पेरिस । फ्रान्समा स्थानीयको झगडा मिलाउन पुगेका प्रहरीमाथि अन्धाधुन्ध गोली प्रहार हुँदा तीन जना प्रहरीको मृत्यु भएको छ । फ्रान्सको पुये–डी–डोममा प्रहरीको हत्या भएको हो । फ्रान्सेली संचारमाध्यमहरुका अनुसार स्थानीयबासीको झगडा साम्य पार्न प्रहरी बोलाइएको थियो ।
उनीहरुमाथि नै गोली प्रहार भएको हो । घटना बुधबारको हो । उक्त घटनामा अर्का एक प्रहरी घाइते भएको बताइएको छ । बुधबार मध्यरात एक महिलाको उद्धार गर्नेक्रममा ४८ वर्षीय एक व्यक्तिले प्रहरीमाथि गोली चलाएका हुन ।
आक्रमणकारी ती व्यक्तिले एक प्रहरीलाई गोली हानी हत्या गर्नुअघि महिलाको घरमा समेत आगो लगाइदिएका छन् । पछिल्लो समय फ्रान्समा गोलीकाण्डका घटना निरन्तर बढीरहेका छन् ।