नयाँ दिल्ली । भारतले अक्टोवर १५ बाट सिनेमा हल, मनोरन्जन स्थल र शिक्षण संस्था खुला गर्ने भएको छ । यससँगै भारतमा जारी लकडाउन समेत समाप्त हुनेछ । किनकी अहिले पनि भारतमा सार्वजनिक यातायात र व्यापार व्यवसाय खुला भइसकेको छ । १५ तारिखदेखि स्कूल र कलेज समेत खुल्ने घोषणा केन्द्र सरकारले गरेको हो ।
यद्दपी आफ्नो राज्यमा बन्द गर्ने की खुला भन्ने निर्णय गर्ने अधिकार भने राज्य सरकारसँगै रहनेछ । कोरोना भाइरसको रोकथाम तथा नियन्त्रणका लागि भारतमा पनि लकडाउन छ । सोहीकारण बढी भिडभाड हुने क्षेत्रहरु अहिले पनि बन्द छन् ।
१० वर्षमुनिका बालबालिका कोरोना सङ्क्रमणको उच्च जोखिममा रहेकाले विद्यालय खोल्ने निर्णय विद्यालयलाई दिइएको छ । विद्यालयले समेत जोखिम देखेमा बन्द गर्न सक्नेछन् ।
केन्द्रले अनलाइन कक्षा र दूरी सिकाइ (डिस्ट्यान्स लर्निङ) लाई प्राथमिकता दिन आग्रह गरेको छ । सिनेमा, थिएटर र मल्टीप्लेक्समा ५० प्रतिशतभन्दा धेरै सीटमा मानिस राख्न नपाइने गरी खोल्न लागिएको छ ।