काठमाडौं । सरकारले राहदानीमा राख्ने विभिन्न तस्वीर स्वीकृत गरेको छ । पुस १५ मा बसेको मन्त्रिपरिषद बैठकले राहदानीको भित्री पानामा राख्ने गरी विभिन्न तस्वीरलाई स्वीकृति दिएको छ । सरकारका प्रवक्ता पार्वत गुरुङका अनुसार राहदानीको पहिलो कभर पेजको भित्री पृष्ठमा डाँफे र राष्ट्रिय झण्डा रहने भएको छ । पृष्ठ १ मा सगरमाथाको तस्वीर राखिने भएको छ ।
त्यसपछिका पृष्ठमा पोलिकार्बोनेट डाटा पेज, लुम्बिनी, राष्ट्रपति भवन, एक सिंगे गैंडा, चाँगु नारायण मन्दिर, इलामको कन्याम चिया बगान, लालीगुराँस, पशुपतिनाथ मन्दिर, मिथिला आर्ट, धान रोपाईं, कुमारी, माथिल्लो मुस्ताङ, बाघ, जुम्लाको सिञ्जा उपत्यका, देशेमरु झ्याँ र जानकी मन्दिर रहने गरी निर्णय भएको उनले जानकारी दिए ।
करुवा, हात्ती, रानीपोखरी, हनुमानढोका दरबार, धरहरा, भुर्तिका देवल, पाटन दरबार स्क्वायर, पुतली, वौद्धनाथ, भक्तपुर दरबार स्क्वायर, महाकाली पुल, कृष्णसार, सगरमाथा जाने लोबुचे क्षेत्रको ट्रेकिङ, रानीमहल, राराताल, माथिल्लो तामाकोशी र सिंहदरबार पनि राहदानीका पानाहरुमा हटाउने भएका छन् । राहदानीको अन्तिम पृष्ठको भित्री पृष्ठमा डाँफे र नेपालको राष्ट्रिय झण्डा राखिने भएको छ ।