काठमाडौं । नेपाल आइडल सिजन थ्री सज्जा चौलागाईंको पाल्टामा परेकोछ । शुक्रबार राति सम्पन्न फाइनलमा मोरङकी सज्जाले दुई प्रतिस्पर्धीलाई उछिन्दै विजेता बन्न सफल भएकी हुन् । दर्शकको भोटका आधारमा सज्जा विजेता भएको आयोजकको भनाई छ ।
सज्जाले ५० लाख रूपैयाँ नगद पुरस्कार प्राप्त गरिन् । प्रतिस्पर्धी प्रवीण बेडवाल फर्स्ट रनर अप बने । उनले १० लाख रूपैयाँ नगद पुरस्कार प्राप्त गरेका छन् । सेकेन्ड रनर अप भएका किरण कुमार भुजेलले ५ लाख रूपैयाँ पुरस्कार पाए । सज्जा पहिलो महिला नेपाल आइडल समेत बन्न सफल भइन् ।