स्वीट्जरल्याण्ड । जर्मन क्लब बायर्न म्युनिखका फरवार्ड रोवर्ट लेवान्डवस्कीले पहिलो पटक फिफा वर्ष खेलाडीको उपाधी जित्न सफल भएका छन् । विश्वको उत्कृष्ट खेलाडीको दौडमा रहेका लियानल मेसी र क्रिस्टियानो रोनाल्डोलाई जित्दै उनी पहिलो बन्न सफल भएका हुन् । विश्व फुटलको सर्वोच्च संस्था फिफाले हरेक वर्ष यस्तो अवार्ड प्रदान गर्छन । मेसी गत वर्षका विजेता हुन ।
पोल्याण्डका लेवान्डवस्कीले गत सिजन कुल ४७ खेलबाट ५५ गोल गरेका थिए । उनी आवद्ध क्लव बायर्नले युरोपियन च्याम्पियन्स, लिग बुण्डेसलिगा, जर्मन कपसहित पाँच उपाधि उचालेको थियो । महिलातर्फ इंग्ल्याण्डकी लुसी ब्राउण्जले पहिलो पटक फिफा बेस्ट अवार्ड जितिन ।
वर्षको उत्कृष्ट पुरुष प्रशिक्षकको अवार्ड लिभरपुलका प्रशिक्षक योर्गन क्लोपले जिते । महिलातर्फ नेदरल्याण्ड्स महिला टिमका प्रशिक्षक सारिना विगमन विजयी भईन् । बायर्नका गोलकिपर मानुएल नोएले बेस्ट फिफा गोलकिपरको अवार्ड जिते ।
महिलातर्फ लिइनका सारा बाउहाड्डी विजयी भईन् । प्रिमियर लिग क्लब टोटनहम हट्सपरका हेउन मिन सनले उत्कृष्ट गोल गर्ने खेलाडीले पाउने फिफा पुस्कार अवार्ड जिते । फिफा टिम अफ दि इअरमा बायर्न र लिभरपुलका खेलाडीको बाहुल्य रह्यो । स्ट्राइकरहरु भने लेवान्डवस्कीसहित मेसी र रोनाल्डो नै रहन सफल भए ।