पर्वतमा भीषण पहिरो, ५ को मृत्यु, ४ बेपत्ता

पर्वत । पर्वतमा गतरातीको भीषण पहिरोमा परी अहिलेसम्म ५ जनाको मृत्यु भएको छ । ४ जना अझै बेपत्ता रहेको प्रहरीले जनाएको छ । पर्वतको कुश्मा नगरपालिका–३ मा गएराति गएको पहिरोमा परेर मृत्यु हुनेको संख्या ५ पुगेको हो । आइतबार बिहान पहिरोबाट दुई जनाको शव निकालिएको छ ।

जिल्ला प्रहरी कार्यालय, पर्वतका अनुसार शनिबार राती नै तुलबहादुर थापा, मिनकुमारी थापा र विविशा थापाको शव भेटिएको थियो । घटनामा अझै चार जना बेपत्ता रहेको बताएको छ । अबिरल वर्षा पछि पहिरो गएको हो । अहिले पनि उद्घारको काम जारी रहेको छ ।