जम्मु कास्मिर । कास्मिरमा शुक्रबार बिहान भएको आतंककारी हमलामा एक गोर्खा सैनिकको ज्यान गएको छ । भारतीय संचारमाध्यमहरुका अनुसार नेपालको दाङ तुलसीपुर घर भई भारतीय सेनामा कार्यरत गोर्खा सैनिकको ज्यान गएको हो ।
लुलसीपुर उपमहानगरपालिका वडा नं. ९ बेलुवा स्थायी घर भएका ३० वर्षीय प्रेम केसीको आतंककारी हमला परी ज्यान गएको छ । उनीसहित एक भारतीय सैनिकको समेत ज्यान गएको छ । जम्मु कास्मिरमा केसीसहित सैनिकमाथि शुक्रबार बिहान ५ बजेतिर हमला भएको थियो । त्यसक्रममा घाइते भएका उनीहरुको अस्पताल लैजाँदै गर्दा बाटोमै मृत्यु भएको हो । प्रेम ७ वर्षीया छोरी र ५ वर्ष छोराका पिता हुन् ।