काठमाडौं । कोरोना भाइरसको संक्रमण पुष्टि भएका अमेरिकी राष्ट्रपति डोनाल्ड ट्रम्प सैनिक अस्पताल भर्ना भएका छन् । उनलाई सावधानी अपनाउँदै वाल्टर रिड नेशनल मिलिट्री मेडिकल सेन्टरमा भर्ना गरिएको ह्वाइट हाउसले उल्लेख गरेको छ । उनलाई विशेष हेलिकोप्टर मरिन–१ बाट मेडिकल सेन्टर पुर्याइएको थियो ।
राष्ट्रपति ट्रम्पले एक ट्वीटमार्फत आफूलाई र आफ्नी पत्नी मेलानियालाई कोरोना संक्रमण पुष्टि भएको जानकारी गराएका थिए । अस्पताल प्रस्थान गर्नुअघि ट्रम्पले आफूहरुको स्वास्थ्य लाभको कामना गर्ने सुशचिन्तकलाई समेत धन्यवाद दिएका छन् ।
कोरोना भाइरसलाई निकै हल्का टिप्पणी गर्ने राष्ट्रपति ट्रम्प अन्ततः आफै संक्रमणको शिकार भएपछि उनीबारे सहानुभूति भन्दा बढी खुसी हुनेहरु देखिएका छन् ।
उद्दपी संसारभरका राष्ट्रप्रमुख तथा सरकार प्रमुखहरुले भने उनको स्वास्थ्य लाभको कामना गरेका छन् । नेपालका प्रधानमन्त्री केपी शर्मा ओलीले उनको स्वास्थ्य लाभको कामना गर्दै सन्देश पठाएका छन् ।