काठमाडौं । कुनै समय सबैभन्दा बढी सुरक्षित कर्णाली प्रदेश अब नेपालमा कोरोनाको हटस्पट बनेको छ । सोमबार मात्र यस प्रदेशमा जुम्लाका दुई जना प्रहरी सहित ४३ जनामा कोरोना भाइरसको संक्रमण संक्रमण पुष्टि भएको छ । कर्णाली स्वास्थ्य विज्ञान प्रतिष्ठान जुम्लाले दिएको जानकारी अनुसार जुम्लाका १९ र दैलेखका २४ जनामा संक्रमण पुष्टी भएको हो ।
जुम्लामा दुई जना प्रहरीमा कोरोना देखिएको छ । जुम्लाको हिमा गाउँपालिका वडा नं. १, ५, ६ र ७ वडाका ८ जना र सिंजा गाउँपालिका वडा ३, ४, ५, र ६ का ९ जना पुरुषमा कोरोना देखिएको छ । दैलेखका २४ जना नयाँ संक्रमितमध्ये नारायण नगरपालिका वडा नं. २, ४, ५ र ९ का १७ पुरुष छन् । दुल्लु नगरपालिका वडा नं. ८ र १२ का ७ जनामा संक्रमित पुष्टि भएको छ । । अब दैलेखमा संक्रमितको संख्या ७२ पुगेको छ ।
कर्णाली प्रदेशभर १ सय ६६ जनामा संक्रमण देखिएको छ । सोमबार नै दाङ र पूर्वीनवलपरासीमा ५ जनालाई कोरोना देखिएको थियो । नेपालमा कोरोना संक्रमित बिरामीको संख्या १५ सय नाघेको छ । ८ जनाको ज्यान गएको छ ।