काठमाडौं । स्पेनिस लालिगामा निरन्तर खराब फर्मबाट गुज्रिरहेको बार्सिलोना क्रमशः लयमा फर्कने प्रयासमा छ । बुधबार राती सम्पन्न खेलमा रियल सोसिडाडलाई हराउँदै बार्सिलोना पाँचौ स्थानमा उक्लिएको हो । सोसिडाड लीगको सबैभन्दा शीर्ष स्थानमा थियो ।
तर, बार्सिलोनासँग २–१ गोलले पराजित भएसँगै उक्त टीम दोस्रो स्थानमा उक्लिएको छ । पहिलो स्थानमा एथ्लेटिको म्याड्रिड पुगेको छ । घरेलुु मैदानमा भएको खेलमा बार्सिलोनालाई जित दिलाउन जोर्डी आल्बा र डी योङले एक–एक गोल गरेका छन् । सोसिडाडका लागि विलियन जोसेले एक गोल गरे।
खेलमा सोसिडाडले २७ औं मिनेटमा जोसेको गोलबाट अग्रता लिएको थियो । तर, ४ मिनेटपछि आल्बाले घरेलु टीमलाई बराबरीमा ल्याए । ४३ औं मिनेटमा डी योङले गरेको गोल नै बार्सिलोनाको जीतका लागि निर्णायक बन्यो । किनकी त्यसपछि कुनै पनि टोलीबाट गोल हुन सकेन । जितसँगै बार्सिलोनाले १२ खेलबाट २० अंक जोडेको छ।