बार्सिलोना । साविक विजेता बार्सिलोना स्पेनिस ला लिग फुटबलमा बराबरीमा रोकिएको छ । जारी सिजनको तेस्रो खेलमा बार्सिलोनालाई सेभियाले बार्सिलोनाकै मैदानमा बराबरीमा रोकेको हो । आइतबार राति दुई टोलीको खेल १–१ गोलको बराबरीमा टुंगियो ।
सेभियाका डी जोङले आठौं मिनेटमा गोल गरेका थिए । त्यसको दुई मिनेटमै फिलिप कौटिन्होले गोल गरे । खेल बराबरीमा आएको त्यसपछि भने कुनै गोल हुने सकेनन् । सोहीकारण बार्सिलोनाले अंक बाँडेको हो ।
बराबरीपछि बार्सिलोना ३ खेलबाट ७ अंक जोड्दै अंक तालिकाको पाँचौ स्थानमा उक्लियो । आइतबार नै भएको खेलमा प्रतिस्पर्धी क्लव रियल म्याड्रिड विजयी भएको छ । ४ खेलबाट १० अंक जोडेको रियल शीर्ष स्थानमा रहेको छ ।