काठमाडौं । प्रधानमन्त्री केपी शर्मा ओलीले कोभिड– १९ सम्बन्धी संयुक्त राष्ट्रसंघी विशेष महासभालाई सम्बोधन गर्ने कार्यक्रम तय भएको छ । उनको सम्बोधनको भिडियो रेकर्ड संयुक्त राष्ट्रसंघ पुगेको हो । प्रधानमन्त्रीको सम्बोधनको कार्यक्रम बिहीबार रहेको छ ।
महासभा बिहीबार शुरु हुनेछ । उद्घाटनकै दिन नेपालको सम्बोधनको कार्यक्रम राखिएको छ । विशेष सभालाई विश्वका नेता, राष्ट्रसंघका उच्च अधिकारी र कोरोना विरुद्धको खोप बनाइरहेका कम्पनीका प्रमूखहरुबाट सम्बोधन हुने कार्यक्रम राखिएको छ ।
कोभिड–१९ को महामारी र यसले पारेका प्रभावलाई न्यूनिकरणका उपाय खोज्न महासंभा आयोजना भएको हो । महासभामा कुल १४१ वक्ता छन् । जसमा एक वक्ता प्रधानमन्त्री ओली हुन् । ५३ राज्यप्रमुख, ३९ सरकार प्रमुख र ४ उप्रधानमन्त्री र ३८ जना मन्त्रीले बोल्ने कार्यक्रम तय भएको छ ।
नेपालका तर्फबाट बैठकमा कोभिड–१९ को खोपको विकास भएपछि सबै मुलुकको समान पहुँचको माग उठाउने तयारी छ । अहिले संसारका विकसित मुलुकले कोरोना विरुद्धको खोप निर्माणलाई अन्तिम रुप दिइरहेका छन् ।