पोखरा । नेपालमा मंगलबार बिहानै १० कोरोना संक्रमित थप भएका छन् । गण्डकी प्रदेशमा थप १० जनामा कोरोना पुष्टी भएको हो । स्याङ्जामा पाँच र पर्वतमा पाँच गरी १० जनाका कोरोना देखिएको गण्डकी प्रदेश स्वास्थ्य निर्देशनालयले उल्लेख गरेको छ ।
गण्डकी प्रदेश स्वास्थ्य निर्देशनालयले मंगलबार विहान सार्वजनिक गरेको तथ्यांकअनुसार स्याङ्जाको चापाकोट नगरपालिका ठेगाना भई सोहि नगरपालिकास्थित क्वारेन्टाइनमा रहेका ४ जना पुरुष र सोहि जिल्ला बिरुवा गाउँपालिका ठेगाना भई सोहि पालिका स्थित क्वारेन्टाइनमा रहेका १ जना पुरुषमा संक्रमणको पुष्टि भएको हो।
पर्वतको फलेबास नगरपालिका ठेगाना भई कुश्मा नगरपालिका स्थित क्वारेन्टाइनमा रहेका दुई जना पुरुष र सोहि जिल्ला महाशिला गाउँपालिका ठेगाना भई कुश्मा नगरपालिका स्थित क्वारेन्टाइनमा रहेका ३ जना पुरुषमा संक्रमण पुष्टी भएको छ । पर्वतमा पहिलो पटक संक्रमण पुष्टी भएको छ । उनीहरुलाई अहिले सम्बन्धित जिल्ला अस्पतालको आईसोलेसनमा लैजाने तयारी भैरहेको निर्देशनालयले जनाइको छ।
अब गण्डकी प्रदेशमा कोरोना संक्रमितको संख्या ३७ पुगेको छ। नेपालभर भने १८२१ जनामा संक्रमण पुष्टी भएको छ । त्यमध्ये २ सय ५० हाराहारीले कोरोनालाई जितेका छन् । ८ जनाको निधन भएको छ ।