काठमाडौं । नेपाल र बंगलादेशबीच रासायनिक मल खरीद गर्ने सम्बन्धमा सम्झौता भएको छ । ५० हजार मेट्रिक टन युरिया मल खरिद गर्न नेपाल र बंगालदेशबीच सम्झौता भएको हो । अबको तीन महिना भित्र मल डेलिभरी गरिसक्ने गरी सम्झौता भएको छ ।
कृषि सामग्री कम्पनी लिमिटेड र बंगालादेशी केमिकल इन्डष्ट्रिज कम्पनीबीच बिहीबार सम्झौता पत्रमा हस्ताक्षर भएको कृषि तथा पशुपन्छी विकास मन्त्रालयले जानकारी दिएको छ ।
यसअघि सरकारले बंगलादेशबाट मल पैचौ ल्याएर तिर्ने सम्झौता गरेको भएपनि बंगलादेश सम्झौताबाट पछि हटेको थियो । त्यसपछि खरीद प्रक्रिया अगाडी बढेको हो ।