसिरहनुको कुनै औचित्य नरहेको भन्दै सेना फिर्तीको बचाउ गरेका छन् । अफगानिस्तानबाट मंगलबार पुरै सेना अमेरिका फर्किएपछि देशबासीलाई सम्बोधन गर्दै उनले यस्तो बताएका हुन् । उनले सम्बोधनका क्रममा तालिबान शासनमा रहन नचाहने र अफगानिस्तानबाट बाहिर निस्कन चाहने एक लाख २० हजारभन्दा बढीको हवाई उद्धार गरिएको समेत जानकारी गराए । यसका लागि उनले सेनालाई धन्यवाद दिएका छन् । सन् २००१ मा अमेरिकी सेना अफगानिस्तान छिरेको हो ।

तर, सेना बर्हिगमन हुँदा यहाँको सत्ता पुनः तालिवानको हातमा पुगेको छ । अमेरिकामा भएको आतङ्कवादी हमलाको जिम्मा लिएको अलकायदाको आधार उक्त देश रहेको भन्दै त्यसबेला अमेरिकाले हमला गरेको हो । राष्ट्रपति बाइडेनले अमेरिकी, अन्य साझेदार देशका नागरिक र अमेरिकीका लागि काम गरेका तर अफगानिस्तान छाड्न चाहने अफगानीको उद्धार गर्न विमानस्थलमा नियन्त्रणको प्रयोजनमा ६ हजार सैनिक पठाएका थिए। यो कदमलाई उनले युद्ध अन्त्यको घोषणा समेत गरेका छन् ।

दोहा । अफगानिस्तानस्थित अमेरिकी दूतावास कतारमा सारिएको छ । अफगानिस्तानबाट अमेरिकी सेना फिर्ता भएसँगै दूतावास समेत सारिएको हो । २० वर्षको युद्धपछि अमेरिी सैनिक मंगलबाट पूर्ण रुपमा अमेरिका छाड्दै स्वदेश फर्किएका छन् । यसको खुसियालीमा तालिवानले उत्सव समेत बनाएको छ । अमेरिकी विदेशमन्त्री एँटोनी ब्लिंकेनले अमेरिकाले अफगानिस्तानमा एक नयाँ कूटनीतिक मिशन शुरू गरेको बताएका छन् ।

उनका अनुसार अमेरिका काबुलस्थित दूतावास बन्द गरेको छ । अब यो दूतावास कतारको राजधानी दोहामा स्थानान्तरण भएको छ । उनले यूएस मिलिट्रीको अन्तिम उडान पुरा भएको भन्दै अफगानिस्तानसँगको सम्बन्ध नयाँ शिराबाट अगाडी बढ्ने बताए । उनले यसलाई नया अध्याय शुरूभएको समेत जनाएका छन् । सैन्य अभियान पुरा भएसँगै अमेरिकाले डिप्लोमेटिक मिशन शुरू गरेको समेत उनले बताएका छन् ।

काबुल । काबुल विमानस्थललाई लक्षित गरि हानिएका रकेटलाई आफ्नो क्षेप्यास्त्र प्रतिरोधक प्रणालीले विफल पारिदिएको अमेरिकाले दावि गरेको छ ।
अफगानिस्तान छोड्न लागेको अमेरिकी सेनाले अहिले काबुल विमानस्थलमा सुरक्षा घेरा बनाइराखेको छ । अफगानिस्तान नियन्त्रणमा लिएको तालिबानले विदेशी सेनालाई देश छोड्न निर्धारण गरेको समयसीमा सकिन लागेको छ । ३१ अगष्टसम्म सेनाले विमानस्थल छाड्नु पर्छ । अमेरिकाका अनुसार सोमवार बिहान कम्तीमा पाँचवटा रकेटलाई खसालिएको छ ।

