काठमाडौं । अमेरिकाको क्यालिफोर्नियाका पहाडी भेगमा डडेलोले उग्र रुप लिएको छ । यहाँ थुपै स्थानमा डडेलो फैलिएको र यसले धनजनको क्षति गरिरहेको बीबीसीले लेखेको छ । अहिलेसम्म डढेलोमा परी ६ जनाको मृत्यु भइसकेको छ । क्यालिफोर्नियाको पहाडी क्षेत्रदेखि सन फ्रान्सेस्कोको दक्षिण तथा पश्चिमसम्म दर्जनौँ स्थानमा डडेलो फैलिएको हो ।
आगलागीपछि चलेको तातो हावाले यस भेगको जनजीवन प्रभावित बनाएको छ । सयौं भवन जलेको र हजारौं मानिस विस्थापित भएका छन् । डढेलोले एक लाख ७५ हजारभन्दा बढी मानिस बिस्थापित भएकोे बिबिसीले उल्लेख गरेको छ । अग्नी नियन्त्रकको प्रयास असफल भइरहेको जनाइएको छ ।
डढेलो नियन्त्रणमा १० हजार भन्दा बढी अग्नि नियन्त्रक खटिएका छन् । यसअघि गत वर्ष अष्ट्रेलिया डडेलोको यस्तै चपेटामा परेको थियो ।