काठमाडौं । कोरोना भाइरसबाट संक्रमित व्यक्तिको संख्या संसारभर करीव ४१ लाख पुगेको छ । यस रोगको संक्रमणबाट ज्यान गुमाउने व्यत्तिको संख्या पनि करीव ३ लाख पुगेको छ ।
तथ्यांक अनुसार आइतबार बिहानसम्म विश्वभर ४० लाख ९८ हजार ९२ जनामा संक्रमण भेटिएको छ । २ लाख ८० हजार २ सय २३ जनाको ज्यान गएको छ।
यस रोगलाई पराजित गर्ने बिरामीका संख्या १४ लाख ३५ हजार ३ सय ११ रहेको छ । अझै ४७ हजार ६ सय ९० जना बिरामी भने गम्भीर अवस्थाबाट गुज्रिरहेका छन् ।
पछिल्लो तथ्यांक अनुसार कोरोनाबाट सबैभन्दा बढी प्रभावित अमेरिकामा कोराना भाइरसबाट ज्यान गुमाउनेको संख्या ८० हजार नाघेको छ।
यहाँ ८० हजार ३० जनाको ज्यान गएको हो । २४ घण्टामा एक हजार चार सय २१ जनाको ज्यान गएको छ ।
अमेरिकी सञ्चारमाध्यहरुका अनुसार अमेरिकामा १२ लाख ४७ हजार १ सय २५जनामा संक्रमण देखिएको छ। त्यहाँ २ लाख ३७ हजार भन्दा बढी निको भएका छन्।
त्यस्तै बेलायतमा ३१ हजार ५ सय ८७ जनाको ज्यान गएको छ। बेलायतमा २ लाख १५ हजार २ सय ६० जनामा संक्रमण भेटिएको छ।
बेलायत पछि इटालीमा धेरै ३० हजार ३ सय ९५ जनाको मृत्यु भएको छ। इटालीमा २ लाख १८ हजार २ सय ६८ जनामा संक्रमण भेटिएको छ।
स्पेनमा २ लाख ६२ हजार ७ सय ८३ जनामा संक्रमण भेटिएको छ। त्यहाँ २६ हजार ४ सय ७८ जनाको ज्यान गएको छ।
चीनमा ८२ हजार ८ सय ८७ जनामा संक्रमण छ। त्यस्तै त्यहाँ ७८ हजार ४६ निको भइसकेका छन्।
भारतमा संक्रमितको संख्या ६२ हजार ८ सय ८ छ। त्यहाँ २ हजार १ सय १ जनाको ज्यान गएको छ। नेपालमा ११० जनामा संक्रमण पुष्टी भएको छ । ३२ जना निको भएका छन । यहाँ मानवीय क्षति छैन ।