बीबीसीले लेखे अनुसार यो घटनामा अमेरिकी सेनापट्टि कोही हताहत भएको सङ्केत आएको छैन । केही स्थानीयवासीले छर्रा आफ्नो घरमा खसेको बताएका छन्। स्थानीय सञ्चारमाध्यमले प्रकाशित गरेका भिडिओ र तस्बिरमा काबुलका छतबाट धुवाँ निस्किएको र एउटा जलेको गाडी सडकमा देखिएको समेत समाचारमा उल्लेख छ । अफगान सञ्चारमाध्यमका अनुसार एउटा सवारीसाधनको पछाडिपट्टिबाट रकेट आक्रमण गरिएको थियो।

लुइजियाना । अमेरिकाको लुइजियानामा अहिलेसम्मकै शक्तिशाली समुद्री आँधीले जनजीवन प्रभावित बनाएको छ । आँधीले तटीय क्षेत्रमा डुबान बढाएको छ भने सात लाख मानिस विद्युत सेवाबाट बञ्चित भएको बीबीसीले लेखेको छ । मौसमविद्हरूका अनुसार आइडा नामक आँधी केही कमजोर भएर क्याटगरी थ्रीको आँधीमा रूपान्तरण भएको छ । दुई सय किलोमिटर प्रतिघण्टा वेगको आँधी निम्त्याइरहेको र बिस्तारै उत्तरतर्फ बढिरहेकाले यसको विनाशकारी क्षमता अझ बढी हुनसक्ने चेतावनी मौसम विद्को छ ।

दशौँ हजार व्यक्तिहरूलाई तटीय क्षेत्रबाट उद्धार गरिएको छ । त्यहीँ बसिरहेका व्यक्तिहरूलाई कैयौँ दिनसम्म मद्दत गर्न नसकिने सम्भावनातर्फ अधिकारीहरूले सचेत समेत गराएका छन्। बीबीसीले लुइजियानाका गभर्नर जोन बेल एडवर्ड्सलाई उदृत गर्दै लेखे अनुसार महामारीका कारण थप क्षमता नभएकाले धेरै बिरामीहरूलाई अस्पतालहरूमा उद्धार गरिएको छैन । हजारौँ मानिसहरू सुरक्षित स्थानतर्फ भागेका छन् ।

मानिसहरुलाई आँधी नरोकिएसम्म भित्रै बस्न भनिएको छ। कट्रिना आँधीले सन् २००५ मा १८ सय जनाको ज्यान लिएपछि त्यहाँ विपद्सँग जुझ्ने क्षमतालाई मजबुत बनाइएको थियो। राष्ट्रपति बाइडेनले आइडाले जीवन जोखिममा पार्ने भन्दै यसको क्षति तटीय क्षेत्रभन्दा भित्रसम्म हुने उल्लेख गरेका छन्।

काबुल । अफगानिस्तानमा आत्मघाती आक्रमणको योजना असफल पारेको अमेरिकी सेनाले दावि गेको छ । काबुल एयरपोर्ट बाहिर आईएसआईएस केले गत विहीबार गरेको ठूलो हमलापछि अर्को हमलाको तयारीमा उक्त आतंकवादी संगठन थियो । यसबारे अमेरिकी राष्ट्रपति जो बाइडेनले आक्रमणको चेतावनी आएको जानकारी गराएका थिए । अमेरिकी सेनाले आत्मघाती विष्फोटक पदार्थ बोकेको गाडीलाई लक्षित गरि ड्रोन हमला गरेको र गाडीलाई ध्वस्त पारेको बताइएको छ ।

यसबाट काबुलमा अर्को एक ठूलो दुर्घटना टरेको अमेरिकी सेनाको दावि छ । आइतबार सेनाले सुसाइड बम्बरले भरिएको एक गाडीमा ड्रोन हमला गरेको उल्लेख छ । गाडीमा सुसाइड बम बोकेका मानिस सवार थिए । उनीहरु विमानस्थलमा गत बिहीबार जस्तै आक्रमणको लक्ष्यसहित आएका थिए । यूएस सेन्ट्रल कमान्डका प्रवक्ता बिल अर्बनले अमेरिकी सेनाले काबुल मा एक गाडीमा मानव रहित एयर स्ट्राइक गरिएको जनाएक हुन् ।

