काठमाडौं । आज सर्वोच्च शिखर सगरमाथाको नयाँ उचाई घोषणा हुँदैछ । सरकारले एकवर्ष अगाडी टोली खटाएर चुचुरो सम्मै पुगेर नापजाँच गरेको सगरमाथाको उचाई आज नापी विभागले सार्वजनिक गर्न लागेको हो । यस पटक चीन र नेपालले संयुक्त रुपमा सगरमाथाको उचाई घोषणा गर्न लागेका छन् । सोहीकारण नयाँ उचाई सहजै विश्वव्यापी मान्य हुने भएको छ ।
सगरमाथा चुचुरो नेपालमा पर्छ । अहिले सगरमाथाको उचाई ८८४८ मिटर रहेको छ । २०७२ सालमा आएको भूकम्पले गराएको हलचलका कारण सगरमाथाको उचाईमा परिवर्तन आएको भन्दै यसको नयाँ उचाई घोषणाको माग उठेको थियो ।
त्यसपछि नेपाल र चीनले छुट्टाछुट्टै टोली खटाएर उचाई नाप गरेका थिए । आज संयुक्त रुपमा नेपालमा उचाई घोषणा गरिदैछ । सगरमाथाको उचाईलाई संसारभरबाट चासोका साथ हेरिएको छ । मंगलबार दिउँसो साढे १ बजे उचाई घोषणा गरिने भएको छ ।