रौतहट । रौतहटमा एक पूजारीको गोली प्रहार गरी हत्या भएको छ । जिल्लाको माधवनारायण नगरपालिकामा पुजारीको हत्या भएको हो । प्रहरीका अनुसार माधवनारायण २ खेसरहियामा गोली हानेर हनुमान मन्दिरका पुजारी श्रीराम साहको हत्या भएको हो ।
बुधबार साँझको नियमित पूजा सकेर राति खाना खान बसेका पुजारी साहलाई अज्ञात व्यक्तिले नजिकैबाट कन्चटमा गोली हानेको प्रहरीले जानकारी दिएको छ । पुजारीको घटनास्थलमै मृत्यु भएको थियो । घटना कसले र कुन उद्देश्यले घटायो भन्न बारे अनुसन्धान भइरहेको छ । प्रहरीले अहिलेसम्म कसैलाई पक्राउ भने गरिसकेको छैन ।