यसबाट काबुलस्थित हामिद कारजाई अन्तर्राष्ट्रीय विमानस्थलमा आईएसआईएसको विष्फोट गराउने खतरा टरेको समेत उनले जनाएका छन् । उनले सेनाको टारगेट सफल रहेको समेत बताए । उनका अनुसार यो कारवाहीका दौरन कुनै पनि नागरिक हताहती भएको खबर भने छैन । तर, केही संचारमाध्यमले भने यो आक्रमणका क्रममा ६ जनाको मृत्यु भएको खबर सार्वजनिक गरेका छन् । मिसाइल हिट हुने क्रममा गाडीमा ठूलो विष्फोट भएको थियो ।

काबुल । अमेरिकी सेनाले अफगानिस्तानस्थित इस्लामीक स्टेट समूहविरुद्ध गरेको हवाई आक्रमणबाट काबुल विष्फोटका योजनाकार मारेको दावि गरेको छ । अमेरिकी अधिकारीले काबुल विमानस्थलमा १७० जनाको ज्यान लिने गरी गरिएको हमलाको योजनाकारलाई निशाना बनाइएको जनाएका छन्। बीबीसीका अनुसार अमेरिकाले नाङ्घहार प्रान्तमा गरिएको सो हमलामा एउटा ड्रोनको प्रयोग गरेको थियो । त्यसले इस्लामीक स्टेटका सदस्यलाई मारेको समाचारमा उल्लेख छ।

काबुलमा रहेका अमेरिकी अधिकारीहरूले थप आक्रमणहरूलाई ध्यान दिँदै विमानस्थलको प्रमुख क्षेत्रहरूभन्दा परै बस्न नयाँ चेतावनी जारी गरेका छन्। वरिष्ठ तालिबान अधिकारीहरूले उनीहरूले काबुल विमानस्थलको मुख्य भाग नियन्त्रणमा लिएको र अमेरिकीहरू जाने बित्तिकै सम्पूर्ण विमानस्थल कब्जामा लिने बताएका छन्।

अमेरिकाले अन्तिम समयसम्म अफगानहरूको उद्धार जारी राख्ने र विमानस्थल अझै पनि आफ्ना फौजको नियन्त्रणमा रहेको बताइरहेको छ।अमेरिकाले प्रारम्भिक सङ्केतहरूले इस्लामीक स्टेटका सदस्य मारिएको र कुनै पनि गैरसैनिक हताहत नभएको उल्लेख गरेको छ ।

काबुल । अफगानिस्तानको राजधानी काबुलस्थित विमानस्थलको गेटमा बिहीबार भएका विष्फोटमा मर्नेको संख्या १७० पुगेको छ । अन्तर्राष्ट्रिय संचारमाध्यमहरुका अनुसार यो घटनामा कम्तिमा १३ अमेरिकी सैनिक मारिएका छन् । आक्रमण आइएसआइएस-के नामक संगठनले जिम्मा लिएको छ । अमेरिकाले यो घटनाको बदला लिने बताएको थियो । अमेरिकी राष्ट्रपति जो बायडेनले यस्तो बताएका थिए ।

समाचार सुत्रहरुका अनुसार सोही अनुसार अमेरिकी सेनाले अफगानिस्तानमा आइएसको अखडा रहेको क्षेत्रमा ड्रोन आक्रमण शुरु गरेको छ । अमेरिकी सेनाले नांगाहार प्रान्तमा ड्रोन हमला गरेको हो । यस आक्रमणका दौरान आइएसका केही लडाकु मारिएको समेत अमेरिकाको दावि छ । काबुल विमानस्थल अमेरिकी सेनाको कब्जामा छ । सोहीकारण आइएसले ठूलो आक्रमण गरि अमेरिकालाई चूनौति दिएको हो ।

