बुटवल । कुर्सिसँग राजधानी साटेको भन्दै बुटलवमा कांग्रेस कार्यकर्ताले अर्थमन्त्रीसमेत रहेका सत्तारूढ नेपाल कम्युनिष्ट पार्टी नेकपाका महासचिव विष्णु पौडेललाई कालो झण्डा देखाएका छन् । बुटवलमा आज बिहान कांग्रेस, नेपाल तरूण दल र नेविसंघका कार्यकर्ताले कालो झन्डा देखाएका हुन् । उनी मंगलबार गृहजिल्ला पुगेका थिए ।
त्यसक्रममा बुधबार बिहान सडकमा कांग्रेस कार्यकर्ताले कालो झन्डा देखाउँदै प्रदर्शन गरेका छन् । उनीहरुले अर्थमन्त्रीको पदका लागि पौडेलले प्रदेश राजधानी सार्न सहमति दिएको आरोप लगाएका छन् । अर्थमन्त्री पौडेल सैनामैनामा सञ्चालित आयोजनाको स्थलगत अवलोकन गर्न तिनाउ नदी पुग्दा सडकमा भेला भएका कांग्रेस कार्यकर्ताले कालो झन्डा देखाएका हुन् ।