काठमाडौं । सरकारले काठमाडौं उपत्यकामा ६ देखि १० हजार हाराहारी आइसोलेसन बेड बनाउने भएको छ । कोरोना भाइरसको बढ्दो संक्रमणलाई मध्यनजर गर्दै काठमाडौंमा अधिकतम १० हजारसम्म आइसोलेसन बेड तयार गर्ने निर्णय मन्त्रिपरिषद्ले गरेको हो । यद्दपी निर्णय भने सार्वजनिक भएको छैन । बैठक बिहीबार बसेको थियो ।
सरकारले सरकारी, सामुदायिक र निजी अस्पताल र आवश्यक परे होटलमा समेत आइसोलेसन बेड बनाउने निर्णय गरेको हो । स्वास्थ्य जनशक्ति र स्वास्थ्य उपकरण समेत थप्ने निर्णय भएको बताइएको छ । अहिले स्वास्थ्य उपकरणको अभाव नभइसकेको निष्कर्ष निकाल्दै सरकारले संक्रमण बढ्दै जाँदा समस्या नहोस भनेर थप्न लागिएको बताइएको छ । अब जिल्लाहरुमा घोषणा भएका निषेधाज्ञा प्रभावकारी बनाउने र काठमाडौंमा एकीकृत क्वारेन्टिन बनाउने निर्णय समेत भएको छ ।