काठमाडौं । अफगानिस्तानको राजधानी काबुलस्थित हमिद करजाई अन्तर्राष्ट्रिय विमानस्थलनजिकै बिहीवार भएका दुई शक्तिशाली बम विस्फोटका कारण मर्नेको संख्या ९० भन्दा माथि पुगेको छ । १५० भन्दा बढी मानिस घाइते भएका कारण मृत्यु हुनेको संख्या अझै बढ्न सक्ने बताइएको छ । घटनामा १३ जना अमेरिकी सैनिक र ३० भन्दा बढी तालिवान लडाकुको ज्यान गएको अन्तर्राष्ट्रिय संचारमाध्यमले जनाएका छन् ।

अफगानिस्तानलाई तालिबानले नियन्त्रणमा लिएसँगै भएको यो सबैभन्दा ठूलो आत्मघाती हमला हो । अफगानिस्तानबाट बाहिरिन अफगान र विदेशी नागरिकहरू विमानस्थलमा जम्मा भएको समयमा भएको यो विष्फोटका कारण बढी मानवीय क्षति भएको हो । यसअघि पश्चिमा मुलुकका सरकारले काबुलमा आक्रमण हुनसक्ने चेतावनी जारी गरेका थिए । त्यसको केही घण्टा भित्रै आक्रमण भएको हो ।

पहिलो विस्फोटन स्थानीय समयानुसार बेलुकी ६ बजे ब्यारन होटलनजिकै र विमानस्थलको घेराबाहिर भएको थियो। बीबीसीका अनुसार होटलमा ब्रिटिश अधिकारी बसेका थिए । उनीहरुले बेलायत जान चाहने अफगान नागरिकहरूको कागजपत्र हेर्न यो होटेल प्रयोग गरेका थिए । अमेरिकी अधिकारीका अनुसार कम्तीमा एक आक्रमणकारीले विस्फोटक पदार्थ भिरेका थिए। उनले आफैलाई उडाए । आबी गेटमा अहिले अमेरिकी र ब्रिटिश सेनाको पहरा छ । आक्रमणको जिम्मा आईएसआईएस के समूहले लिएको छ।

काबुल । तालिबानले अफगानी नागरिकलाई अब काबुल विमानस्थल जान रोक लगाउने भएको छ । अमेरिकाको उक्साहटमा ठूलो संख्यामा अफगानी नागरिकले देश छाडेको भन्दै तालिबानले उनीहरुको सुरक्षाको ग्यारेन्टी समेत गरिने बताएको छ । तालिबानका प्रवक्ता जबिहुल्लाह मुजाहिदले अफगान नागरिकहरूलाई अब काबुल विमानस्थल प्रवेश गर्न नदिइने बताएको बीबीसीले लेखेको छ ।

मङ्गलवार एक पत्रकार सम्मेलनमा उनले विमानस्थलमा रहेका अफगानी नागरिक घर फर्किनुपर्ने र उनीहरूको सुरक्षा सुनिश्चित गरिने बताएका हुन् । उनले अमेरिकाले मानिसहरूलाई विमानस्थलमा बोलाउँदै विमान चढाइरहेको समेत आरोप लगाएका छन् ।

अमेरिकी साझेदारहरूले अफगानिस्तानबाट अमेरिकी सेना फर्किने समयसीमा अगस्ट ३१ अगावै तालिबानको पुनरागमन हुँदा त्रसित भएर भागेका सबै अफगान नागरिकको उद्धार गर्न नसकिने बताइसकेको छ । काबुलको विमानस्थ्ल अमेरिकी सेनाको नियन्त्रणमा छ । काबुल विमानस्थलबाट अहिलेसम्म ५८ हजार हाराहारी मानिस विदेश उडेको बताइएको छ ।

