लण्डन । बेलायतमा कोरोना भाइरसको महामारीले पुनः जनजिवन प्रभावित बनाउन शुरु गरेको छ । भाइरसको दोस्रो लहर शुरु भएपछि यहाँ चार साता लामो देशव्यापी लकडाउन घोषणा भएको छ । लकडाउन आगामी विहीबारबाट लागु हुने भएको हो । बेलायतमा गत मार्च २३ मा पहिलो पटक लकडाउन घोषणा भएको हो । यो लकडाउन जुलाईमा खोलिएको थियो ।
प्रधानमन्त्री बोरिस जोन्सनका अनुसार अहिले स्कुल, कलेज तथा विश्वविद्यालय भने खुलै हुने छन् । अत्यावश्यक वस्तुका पसल समेत खुल्ने छन् । त्यसबाहेक अन्य पसल भने खोल्न पाइने छैन । रेस्टुरेन्ट र पब बन्द हुनेछन् । तर, टेक–वे पसल भने संचालन गर्न सकिने छ । लकडाउन घोषणा गर्नुअघि बेलायती मन्त्रिमण्डलमा लामो छलफल भएको बीबीसीले जनाएको छ ।