झापा । काठमाडौंको जाडो छल्न पूर्व राजा ज्ञानेन्द्र शाह र पूर्वरानी कोमल शाह हरेक वर्ष तराई झर्ने गर्छन् । उनीहरुको झापाको दमकमा हिमालयन टी स्टेट नामक निजी चिया बगान रहेको छ । उनीहरु जाडोयाममा केही समय सोही बगानमा रहेको भवनमा बस्ने गरेका छन् ।
यस पटक समेत उनीहरु करीव एक महिना झापामा बस्ने भएका छन् । ज्ञानेन्द्र र कोमल आइबार साँझ बुद्ध एयर चढेर झापा पुगेका छन् । उनीहरुलाई भद्रपुरस्थित चन्द्रगढी विमानस्थलमा समर्थकहरूले भब्य स्वागत गरेका थिए।
समर्थकबाट राजा आउ देश बचाउ, गणतन्त्र मुर्दावाद, संघीयता खारेज गर, हिन्दू राष्ट« कायम गर जस्ता नारा लागेका थिए । झापामा रहँदा धार्मिक पिठ प्रतिष्ठानहरुमा ज्ञानेन्द्र दम्पत्ति सहभागी हुने भएका छन् । पछिल्लो राजनीतिक उथलपुथलमा मौन बसिरहेका पूर्वराजा ज्ञानेन्द्र एक्कासी झापामा देखा परेका हुन् ।