न्युयोर्क
स्वास्थ्य बीमा क्षेत्रमा लोकप्रिय ‘एम्बलम् हेल्थ प्लान’ न्युयोर्कका प्रतिनिधि हरिश चन्द्र हमालको अगुवाईमा क्वीन्सस्थित ७४ स्ट्रीट ज्याक्सन हाइट्समा स्वास्थ्य सामग्री बितरण कार्य सम्पन्न भएको छ । गत शनिवार अपरान्ह ४ बजेदेखि ६ बजेसम्म सुरक्षा मास्क, ग्वोभ्स, शपिङ् ब्याग लगायत स्वास्थ्य सचेतना सम्वन्धि जानकारी बितरण गरेको हो ।
समुदायको सेवामा व्यस्त प्रतिनिधि हमालले बताए; “म सधैं समुदायको नजिक रहेर काम गर्न चाहन्छु र यस्तै कार्यक्रम अर्को हप्ता शनिबार यसै स्थान र समयमा पुन: गर्नेछु” । न्युयोर्कको म्यानह्याटनमा केन्द्रिय कार्यालय रहेकोले एम्बलम हेल्थको स्वास्थ्य सुबिधा अमेरिकाभर भए तापनि न्युयोर्कमा काम गर्न अझ सजिलो भएको पनि हमालले बताए ।
नि:शुल्क वा न्युनतम् बीमा शुल्क रकम तिरेर स्वाथ्य बीमा सेवा लिन प्रतिनिधि हमाललाई जुनसुकै समयमा ९१७ ७१६ ९६९४ मा फोन गर्न सकिने एम्बलम् हेल्थका ब्यवस्थापकले जानकारी दिए ।