काठमाडौं । काठमाडौंको कलंकीमा दुई वटा ट्रक ठोक्किएर भएको दुर्घटनामा दुई जनाको मृत्यु भएको छ । एक ट्रकले अर्को ट्रकलाई ठक्कर दिएर दुर्घटना भएको प्रहरीको भनाई छ ।
कलंकीको मकालु पेट्रोल पम्प अगाडि पार्किङ गरेर राखेको बा ३ ख ७५३० नम्बरको ट्रकलाई बल्खुबाट सितापाईलातर्फ जाँदै गरेको बा ५ ख ८८६५ नम्बरको कुखुरा बोक्ने ट्रकले ठक्कर दिएको थियो । घटनामा कुखुरा बोक्ने गाडीमै सवार तीन जनाको ज्यान गएको हो ।
दुर्घटनामा एक जना घाइते छन् । महानगरीय प्रहरी वृत्त कालिमाटीका अनुसार दुर्घटनामा नुवाकोटको सुन्दरादेवी घर भएका २४ वर्षीय रोशन तामाङ, नुवाकोटको तारकेश्वर घर भएका ३७ वर्षीय माधब घिमिरे र नुवाकोट तारकेश्वरकै भुवेन्द्र तामाङको ज्यान गएको छ ।
कलंकीस्थित सहिद स्मृति अस्पतालमा उपचारको क्रममा उनीहरुको ज्यान गएको हो । दुर्घटनामा नुवाकोट तारकेश्वर घर भएका २२ वर्षीय को विजय तामाङ छन् ।
दुवै ट्रकका चालक सकुसल रहेको र उनीहरु प्रहरी नियन्त्रणमा रहेको प्रहरीले जनाएको छ ।