काठमाडौं । नेपालको लोकप्रिय हास्य श्रृङ्खला ‘सक्किगोनी’ अब हिमालय टेलिभिजनबाट प्रसारण हुने भएको छ। कोरोना महामारीका कारण यो श्रृङ्खला रोकिएको थियो । यसअघि नेपाल टेलिभिजनबाट प्रशारण भइरहेको ‘सक्किगोनी’ अब हिमालय टिभिबाट आउने गरी सम्झौता भएको हो ।
कार्यक्रमका निर्देशक कुमार कट्टेल ‘जिग्री’का अनुसार आगामी मंसिर २५ गतेदेखि हरेक बिहीबार राति ८ बजे हिमालय टेलिभिजनबाट प्रसारण हुने भएको छ । हिमालय टेलिभिजनको लगानीमा उत्पादन हुने ‘सक्किगोनी’ श्रृङखलालाई जेपिटी क्रियसनले निर्माण गर्ने भएको छ । कार्यक्रमको बजारीकरणको जिम्मा एपप्याड प्रालिले पाएको छ ।