काठमाडौं । नेपालमा पछिल्लो २४ घण्टामा थप २७३६ जनामा कोरोना भाइरसको संक्रमण पुष्टी भएको छ । देशभरका प्रयोगशालामा १२ हजार ९६० नमुना परीक्षण गर्दा १०५९ महिला र १६७७ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
अब नेपालमा कुल संक्रमितको संख्या २ लाख नजिक पुगेको छ । १ लाख ९९ हजार ७६० जना मानिसमा संक्रमण पुष्टी भएको हो । आज देशभर ८५३ जना संक्रमणमुक्त भएका छन् । यससँगै १ लाख ६० हजार ५७७ जना संक्रमणमुक्त भएको मन्त्रालयले जानकारी दिएको छ ।
यससँगै अब देशभर ३८ हजार ३५ संक्रिय संक्रमित रहेका छन् । उनीहरुमध्ये २९ हजार ७३४ जना होम आइसोलेसनमा छन् । ४०४ जनाको आईसीयू र ९६ जनाको भेन्टिलेटरमा उपचार जारी छ ।
कुन जिल्लामा कति थपिए ?
मन्त्रालयका अनुसार काठमाडौं उपत्यकामा १४२० संक्रमित थपिएका छन्, जसमध्ये काठमाडौंका ११४१, ललितपुरका १९३ र भक्तपुरका ८६ जना छन् ।
यस्तै चितवनका १६८, काभ्रेका १०१, कास्कीका ९४, झापाका ९३, रुपन्देहीका ८८, सुनसरीका ७८, कैलालीका ५४, मोरङका ४७, दाङका ४५, नवलपुरका ४१, बर्दियाका ३१, गुल्मीका २७, दोलखाका २४, नुवाकोट, पाल्पा र बाँकेका २२\२२ जना, गोरखाका २१, सिन्धुपाल्चोक र स्याङजाका २०\२० जना, बाराका १९, कञ्चनपुरका १८, धनुषा र सप्तरीका १६र१६ जना, नवलपरासीका १५, सिराहाका १४, महोत्तरीका १३, मकवानपुरका १२ तथा धनकुटा, सर्लाही, कपिलवस्तुका ११\११ जनामा कोरोना संक्रमण पुष्टि भएको छ ।
रोल्पा र बझाङका १०\१० जना, सिन्धुलीका ९, लमजुङ र बाग्लुङका ८\८ जना, तनहुँका ७, धादिङ, रामेछाप र पर्वतका ६\६ जना, उदयपुर, ओखलढुंगा, पर्सा र दैलेखका ५\५ जना, रौतहट, म्याग्दी, अर्घाखाँची, प्युठान, सुर्खेत र डडेलधुरााकका ४\४ जना, खोटाङ, पाँचथर, भोजपुर, अछाम, दार्चुला र बैतडीका ३\३ जना, इलाम, तेह्रथुम र सल्यानका २\२ जना तथा ताप्लेजुङ, रुकुम पूर्व, हुम्ला र डोटीका १\१ जनामा पनि संक्रमण देखिएको छ ।