काठमाडौं । पूर्वस्वास्थ्यमन्त्री तथा नेपाली कांग्रेसका नेता गगनकुमार थापालाई कोरोना भाइरस (कोभिड(१९) को संक्रमण भएको छ । उनी स्वयमले यसको पुष्टी गरेका छन् । कांग्रेसले असोज १९ मा केन्द्रीय कार्यसमिति बैठक बोलाएको थियो । त्यसका लागि गरिएको नेताहरुको पीसीआर टेष्टमा थापालाई कोरोना देखिएको हो ।
यसबाहेक नेता अर्जुननरसिंह केसी र अन्य केही नेतामा समेत कोरोना देखिएको छ । थापा र केसी ससुरा ज्वाईको नाता पर्छन् । आफूलाई कोरोना संक्रमण भएको तर स्वास्थ्य अवस्था सामान्य रहेको थापाले जानकारी दिएका छन् । आफू होम आइसोलेसनमा रहेको भन्दै उनले आफ्नो सम्पर्कमा आएका सबैलाई सजगता अपनाउन र कुनै समस्या आए स्वास्थ्यकर्मीसँग परामर्श लिन आग्रह गरेका छन् ।