काठमाडौं । काठमाडौंको चन्द्रागिरी नगरपालिका ५ थानकोटमा बसको ठक्करबाट एक जनाको निधन भएको छ । आज बिहान साढे ४ बजे तरकारी बेच्न निस्किएका ४० वर्षिय नविन लोहारको उपचारका क्रममा ज्यान गएको प्रहरीले जनाएको छ ।
बालाजु निवासी उनी थानकोटमा बसी व्यवसाय गर्दै आएका थिए । नम्बर नखुलेको पहेलो रंगको सार्वजनिक बसले उनलाई ठक्कर दिएको प्रहरीको भनाई छ । अहिले बसको खोजी भइरहेको छ । उनको ओम समाज अस्पतालमा उपचारका क्रममा मृत्यु भएको हो ।