अबुधाबी । विराट कोहलीको टीम रोयल च्यालेन्जर्स बेंग्लोरविरुद्ध रवाफिलो जित निकाल्दै मुम्बई इन्डियन्स जारी आइपिएलमा प्लेअफ पुगेको छ । प्लेअफ पुग्ने मुम्बई पहिलो टिम बन्न समेत सफल भएको छ । बुधबार राति अबुधाबीमा सम्पन्न खेलमा मुबईले बेंग्लोरलाई ५ विकेटले हराएको हो ।
पहिले ब्याटिङ गरेको बेंग्लोरले ६ विकेटको क्षतिमा १६४ रन जोडेको थियो । टीमका लागि देवदुत पडिकलले सर्वाधिक ७४ रनको योगदान गरे । बलिङतर्फ मुम्बईका जसप्रित बुमराहले किफायति बल फाले । उनले ३ विकेट लिने क्रममा ४ ओभरमा १ मेडन राखेर मात्र १४ रन दिए ।
१६५ रनको लक्ष्य मुम्बईले ५ विकेटको क्षतिमा १९.१ ओभरमा भेट्टायो । मुम्बईको जितमा सूर्यकुमार यादवले नटआउट ७९ रनको योगदान गरे ।