एजेन्सी
ओहायो राज्यका गभर्नर माईक डिवाईन पनि कोरोना संक्रमित भएका छन् । गभर्नर डिवाईनले राष्ट्रपति डोनाल्ड ट्रम्पसँग भेट गर्नको लागि गर्नै पर्ने ‘प्रोटोकल टेस्ट’ गर्दा उनी कोभिड १९ पोजेटिभ देखिएका हुन । उनमा कोरोनाको कुनै पनि लक्षण नदेखिएको, गभर्नरको कार्यालयले बिज्ञप्तिमा जनाएको छ । उनी राष्ट्रपति ट्रम्पसँग क्लिभल्याण्डस्थित बर्क लेकफ्रण्ट बिमानस्थलमा बिहिबार स्वागत भेट गर्ने तयारीमा थिए ।
गभर्नर डिवाईनले पनि ट्विट गर्दै आफुमा कोरोना संक्रमण देखिएको र कुनै लक्षण नदेखिएको बताएका छँन् । उनले आफु १४ दिनसम्म घरमा नै क्वारेन्टिनमा बस्ने बताएका छन् ।
अमेरिकामा कोरोना संक्रमित हुने डिवाईन दोश्रो गभर्नर हुन् । यस अगाडि ओक्लोहामाका गभर्नर केभिन स्टिटमा पनि संक्रमण देखिएको थियो ।