काठमाडौं । सत्तारुढ नेपाल कम्युुनिस्ट पार्टी (नेकपा) भित्रको आन्तरिक विवादमा अब नेपाली कांग्रेसका नेतासमेत सतहमा देखिन थालेका छन् । पछिल्ला दिनमा प्रधानमन्त्री केपी शर्मा ओली र कांग्रेस सभापति शेरबहादुर देउवाबीचको हिमचिम बढेको छ ।
यसबाट नेकपा अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल भने सशंकित बनेका छन् । उनीहरुले आज नेपाली कांग्रेसका वरिष्ठ नेता रामचन्द्र पौडेलसँग भेटवार्ता गर्दै प्रतिपक्षी कांग्रेसले आफ्नो भूमिकामा अडिग रहनु पर्ने सुझाव दिएको स्रोतले जनाएको छ ।
प्रधानमन्त्री ओलीले देउवालाई फकाउन सक्ने आंशकासहित नेकपाका नेताहरु रामचन्द्र पौडेलसमक्ष पुगेका हुन् । भेटमा अध्यादेश प्रकरण र समसामयिक विषयमा छलफल भएको बताइएको छ । यद्दपी पार्टी विवादमा शेर बहादुर देउवाको साथ लिएर प्रधानमन्त्रीले चाल्न सक्ने सम्भावित कदमबारे नेता त्रयबीच छलफल भएको स्रोतको भनाई छ ।