विराटनगर । विराटनगरमा कोरोना भाइरसको संक्रमणबाट थप दुई जनाको मृत्यु भएको छ । नोबेल मेडिकल कलेजमा दुईजना कोरोना संक्रमितको मृत्यु भएको हो । कलेजका अनुसार शुक्रबार बिहान सुनसरीको धरान उपमहानगरपालिका– ८ की ५९ वर्षीया महिला र मोरङको बेलबारी नगरपालिका–११ का ४२ वर्षीय पुरुषको कोरोनाका कारण ज्यान गएको हो ।
पुरुषमा फोक्सो र मिर्गौला सम्बन्धी थप समस्या थियो । उनी ५ कात्तिकमा अस्पताल भर्ना भएका थिए । मृतक महिला २९ असोजमा नोबेल मेडिकल कलेजमा भर्ना भएकी हुन् । उनी श्वासप्रश्वास र मधुमेह सम्बन्धी समस्यासँग लडिरहेकी थिइन् ।