बुटवल । अर्घाखाँचीको शितगंगा नगरपालिकाको क्वारेन्टिनमा मृत अवस्थामा भेटिएका ४४ वर्षिय पुरुषमा समेत कोरोना संक्रमण पुष्टि भएको छ । आरडीटी रिपोर्ट पोजेटिभ आए आएपछि शिततगंगा–५ का देबबहादुर विक मंगलबार राति रुखमा झुण्डिएको अवस्थामा मृत भेटिएका थिए । विकको जेठ २४ गते आरडीटी परीक्षण प्रतिवेदन पोजेटिभ आएको थियो ।
त्यसपछि जेठ २५ गते पीसीआर परीक्षणका गर्न उनको स्वाबको नमूना संकलन गरी प्रादेशिक प्रयोगशाला भैरहवा पठाइएको थियो । ल्याबमा पठाएको ११ दिनपछि रिपोर्ट पोजेटिभ आएको छ । पीसीआर रिपोर्ट नआउन्जेल उनको शव कसैले पनि चलाएन ।
उनको शव बुधबारसम्म रुखमा झुण्डिएकै अवस्थामा रहेको प्रहरीले जनाएको छ । उनी भारतको पञ्जाबबाट आएर क्वारेन्टिनमा बसेका व्यक्ति हुन् । पीसीआर रिपोर्ट आएपछि बुधबार साँझ भने नेपाली सेनाले विकको शव वडा नम्बर ५ कै जंगलमा लगेर व्यवस्थापन गरेको छ ।