भक्तपुर । भक्तपुरमा रोकेर राखेको टिपरमा मोटरसाइकल ठोक्किदा एक जनाको मृत्यु भएको छ । भक्तपुरको सूर्यविनायकमा रोकिराखेको टिप्परमा मोटरसाइकल ठोक्किदा चालकको ज्यान गएको प्रहरीले जनाएको छ । सूर्यविनायक नगरपालिका वडा नम्बर ५ चुनदेवीमा रोकिराखेको बा ३ ख ८८०३ नम्बरको टिप्परमा बा ३० प ९६११ नम्बरको मोटरसाइकल ठोक्किएको थियो ।
त्यसक्रममा घाइते भएका चालक भक्तपुर नगरपालिका ४ दरबार स्क्वायरका ३८ वर्षीय लक्ष्मण ट्वाटीको डाक्टर इवामुरा अस्पतालमा मृतयु भएको छ । मोटरसाइकलको पछाडि बसेकी ७ वर्षकी प्रमिला लामाको उपचार भइरहेको छ । पछिल्लो समय काठमाडौं उपत्यकामा अत्यधिक सवारी चापका बीच अधिक गतिले मानिसहरुको ज्यान लिइरहेको छ ।