न्युयोर्क
अमेरिकामा पहिलो पटक ऐतिहासिक विवाहपञ्चमी महोत्सव भव्य समारोह सहित सम्पन्न भएको छ । मिथिला सेन्टर अमेरिकाको आयोजनामा राम र सीताको विवाह स्मरण हेतु मनाईएको हो । खासगरी विवाहपञ्चमी पर्व जनकपुरधाममा विशेष रुपले मनाइएपनि अमेरिकामा पनि पहिलो चोटी मनाइएको सेन्टरका अध्यक्ष अमित प्रताप शाहले बताएका छन् ।
हजारौं वर्षअघि आयोजित भगवान राम र देवी सीताको विवाह समारोहको स्मरणमा मनाइने विवाहपञ्चमी उत्सव अटल मानव बन्धनको प्रतीक रहेको भन्दै उत्सव मनाइएको हो । यो पवित्र अवसर सांस्कृतिक मूल्य शताब्दीयौं पुस्तासम्म परिवारको रूपमा रहन्छ, दुई व्यक्तिको मात्र नभई , समाज र देशहरूको पनि रहेको औल्याइएको हो । यस शुभ अवसरले जाति, धर्म, रंग, लिङ्गको पर्वाह नगरी मानवता, समानता र एक अर्कालाई सम्मानका आधारमा समाजमा परिवार र सम्बन्धको यस्तो मूल्य बढाएको आयोजकले जनाएको छ । त्यसकारण हामीले भगवान राम (अयोध्या, भारत) र देवी सीता (जनकपुरधाम, प्राचीन मिथिला राज्यको राजधानी, नेपाल) को अनन्त विवाहको स्मरणार्थले त्यस्ता संस्कार मुल्यलाई प्रवर्धन गर्ने प्रयास गरेका उनीहरुले जनाएको छ । विश्वभरका सयौं हजारौं व्यक्तिहरू, प्रायः भारतका, जनकपुरधामको राम जानकी मन्दिरको यो शुभ अवसरमा तीर्थयात्रा गर्छन्, जुन यूनेस्को विश्व सांस्कृतिक विरासत स्थलको अस्थायी सूचीमा छ ।
यस विवाह पञ्चमी महोत्सव अमेरिका कार्यक्रममा जनकपुरधामको ऐतिहासिक जानकी मन्दिरमा आयोजित विवाहपञ्चमी समारोहको प्रत्यक्ष प्रसारण, सार्वजनिक स्वास्थ्य सुरक्षा र सामाजिक दूरीका लागि एनवाइसीले दिईएको दिशा निर्देशन अनुरुप हिन्दू केन्द्र मन्दिरमा प्रार्थना समारोह समावेश गरिएको थियो । नेपाल, भारत र संयुक्त राज्य अमेरिकाका प्रतिनिधि एवम् समाजका प्रतिष्ठित महानुभावहरुको अनलाइन मार्फत उपस्थिति र सम्वोधन एवम् शुभकामना अदान प्रदान गरेपछि नेपाल, भारत र अमेरिका कलाकारहरुद्वारा सांस्कृतिक कार्यक्रम प्रस्तुत गरिएको थियो ।
नवल यादवले सञ्चालन गरेको कार्यक्रममा संस्थापक एवम् आयोजक अमित साहले जनाए अनुसार युएसएमा पहिलो मिथिला सामुदायिक र सांस्कृतिक केन्द्रको स्थापनाकोलागि समेत काम अगाडि बढि सकेको र नेपाल, भारत मुलुकका सामुदायिक व्यक्तित्वहरु एवम् अमेरिका सरकारका प्रतिनिधिहरुले समेत सहयोग गर्ने प्रतिवद्धता व्यक्त गरेको जनाएका छन् ।
विवाहपञ्चमी महोत्सव अमेरिकाका आयोजक एवम् मिथिला सेन्टर अमेरिकाका संस्थापक अध्यक्ष अमित शाहले भने–‘ हामी दृढ विश्वास गर्दछौं कि तपाईंको निरन्तर सहयोग र सहभागिताले हामीलाई मानवताको त्यस्तो सांस्कृतिक मूल्यमान्यतालाई प्रवर्धन गर्ने यस्ता कार्यक्रमको आयोजनाले संस्कृति सम्पदा र परम्पराको प्रवर्धन र संरक्षण गर्न प्रोत्साहित गर्नेछ’ ।
