काठमाडौं । बुधबार मात्र नियुक्त भएका तीन जना मन्त्रीले पद तथा गोपनीयताको सपथ लिएका छन् । नवनियुक्त अर्थमन्त्री विष्णु पौडेल, सहरी विकास मन्त्री कृष्णगोपाल श्रेष्ठ र महिला बालबालिका तथा जेष्ठ नागरिक मन्त्री लीलानाथ श्रेष्ठले पद तथा गोपनीयताको सपथ लिएका हुन् ।
बिहीबार बिहान राष्ट्रपति कार्यालय शितल निवासमा राष्ट्रपति विद्यादेवी भण्डारीबाट नवनियुक्त मन्त्रीलाई सपथ खुवाइएको हो । सपथसँगै मन्त्रीहरु सम्बन्धित मन्त्रालय पुगेर पदभार सम्हालेका छन् ।