काबुल । संयुक्त राज्य अमेरिकाले अफगानिस्तानबाट मानिसहरूको उद्धार गर्न अब गैरसैनिक वायुसेवाका विमान समेत प्रयोग गर्न सक्ने गरि अनुमति दिएको छ । अमेरिकी रक्षा मन्त्रालय पेन्टागनले १८ वटा विमानले अफगानिस्तान बाहिरका सुरक्षित स्थानबाट मानिसहरूलाई तेस्रो देशमा पुर्‍याउने उल्लेख गरेको बीबीसीले लेखेको छ । अगस्ट १५ मा तालिबानले सत्ता कब्जा गरेपछि हजारौँ अफगानहरू देशबाट भागेर सुरक्षित ठाउँमा जान काबुल विमानस्थलमा जम्मा भएका छन्।

आइतबार राष्ट्रपति बाइडनले अमेरिकाले अघिल्लो हप्ता झन्डै २८ हजार जनाको उद्धार गरिएको जानकारी गराएका थिए । काबुल विमानस्थल बाहिर हजारौँ लामबद्ध भइरहँदा कम्तीमा २० जना मानिस मारिएको समेत रोएटर्सले लेखेको छ । अघिल्लो हप्ता अमेरिकाले २८ हजार जनाको उद्धार गरेको बताइएको छ । बेलायती सशस्त्र बल सम्बन्धी मन्त्री जेम्स हिपीले तालिबानहरूले हामिद कारजाई अन्तर्राष्ट्रिय विमानस्थलमा मानिसहरूलाई व्यवस्थित गरिदिइरहेको र त्यसले देश छाड्ने अपेक्षा गरिरहेकालाई सहज भइरहेको बताएका छन् ।

बेलायतले अगस्ट १३ यता ५ हजार ७ सय २५ जनाको उद्धार गरिसकेको छ । काबुलमा बेलायतका १ हजारभन्दा बढी सुरक्षाकर्मी खटिएका छन् । आइतबार अमेरिकाको रक्षा मन्त्रालयले सीआरएएफ भनिने सिभिल रिजर्भ एअरफ्लिट नियमलाई उद्धारका निम्ति क्रियाशील गराउने घोषणा गरेको हो । यसले सङ्कटको समयमा अमेरिकालाई गैरसैनिक विमानहरू उद्धारमा खटाउन सघाउँछ।

सन् २००३ मा इराकमा आक्रमण गर्दा र सन् १९९० देखि १९९१ सम्मको खाडी युद्धमा पनि गैरसैनिक विमान खटाइएका थिए। अहिले खटाइने १८ वटा विमानमध्ये चारवटा युनाइटेड एअरलाईन्सका छन्। अमेरिकी एअरलाईन्स, एट्लस एअरलाइन्स, डेल्टा एअरलाईन्स र ‌ओम्नी एअरका तीन, तीनवटा र दुईवटा हवाइयन एअरलाईन्सका जहाज छन् ।

लण्डन । अफगानिस्तानबाट अमेरिकी सैन्य जहाज चढेकी एक महिलाले जहाजमै सन्तान पैदा गरेकी छिने । बीबीसीका अनुसार उनी अफगान नागरिक हुन् । उद्धारका लागि परिचालन गरिएको अमेरिकी उडानका क्रममा उनले जर्मनीमा बच्चा जन्माएकी हुन् । आइतवार सामाजिक सञ्जाल ट्विटरमा यूएस एअर मोबीलीटी कमान्डले ती महिला आफ्नो परिवारसँग मध्यपूर्वबाट यात्रा गरिरहेका बेला प्रसव पीडा सुरु भएको उल्लेख गरेको छ ।

उनको अवस्था जटिल हुँदै गएपछि विमानका कमान्डरले विमानमा हावाको चाप बढाउन उडानको उचाइ कम गर्ने निर्णय गरेका थिए । यसले उनलाई स्थिर बनाउन र आमाको ज्यान बचाउन मद्दत गरेको थियो । जर्मनीको विमान अवतरण हुने बित्तिकै अमेरिकी सैन्य चिकित्सकहरूको टोली आइपुग्यो र बच्चा जन्माउन सहयोग गरेको समाचारमा उल्लेख छ । बच्चा र आमा दुवैको अवस्था राम्रो रहेको बताइएको छ । उनीहरुलाई नजिकैको अस्पतालमा लगिएको छ ।