काठमाडौं । नेपालमा विभिन्न जिल्लामा थप ८० जनामा कोरोना भाइरसको संक्रमण पुष्टी भएको छ । चितवन, पर्सा, बारा, कास्की र तनहुँमा थप ८० जना मानिसमा कोरोना देखिएको हो । बारा र पर्सामा मात्र ४७ जनामा कोरोना संक्रमण पुष्टि भएको छ । संक्रमित हुनेमध्ये १० महिला छन् । नारायणी अस्पतालको पीसीआर प्रयोगशालाको नतिजामा उनीहरुमा पोजेटिभ आएको हो ।
वीरगञ्जका २०, बाराका ३, नारायणी अस्पतालका कर्मचारी ४ र पर्साको पोखरिया नगरपालिकाका १२ जनामा कोरोना भेटिएको हो । उता, चितवनमा डाक्टर र नर्ससहित २७ जनामा कोरोना भाइरस संक्रमण पुष्टि भेटिएको छ ।
भरतपुर अस्पताल कोभिड–१९ परीक्षण प्रयोगशालामा भएको परीक्षणबाट चितवनका २७ जनामा कोरोना संक्रमण पुष्टि भएको हो । यहाँ सर्लाहीका एक जना बिरामीमा पनि संक्रमण भेटिएको छ । उता, गण्डकी प्रदेशका दुई जिल्लामा थप ६ जनामा कोरोना संक्रमण देखिएको छ ।
स्वास्थ्य निर्देशनालय पोखराका अनुसार कास्कीका ५ जना र तनहुँका १ जनामा कोरोना देखिएको छ । नेपालमा २६ हजारभन्दा बढीमा कोरोना पुष्टी भइसकेको छ ।