काठमाडौं । नेपाली क्रिकेट टिमका कप्तान ज्ञानेन्द्र मल्लसहित तीन खेलाडी र एक जना स्टाफमा कोरोना भाइरसको संक्रमण पुष्टी भएको छ । आजबाट प्रशिक्षण थाल्नु अगाडी उनीहरुको स्वाव संकलन गरिएको थियो । ज्ञानेन्द्र, उपकप्तान दीपेन्द्र सिंह ऐरी र रोहितकुमार पौडेलमा संक्रमण पुष्टी भएको हो ।
अर्का एक जना स्टाफमा समेत कोरोना पुष्टी भएको छ । खेलाडीमा कुनै लक्षण भने नभएको क्यान स्रोतले जानकारी दिएको छ । आगामी विभिन्न प्रतियोगिताहरुका लागि गत चैतयता पहिलो पटक नेपाली टोली मैदानमा प्रशिक्षणमा उत्रिने तयारीमा छ ।