पोखरा । नेपालमा कोरोना रोगको संक्रमणबाट थप एक जनाको मृत्यु भएको छ । स्याङजा वालिङ नगरपालिकाका ६० वर्षीय कोरोना संक्रमित पुरुषको उपचारका क्रममा मृत्यु भएको हो । उनको पोखरास्थित पश्चिमाञ्चल क्षेत्रीय अस्पतालमा उपचारका क्रममा ज्यान गएको हो । उनको निधनबारे स्वास्थ्य निर्देशनालय गण्डकीले पुष्टि गरेको छ । उनमा आइतबार मात्र कोरोना पुष्टि भएको थियो । उनी जेठ २३ मा अस्पतालमा भर्ना भएका थिए ।
आइसोलेसनमा राखेर उपचार गरिएकोमा आइतबार निधन भएको अस्पतालले जनाएको छ । उनी भारतको सुनौल नाकाबाट जेठ २२ मा स्याङ्जा आएको प्रहरीले बताएको छ ।
नाकामा लामो समय बसेपछि घर फकाइएको मध्ये उनी पनि एक थिए । ती पुरुष भारतबाट आउँदा नै बिरामी रहेका अस्पतालको भनाई छ । यो सँगै नेपालमा कोरोनाबाट मृत्यु हुनेको संख्या १४ औं पुगेको छ । यसलाई स्वास्थ्य मन्त्रालयबाट घोषणा हुन भने बाँकि छ ।