काठमाडौं । सरकारले १ भदौबाट व्यवसायिक उडान खोल्ने निर्णय गर्यो । तर, संमक्रण फैलिएको भन्दै उक्त निर्णय फिर्ता भयो । यसबाट प्लेच उडेपछि सहुलियतपूर्ण टिकटमा घर फर्कन पाउने आशमा बसेका लाखौं नेपाली पुनः निरास बने । त्यसपछि विदेशमा अलपत्र नेपालीको उद्धार गर्ने भन्दै पुनः १५ दिनका लागि उडान तालीका तोकियो ।
१ भदौबाट उडानका लागि जहाजहरु पनि तयार भए । तर, सोमबार साँझ एकाएक कोभिड १९ संकट व्यवस्थापन केन्द्रले नेपालमा व्यवस्थापन गर्न नसकिएको भन्दै देशबाहिर रहेका नेपालीलाई तत्काल नल्याउने निर्णय गर्यो । फलस्वरुप आज दुबई पुगेको नेपाल एरलाइन्सको जहाज रित्तै फर्कदैछ । तर, दुबईमा यात्रु विमानस्थलमा आएर बसिसकेका छन् ।
ती यात्रुले आक्रोस पोख्दै सरकारको कडा आलोचना समेत गरेका छन् । यता, सरकारले भने स्थानीय तहले निषेधाज्ञा जारी गरेको र काठमाडौंमा होटेल व्यवस्थापन हुन नसक्दा उद्धार निरन्तर गर्न नसकेको तर्क गरेको छ । बेलैमा क्वारेन्टिन नबनाई आनन्दसँग बसेको काठमाडौं महानगरपालिकाले समेत यसको व्यवस्थापन गर्न सकेको छैन ।
यसले लामो समयदेखि विदेशमा रोकिएका नेपाली नागरिकको विदेशको कष्टकर बसाई अझ लम्बिने भएको छ । किनकी आजसम्म भएका उद्धार उडानबाट हुने खाने र महंगो टिकट काट्न सक्ने मानिस मात्र थिए । अब सरकारले आफ्नो खर्चमा हरेक दिन २ सय मानिसलाई काठमाडौं ल्याउने बताएको थियो । थप ३ सय जना भने आफ्नै टिकटमा घर आउने थिए । सरकारले हरेक दिन ५ सय जनालाई मात्र नेपाल आउने अनुमति दिन बताएको थियो ।