न्युयोर्क
न्युयोर्कका नेपालीहरु सम्बद्ध “नेपाली लायन्स नेटवर्क” ले संयूक्त भर्चुअल ज़ूम बैठक सम्पन्न गरेको छ । नेटवर्कलाई अझ बढ़ी परिस्कृत, सकृय र सेवामुखी बनाउनका निम्ति लायन्स क्लब क्वीन्स बुद्ध, लायन्स क्लब केटिएम र लायन्स क्लब नेप्लिज़का प्रतिनिधिहरुको बैठक बसेको हो।
बैठकमा लायन्सहरु क्रमश; कृष्ण आचार्य, बेगम पंडित, अर्जुन गौडेल, रिमाया नेपाली, संजय थापा, पुरूषोत्तम पंथी, अच्यूत सिंदेल, राजेन्द्र खड्का, रूद्र पुन, अशोक कार्की , रूपा शाह, र शिव केसीको सहभागिता रहयो । उक्त बैठकले नेटवर्कको नयाँ संयोजक लायन्स क्लब क्वीन्स बुद्धबाट कृष्ण आचार्य रहनेगरी लायन्स क्लब केटिएमबाट अशोक कार्कीलाई कार्यक्रम संयोजक र लायन्स क्लब नेप्लिज़बाट अच्यूत सिंग्देललाई सचिवको जिम्मेवारीमा सर्वसम्मत मनोनयन गरेको छ ।
‘बिद्यमान कोभिड-१९ संकटको अवस्था र अन्य मानवीय सेवा कार्यमा समेत नेपाली लायन्स क्लबहरूको एकिकृत र समन्वयात्मक सहकार्यलाई दीर्घकालसम्म निरन्तरता दिनुपर्ने खाँचो महसूस गरी उक्त संयूक्त संजालको पुनर्गठन गर्ने सर्वसम्मत निर्णय गरिएको’ संयोजक कृष्ण आचार्यले बताए ।
बिस्तारित नेपाली लायन्स संजालले रक्तदान र अमेरिकी जनगणना २०२० जागरण कार्यक्रम तत्काल आयोजना गर्ने निर्णय समेत गरेको जनाएको छ ।